lundi 31 décembre 2018

Alatsinainy 31 Desambra 2018 - Lio 1 : 39 - 56

39Niainga i Maria tamin'izany andro izany, ka nandeha faingana ho any amin'ny tanàna anankiray anatin'ny faritra be havoana any Joda, 40ary namantana tao an-tranon'i Zakarià ka niarahaba an'i Elizabeta. 41Vantany vao henon'i Elizabeta niarahaba azy i Maria, dia injao nibita-karavoana ilay zaza tao an-kibon'i Elizabeta; ary feno ny Fanahy Masina i Elizabeta 42ka nanandra-peo niantso mafy hoe:

–Nombàn'Andriamanitra fitahiana amin'ny samy vehivavy ianao, ary nombàny fitahiana koa Ilay haterakao! 43Zinona moa aho no mba vangian'ny renin'ny Tompoko? 44Fa indro vantany vao henoko niarahaba ahy ianao, dia nibitaky ny haravoana tokoa ny zaza tao an-kiboko. 45Ary sambatra ianao nino fa ho tanteraka izay nampilazain'ny Tompo taminao!

46Ary hoy i Maria:
–Mankalaza ny Tompo ny fanahiko,
47ary ny aiko miravo amin'Andriamanitra Mpamonjy ahy,
48noho Izy nitsinjo ahy mpanompovaviny tsinontsinona!
Eny, hatramin'izao dia hambaran'ny taranaka rehetra
hoe sambatra aho,
49fa zava-dehibe no nataon'ilay Mahery tamiko.
Masina ny anarany!
50Ary hamindra fo hatramin'ny taranaka mifandimby ireo manaja Azy.
51Nanatanterahany asa lehibe ny sandriny mahery;
ka ny mpihevi-tena ho ambony nataony mihahaka.
52Ny mpanjakazaka naongany hiala tamin'ny
sezafiandrianany;
ny tsinontsinona kosa nasandrany.
53Ny noana novokisany zava-tsoa;
ny mpanankarena kosa nalefany nody maina.
54-55Niahy ny vahoaka Israely mpanompony Andriamanitra,
satria nahatsiaro ny teniny tamin'ny razantsika;
dia ny hamindra fo mandrakizay
amin'i Abrahama sy ny taranany.

56Nitoetra tokony ho telo volana tao amin-dry Elizabeta i Maria vao lasa nody.

Ny fifalian'ny mpino

1- Vokatry ny fahatsapana ny asan' Anelriamanitra

Azo tsoahina eo amin'nv and. 48 sy 49a izany hevitra izany. Tsy verv maina ny fanetren-tena nasehon'i Maria, fa notanterahin'ny Tompo taminy tokoa ny hoe « izay manetry tena no asandratra». Tsapany fa nanao zava-dehibe taminy ny Tompo. Izany no nitarika azy ho faly sy hankalaza ary hiravoravo. Mifarana ny taona. mba nahatsapa ny zava-dehibe nataon'ny Tompo teo amin'ny fiainanao ve ianao ? Ny olona tsy mahay manetry tena dia tsy ahatsapa izany ? Manetre tena, tahaka an'i Maria. ary diniho izay nataon'ny Tompo taminao. Amin'ny fotoana tahaka izao dia tsy izay nataon'ny Tompo no mampifaly ny maro fa ny volon'andro fety. lanao kosa mba ahoana ?

2- Mitarika hatahotra an'Andriamanitra

Manomboka eo amin'ny and.48 dia aseho ny toetran' Andriamanitra : Mahery sy Masina ary marina sy tsy miova ary tsy mivadika (and.54-55). Takatry ny mpino toa an'i Maria ny toetran'Andriamanitra rehefa nandray ny famonjena izy ka faly. Ny fifaliana noho ny famonjena dia mahatonga ny olona hahatakatra ny hery sy ny toetrany Andriamanitra, ka matahotra Azy. Fifaliana mitarika antsika hatahotra ny Tompo izany. Hifaly isika hiandry ny taombaovao. Misy ny tsy mahay mifaly, raha tsy mandray zava-mahamamo. Aza maneho fifaliana manalavitra an' Andriamanitra amin'ny tsy fahatsiarovan-tena. Ny olona mifaly amin'ny famonjena dia mahatakatra ny toetran'ny Tompo, ka tonga matahotra Azy. Andriamanitra no atahory, ary mlahaiza mifaly ao anatin'izany.

Fanontaniana:
Nahoana no asaina rnifaly isika. ary tokony hifaly, amin'ny fotoarla tahaka izao ?

dimanche 30 décembre 2018

Alahady 30 Desambra 2018 - Fil 4 : 1 - 9

1Toy izany àry, ry hava-malala, no aoka hitomoeranareo tsara miray amin'ny Tompo. Fa tiako tokoa ianareo, ry havako, sady manina anareo fatratra aho; ianareo no fifaliako sy toy ny satroboninahi-pandresena ho ahy.

2Ry i Eodia sy i Sintîka, miangavy mafy anareo aho mba hifanaraka, noho ianareo mpirahavavy ao amin'ny Tompo. 3Ary ianao koa, ry ilay mpiara-miasa akaiky tamiko, mangataka anao aho mba hanampy azy roa vavy, fa niara-nikatroka nanao izay hielezan'ny Vaovao Mahafaly izahay mbamin'i Klemanta koa sy ny hafa rehetra mpiara-miasa amiko izay samy voasoratra anarana ao amin'ilay horonamboky mirakitra ny lisitr'ireo hanana ny fiaina-maharitra mandrakizay.

4Mifalia mandrakariva noho ianareo tafaray amin'ny Tompo. Mbola antitranteriko indray: mifalia! Manehoa fandeferana amin'ny olona rehetra. 5Tsy ho ela, dia ho tonga ny Tompo! 6Aza manahy na inona na inona fa ambarao amin'Andriamanitra isaka izay mivavaka ny zavatra ilainareo, ary angataho amin'ny fo feno fankasitrahana. 7Ary ilay fiadanana avy amin'Andriamanitra sady mihoatra noho ny zavatra rehetra takatry ny fieritreretan'olombelona, dia hiaro ny fonareo sy ny sainareo, satria efa tafaray amin'i Kristy Jesoa ianareo.

8Farany, ry havana, aoka hoheverinareo izay zavatra tsara sy maha te hidera: dia izay rehetra marina, manan-kaja, ara-drariny, madio, mahatehotia ary tsara laza. 9Ataovy izay efa nianaranareo sy noraisinareo tamiko ary izay renareo sy hitanareo nataoko. Dia homba anareo Andriamanitra loharanon'ny fiadanana.

Mifaly mandrakariva ny mpino

1- Noho ny fananana mpiara-manompo (and.1-3)

Fifaliana ho an'i Paoly ny fananana ireo namana mpiara- miasa mitoetra tsara amin'ny finoana sy ny fanompoana. Ny fandravonana ireo disadisa eo amin'ny samy mpiara-manompo no mampitoetra maharitra ny fifaliana eo anivon'ny Fiangonana. Amporisihana isika handravona ireny disadisa ireny.

2- Noho ny fahafahana mangataka amin'ny Tompo

Be ny zavatra mety hampanahy eo ampanaovana ny asan'ny Tompo. Ny mahafaly anefa dia ny fahafahana manandratra fangatahana mandrakariva eo amin'Ilay Andriamanitra mpaniraka (and.6-7). Izany rahateo no fanalahidin'ny fahombiazana eo amin'ny fijoroana vavolombelony.

3- Noho ny fananana mpanipianatra marina (and.8-10)

Be ny mpampianatra sandoka. Miseho ho marina, manan- kaja, mahitsy, madio, maha te ho tia, tsara laza, ary miseho ho manana hantsaram-panahy izy ireny kanefa mamily ny fon'ny maro hiala amin'ny finoana marina. Mifalia raha nomen'ny Tompo mpampianatra marina isika hitaiza antsika ara-panahy.

Fanontaniana :
Raha tompon' andraikitra ianao, ezaho tanisaina ny anaran 'ireo olona miara-miasa aminao

samedi 29 décembre 2018

Sabotsy 29 Desambra 2018- I Sam 2 : 1 - 3

1Ary i Hanà nanao tonom-bavaka toy izao:
Feno hafaliana ny foko noho ny amin'ny TOMPO;
mitraka koa ny lohako noho ny aminy.
ary ihomehezako ny fahavaloko.
Faly aho satria novonjen'ny TOMPO;
2tsy misy masina tahaka AZY,
ary tsy misy vatolampy
tahaka an'Andriamanitsika.
Eny, Izy irery ihany no TOMPO.
3Atsaharo ny teny an'avona
sy ny vava tsy ambina rehetra,
fa Andriamanitra mahalala
ny zava-drehetra ny TOMPO;
Izy no mitsara ny ataon'ny olona.

Ny olona nandray valim-bavaka

Naneho ny hafaliany noho ny valim-bavaka azony i Hana ka mifaly:

1- Amin'ny famonjen'nv Tompo

Ny famonjen'Andriamanitra tamin'ny nanomezany azy zazalahy no mahafeno fifaliana ny fon'i Hana (and. 1). Izany famonjen'Andriamanitra izany koa no tokony hampifaly antsika isan'andro satria efa nomen' Andriamanitra antsika i Jesoa zanany mba ho famonjena antsika.

2- Amin'nv fampaiityinan'ny Tonino ireo fahavalo

Naneso an'i Hana mandrakariva ny rafiny noho ny tsy fananany zanaka. Nalahelo noho izany izy ka nentiny teo amin'Andriamanitra ny alahelony (1.1-20). Nihaino vavaka azy nv Tompo. Mifalia mandrakariva na dia misy mpaneso aza fa ny Tompo no miasa hampitsahatra izany.

3- Amin'nv fahafantarana ny Tompo

Resy lahatra ny amin'ny maha tokana sy tsy manampaharoa an'Andriamanitra i Hana. Izany no maha  Andriamanitra masina Azy (and.2a). Azo itokiana sy ianteherana ihany koa Izy koa mifalia amin'ny fanompoana Azy sy ny fananana Azy ho Andriamanitra (and.2b).

Fanontaniana :
Iza no anaran'ìlay zaza naterak 'I Hana?



vendredi 28 décembre 2018

Zoma 28 Desambra 2018 - I Tes 5 : 12 - 19

12Mangataka aminareo izahay, ry havana, mba hanaja izay mikely aina eo anivonareo, dia izay voatendrin'ny Tompo hitarika sy hananatra anareo. 13Fankatoavana be dia be ombàm-pitiavana no asehoy azy ireo, noho ny asa tontosainy. Mihavàna tsara ianareo samy ianareo.
14Miangavy anareo izahay, ry havana: anaro ny kamo, ampaherezo ny katahotra, ampio ny osa, ary aoka hahari-po amin'ny olona rehetra. 15Tandremo mba tsy hisy hamaly ratsy ny ratsy, fa miezaha mandrakariva hifanasoa ary hanasoa ny olona rehetra.
16Mifalia mandrakariva; 17mivavaha lalandava; 18misaora an'Andriamanitra amin'ny zavatra rehetra, fa izany no sitrak'Andriamanitra hataonareo tafaray amin'i Kristy Jesoa.
19Aza vonoina ny asan'ny Fanahy Masina

Mpino mahay mivelona amin'ny finoany

1- Fifaliana hatrany

« Mifalia mandrakariva» (and. 16). Ny tiana hamhara amin'izany teny izany dia ny ahaizan'ny mpino mifaly amin'ny trangan-javatra rehetra eo amin'ny fiainany. Misy ary tsy maintsy lalovana ny fahasahiranana amam-pahoriana. Tsy ireny no mampifaly fa izay ataon'ny Tompo amintsika ao anatin'ireny olana sy fahasahiranana ireny. Hoy nv mpanompon'Andriamanitra iray : « Lanjao ny hazo fijaliana ; kanefa manàna fìfàliana ». Tsy hain'ny tsy mino iainana izany; kanefa tandremo ny mitsiky tsy ravo , fa manàna hatrany fìfaliana noho izay ataon'ny Tompo aminao.

2- Maharitra amin'ny fivavahana

Amin'ny fotoana tsy ivavahantsika. dia tsy manana faharetana isika. Mifameno amin'ny Mofonaina omaly izany. Ny olona maharitra mivavaka, dia olona manantena ny Tompo hiditra an-tsehatra amin'ny zava-manjo azy. Tsy olona miandry ny hotoloram-potsiny anefa, fa maharitra mivavaka. lo no handraisantsika hery. ahazoantsika miandry ny hahatongavan'ny fanantenana. na dia mbola eny amin'ny faravodilanitra aza

3- Mahay misaotra amin'ny zavatra rehetra

« Misaora amin'ny zavatra rehetra ». lo fahaiza-misaotra io no itarafana ny finoana ao amin'ny olona iray mahay misaotra tokoa isika, rehela mandrav ka mahazo zavatra tsara iray. Tsy ny zavatra raisina na omena ihany no itaomana antsika hisaotra eto, fa izay nataon'ny Tompo sy mbola hataony amintsika indrindra koa. Tsarovy izany tamin'ity taona ity. ka ataovy fanantenana ho anao amin'ny taona ho avy

Fanontaniana
Ahoana izany misaotra amin'ny zavatra rehetra izany ?

jeudi 27 décembre 2018

Alakamisy 27 Desambra 2018 - Rom 12 : 9 - 13

9Aoka ny fitiavana tsy hisy fihatsarambelatsihy. Mankahalà ny ratsy; mifikira amin'ny tsara. 10Mifankatiava toy ny mpiray tampo; miezaha amin'ny fifanajana. 11Mazotoa fa aza malaina. Aoka hafana fo amin'ny fanompoana ny Tompo. 12Mifalia amin'ny fanantenana; miareta amin'ny fahoriana, mahareta amin'ny fivavahana, 13mandraisa anjara amin'ny fanampiana ireo sahirana amin'ny samy vahoakan'Andriamanitra; mazotoa mandray vahiny.

Mahaiza mifaly noho ny fanantenana

1- Ny olona manana fanantenana dia mitraka

« Mifalia amin'ny fanantenana » (and. 12). Ny fanantenana ao amin'ny mpino no mitarika azy hifaly. Ny fanantenana dia vokatry ny finoana sy fahatokiana ary faharesen-dahatra fa hanatanteraka ny teny fíkasana sy fanomezan-toky nambarany tamintsika nv Tompo. Tsy kobaka am-bava ny Tompo fa hotanterahinv izay nolazainy, koa mitrakà, aza manjoretra, na manjonitra fa mifalia ! Ny teny nolazain'ny Tompo no inoantsika. ary ny finoana no mitondra fanantenana. Koa mifalia fa izay teny nomen'ny Tompo anao tamin'izao krismasy izao dia ho tanterahiny tokoa. noho ny fitiavany anao.

2- Ny olona manana fanantenana dia miaritra

« Miareta amin'ny fahoriana » Nahoana àry no asina mifaly nefa asaina miaritra fahoriana ? Satria ny fanantenana dia mitarika antsika ahita lafiny miabo tsara, ary fiainana. Tsy maintsy mandalo fahoriana tahaka an'i Kristy ny Mpino : kanefa handalo izany fa fandresena toy ny nitsanganan'ny Tompo tamin'ny maty no ihavin'ny fanantenana. Koa mifalia na dia miaritra fahoriana aza fa lalana tsy maintsy lalovana vetivety izany.

3 - Ny olona manana fanantenana dia maharitra
 «Mahareta amin'ny fivavahana ». Ny dika sy hevitry ny « manantena » dia ny tenv hoe : « miandry ». Ny olona miandry dia tsv maintsy maharitra sy miaritra. Tsy miainana amin'ny fanantenana izay maimaika sy dodona tsy mahandry tantana. lo faharetana io dia asehoy amin'nv fivavahana. Mivavaha mandra-piposaky ny fanantenana fa tsy maintsy ho avy izany.

Fanontaniana:

Moa azonao hazavaina indray ve ny fifandraisan'ny fifaliana noho ny fanantenana sy ny fiaretana fahoriana?

mercredi 26 décembre 2018

Alarobia 26 Desambra 2018 - Mat 2 : 6 - 12

6«Ary ianao, ry Betlehema, tanin'i Joda,
tsy ianao tsy akory no kely indrindra amin'ireo tanàna malazan'i Jodea;
fa avy aminao no hipoiran'ilay filoha
izay ho mpiandry an'i Israely vahoakako.»

7Tamin'izay dia nampiantsoin'i Herôda mangingina ireto olon-kendry ka nofotopotoriny tsara taminy ilay fotoana nisehoan'ny kintana; 8izay vao nalefany ho any Betlehema sady nataony hoe:
–Ndeha àry ka fotopotory tsara ny amin'ilay zaza; rehefa hitanareo dia ilazao aho, fa te hankany koa aho hiankohoka eo anatrehany.

9-10Nony avy nandre ny tenin'ny mpanjaka ireo olon-kendry, dia niainga. Ary indro tazany indray ilay kintana hitany fony niposaka, hany ka faly dia faly aoka izany ry zareo. Nialoha lalana azy ireo hatrany ilay kintana ary tsy nijanona raha tsy efa teo ambonin'ny toerana nisy ny zaza. 11Niditra tao an-trano ireo olon-kendry ka nahita ny zaza teny amin'i Maria reniny ary niankohoka teo anatrehan'ilay zaza ho fanajana azy. Rehefa izany, nanokatra ny vata fasiany rakitra ireto mpamangy ary nanolotra fanatitra ho azy: dia volamena sy ditin-kazo manitra ary miora. 12Ary notoroan'Andriamanitra hevitra tamin'ny nofy izy ireo tsy hiverina any amin'i Herôda, ka dia lalan-kafa no nizorany hody any amin'ny tany fonenany.

Ary nony nahita ny kintana izy dia nifaly indrindra »

Ny Magy avy tany amin'ny toeran-davitra, avy tany atsinanana no tonga tany Jerosalema nitady ny mba ihaona amin'i Jesoa. Manam-pahaizana momba ny kintana sy fandinihana ny lanitra ny Magy. Izany fahalalany izany anefa dia tsy nitondra azy mivantana ho any amin'ny Tompo, fa tany Jerosalema, teo anatrehan i Heroda aloha.

Mahagaga ny finiavan'ny Magy. sy ny fizotry ny tantara, fa ny fahaizana amam-pahalalan'ny Magy izay fiasana nitarika azy hizotra hanatona an'i Jesoa dia nilaina. kanefa ny Tenin'Andriamanitra izay voasoratra ao amin'ny Mika 5. 1. no kihon-dalana namily ny dian'izy ireo ihaona marina tamin'i Jesoa tao Betlehema. Nolazaina ny Tenin' Andriamanitra : kanefa mbola hitany ihany ny kintana. ka nifaly indrindra izy ireo.

Tena nilaina ny fahaizana ombam-piniavana tao amin'ny Magy; kanefa tsy nampihaona azy ireo tamin'ny Tompo Jesoa, fa nahitany an'i Heroda romotry ny hatezerana aza. Tahaka antsika manatona fiangonana izany, izay mety ahitantsika toetran'olona samihafa mety mahakivv antsika, saingy rehefa atodiky ny Tenin'Andriamanitra isika, ka mihaona marina amin'ny Tompo dia mifalia tahaka ny Magy. Aza mihevitra ny toetran'ny hafa, tahaka ny Magy tsy sahirana tamin'ny hatezeran'i Heroda, fa nifaly. Ny fahalalana nomen'ny Tompo antsika, omban'ny fahazavan'ny Tenin'Andriamanitra sy ny Fanahy Masina, no toy ny kintan'ny Magy izay mitarika antsika mpino, hanatona sy hihaona marina amin'i Jesoa.

Fanontaniana :
Moa tena tafahaona tamin'i Tompo tokoa ve ny rehetra amin'ny Krismasy toy izany ? Inona no antony ?

mardi 25 décembre 2018

Talata 25 Desambra 2018 - Mik 5 : 1 - 5

1Dia hoy ny Tompo hoe:
«Ianao, ry Betlehema Efratà,
isan'ireo tanàna kely indrindra ao Joda ianao!
Kanefa avy aminao no hamoahako
ilay ho Mpanjaka an'i Israely.
Efa hatramin'ny fahagola no niandohany,
dia hatramin'ny andro taloha elabe.»
2–Noho izany, ny Tompo dia hanolotra ny vahoakany
amin'ny fahavalo
mandra-piavin'ny andro hahatera-dahy ny vehivavy iray;
ka izay sisa velona, amin'ireo rahalahiny
voasesi-tany,
dia hiverina ho any amin'ireo Israelita namany.
3Ary hitsangana hitondra ny vahoaka
izany mpanapaka nampanantenaina izany,
hombàn'ny hery sy heniky ny famirapiratana
avy amin'ny TOMPO Andriamaniny.
Dia handry feizay ny vahoakany,
satria ho lehibe hatrany am-paran'ny tany
izany mpanapaka izany:
4izy no hitondra fiadanana!
–Raha tonga hanafika ny tanintsika ny Asirianina
ka hitsofoka hatraty an-dapantsika,
dia hanangana mpitari-tafika marobe hamelezana azy isika.
5Ary handresy amin'ny sabatra sy lefom-pohy
ireo mpitari-tafika ireo
ka hifehy an'i Asiria, tanin'i Nimrôda.
Izany mpanapaka izany mihitsy
no hanafaka antsika amin'ny Asirianina
izay hihoatra sisitany
ka ho tonga hanafika ny tanintsika.

Mifalia amin'ny fanantenana

Hafatra sy fifaliana Krismasy ho antsika izany. satria :

1- Azo antoka ny fiainan'ny mino

« Ary hitsangana sy hiandry ny ondriny amin 'ny herin 'i Jehovah » (and.3). Ny mesia, izay solofon'i Jese izany ambara ho Mpiandry ondry izany. Ny Mpiandry ondry dia sary entin'ny Soratra Masina milaza ny tompon'andraikitra eo amin'ny fiainam-bahoaka, na ny fiainana ara-pivavahana, na ny fìaraha-monina tsotra. Entina milaza ny mpitondra, tena raiamandreny mpiahy sy mpiaro ary mpikarakara sy mpamelona. Mifalia fa azo antoka ny fiainan'ny mpino, noho isika nomena « Mpiandry ondry » vonona hiaro, hitsimbina. hamelona ka hitondra antsika amin'ny fiainana. Tanteraka tao amin'i Jesoa Kristy izany, izay nomen'ny Tompo antsika, ka niara-nonina tamintsika ary tsarovana amin'ity anio ity.

2- Azo antoka ny fiadanana

Ny and.4 - 5 dia milaza ny hitondran'io « Mpiandry ondry » io fiadanana, ary Izy mihitsy no fiadanana (and.4). Ny fiadanana dia ilazana fandriampahalemana sy fahatoniana ary fahasalamana. Aseho eto tokoa fa hofaranany ny ady sy ny fampahorian'ny firenen-dehibe, satria horeseny ny Asiriana, izay lozabe sv nampahory. Aza adinoina, ary mifalia fa hanatanteraka izanv ho an'ny tanintsika koa i Jesoa izay nomena antsika. satria « Zazalahy nomena antsika » Izy hitondra fiadanana sy fahasalamana tsy ho an'ny isam-batan'olona ihany fa ho an'ny tanintsika koa.

Fanontaniana:
Moa fìadanana ara-panahy ihany ve no entin'i Kristy '?


lundi 24 décembre 2018

Alatsinainy 24 Desambra 2018 - Jao 1 : 14 - 18

14Ilay Teny dia tonga olombelona, ka niara-nonina taminay. Feno fahasoavana sy fahamarinana Izy ary hitanay ny voninahiny, dia voninahitra avy amin'ny Ray ho an'ny Zanaka lahitokana.
15Vavolombelona manambara Azy i Jôhany ka niantso mafy hoe:

–Izy no Ilay voalazako hoe: «Ilay tamy aoriako dia lehibe noho izaho, satria efa nisy talohako.»
16Feno harem-pahasoavana ilay Teny ka nandraisantsika rehetra fahasoavana tovozin-tsy ritra: 17satria ny lalàna dia nomen'Andriamanitra tamin'ny alalan'i Mosesy, fa ny fahasoavana sy ny fahamarinana kosa dia tonga tamin'ny alalan'i Jesoa Kristy. 18Tsy nisy nahita an'Andriamanitra na oviana na oviana; fa ny Zanaka lahitokana, Izay Andriamanitra sy miombona tanteraka amin'ny Ray, no efa nanambara Azy.

Mifalia!

Mifalia amin'ny andro Krismasy toy izao satria ampahatsiahivin'ny Tompo amintsika fa:

1- Miara-monina amintsika Izy (and.14 a)

Ny fahatongavan'Andriamanitra ho olona miara-monina amintsika no loharanom-pifaliana ho an'ny mila vonjy. Tsarovana, amin'ny andro Krismasy toy izao izany ka rariny raha maneho ny hafaliany ny mpino. Fifaliana miaraka amin'Andriamanitra noho izany no hatao amin'ny andro toy izao satria eo amintsika Izy, miaraka amintsika.

2- Hitantsika ny voninahiny (and.14 b-15)

Ny fahalehibeazan'Andriamanitra no ambara amin'ny hoe ny voninahiny. Naseho ho hitantsika tamin'ny alalan'i Jesoa Kristy izany ka ny teniny sy ny asany dia samy nampiseho izany fahalehibeazan'Andriamanitra izany avokoa
.
3- Henika ny fahasoavany isika (and.16-18)

Fanomezana maimaim-poana ateraky ny fitiavana ny fahasoavana. Ny famonjena antsika tamin'ny alalan'i Jesoa Kristy no fahasoavan' Andriamanitra omena izay mino. Tsv avy amin'ny asantsika izany fandrao hisy hirehareha fa vokatry ny fitiavan'Andriamanitra.

Fanontaniana:
Endrika manao ahoana no tokony hanehoan'ny mpino ny fifaliany amin'ny andro Krismasy toy izao?

dimanche 23 décembre 2018

Alahady 23 Desambra 2018 - Deo 26 : 5 - 11

5Ary samy hiteny eo anatrehan'ny TOMPO Andriamanitrareo ianareo ka hanao hoe:

«Aramianina mpanjenjena ilay razambeko; nidina nankany Ejipta izy, dia nivahiny tany niaraka tamin'olom-bitsy; ka tany izy no tonga firenena lehibe sy mahery sady maro isa. 6Ratsy fitondra anay ny Ejiptianina ka nampahory anay sy nampanao anay fanompoana mafy. 7Dia nitarainanay ilay TOMPO Andriamanitry ny razambenay, ka nohenoiny ny feonay ary hitany fa nahantra sy nijaly sady nampahorîna izahay. 8Fiarovana mahery sy fahefana tsy hay tohaina ombàn'ny fampatahorana goavana sy famantarana ary zava-mahagaga no namoahan'ny TOMPO anay hiala tany Ejipta; 9ary nentiny hiditra teto amin'ity tany ity izahay ka nomeny anay ity tany ity, dia tany tondra-dronono sy tantely. 10Koa ankehitriny, TOMPO ô, intỳ aho mitondra ny voaloham-bokatr'ilay tany izay efa nomenao ahy.»

Dia samy hametraka izany zavatra izany eo anoloan'ny Toeramasin'ny TOMPO Andriamanitrareo ianareo sady hiankohoka hitsaoka ny TOMPO Andriamanitrareo. 11Avy eo noho ny soa rehetra izay nomen'ny TOMPO Andriamanitrareo anareo, dia hifaly ianareo miaraka amin'ny Levita sy ny vahiny eo aminareo.

Andriamanitra loharanom-pifaliana

Fanambara-pinoana lehibe amin'ny alalan'ny teny sy ny asa no ataon'ny vahoakan'Andriamanitra. Asongadina amin'izany fa Andriamanitra no loharanom-pifaliana satria:

1- Manafaka Izy (and.5-9)

Tsarovana eto ny nifidianan' Andriamanitra an'i Abrahama. ny fivahinianana tany Egypta ary ny fanomezana ny tany Kanana. Ny fanafahan'Andriamanitra indrindra no tiana avohitra eto satria izany no nahafanhan'ny zanak'Isiraely niaina sy nivelona finaritra teo amin'ny tany Kanana. Afaka mifaly toy izany koa isika noho ny fanafahan'Andriamanitra antsika tamin'ny alalan'i Jesoa Kristy ka tsy andevozin'ny fahotana samihafa intsony.

2- Manome ny soa Izy (and.10-11)

Hita taratra tamin'ny nanomezan'Andriamanitra azy ireo tany tondra-dronono sy tantely ny fanomezan' Andriamanitra ny soa ho an'ny vahoakany. Mifaly noho izany ny vahoaka ka mitondra ny voaloham-bokany ho an' Andriamanitra. Maro nv soa noraisintsika avy tamin' Andriamanitra ka voalohany indrindra amin'ireny ny namonjeny antsika tamin'ny alalan'i Jesoa Kristy. Mifalia ka manatera fisaorana ho Azy.

Fanontaniana:
Inona no manosika anao hanao fanatitra ho an'ny Tompo?

samedi 22 décembre 2018

Sabotsy 22 Desambra 2018 - Sal 68 : 1 - 10

1 Tao amin'ny tahirin-kiran'ny filohan'antoko-mpihira. Hohiraina araka ny feon'ny hoe «Aza ravana....» Salamo nataon'i Davida.

2Moa dia ny rariny tokoa ve
no lazainareo, ry manampahefana?
Moa araka ny hitsiny ve
no itsaranareo ny olona?
3Tsy izany, fa minia manao ny ratsy ianareo;
ny herisetra ataonareo no afafinareo amin'ity tany ity.
4Hatrany am-bohòka ny olon-dratsy no mivoana;
hatramin'ny vao teraka ny mpandainga no maniasia.
5Misy poizina tahaka ny menarana izy;
manentsin-tadîny tahaka ny bibilava marenina
6izay tsy mihaino ny mpanao safosiaka azy,
na dia ny mahasondriana indrindra aza.
7Andriamanitra ô, torotoroy ao am-bavany ny nifiny;
TOMPO ô, montsany ny vangin'ireo zary liona ireo.
8Hihanaka toa rano abosasaka anie izy,
hadisadisa toa ahitra voahosihosy;
9ho tahaka ny lelosy anie izy,
ka hiempo eny am-pandehanana;
ho tahaka ny zaza tsy tonga volana
ka tsy hahita masoandro na oviana na oviana!
10Tsy mbola tonga kirihitra akory
ny tsilo novolen'ny olon-dratsy,
dia hongotan'ny tafiotra sahady
na mbola maitso na efa maina.

Ny antom-pifalian'ny marina

1 - Ny fandresen'Andriamanitra ny fahavalony

Andriamanitra no miady ho an'ny mpanompony. Mitsangana handresy ny fahavalo Izy ka mandositra sy miely lavitra ireny (and. 1-2). Miorina amin'ny finoana an'i Jesoa Kristy ny fifalian'ny mpino noho Izy efa nandresy ny fahoriana sy ny fahafatesana ho antsika.

2 - Ny fisinjovin'Andriamanitra ny olona ory

Mitsinjo ny marina Andriamanitra ary koa manome rariny ny kamboty sy ny mpitondratena (and.10). Akaikin'izay zohim-pahoriana hatrany Izy ka mampitoetra fifaliana ao am-pon'ireny (and.5-6). Ny fiderana sy ny fankalazana ny Anarany no entina maneho ny fifaliana eo anatrehan' Andriamanitra izay nitsinjo antsika tamin'ny alalan'i Jesoa Kristy Tompontsika (and.3-4).

3 - Nv fanatrehan'Andriamanitra ny olony

Manatrika ny olony hatranv Andriamanitra. Mihorohoro eo anatrehany ny voahary rehetra (and.8). Tsy manatrika fe-manatrika fotsiny ny vahoakany anefa Izy fa mitondra sy mitantana ny fiainany ary koa mandrotsa-pitahiana ho azy ireo (and.7,9). Tsarovy ny fanatrehan'Andriamanitra antsika amin'ny alalan'ny Fanahy Masina dia hifaly amin'ny fitiavany mandrakariva isika (Gal.5,22).

Fanontaniana:
Afaka ny hifaly ao anatin'ny andro mahaory ve ianao?

vendredi 21 décembre 2018

Zoma 21 Desambra 2018 - Fil 1 : 12 - 18

12Ry havana, tiako ny hahafantaranareo fa izay nihatra tamiko dia vao mainka nanjary fampandrosoana ny Vaovao Mahafaly; 13ka ny ato an-dapa manontolo sy ny olon-kafa rehetra dia samy mahalala fa voafonja noho ny amin'i Kristy aho. 14Nony nahita ahy voafonja ny ankamaroan'ireo havana iray finoana, dia vao mainka nataon'ny Tompo feno fahatokiana ka mihasahisahy kokoa mitory ny tenin'Andriamanitra tsy amin-tahotra.

15Eny, fialonana ahy sy fitia te hifanditra no itorian'ny sasany an'i Kristy, fa hitsim-po kosa no manentana ny sasany. 16Ireto dia asesiky ny fitiavana, satria fantany fa voatendrin'Andriamanitra hampandresy lahatra ny Vaovao Mahafaly aho; 17irerỳ kosa asesiky ny fifampiandaniana, ka tsy manambara an'i Kristy amin-kitsim-po, fa mihevitra hanampy trotraka ny fijaliako amin'izao maha voafonja ahy izao.

18Kanefa mampaninona moa izany? Amin'ny atao rehetra, na asesiky ny fihatsarambelatsihy na asesiky ny hevitra mahitsy, dia i Kristy no torîna, ka ifaliako izany; eny, hifaliako hatrany izany

Ny fífalian'ny mpitory ny Filazantsara

1- Ny fandrosoan'ny asa fitoriana (and.12-13)

Ny nifatoran'i Paoly no vao mainka nampiroborobo fatratra ny fielezan'ny Filazantsara. Faly izy na dia voafatotra aza satria: andaniny dia maro ny olona tonga nahafantatra an'i Kristy noho ny fifatorany. Ankilany dia tsy nihemotra tamin'ny asa fitoriana ireo mpiara-miasa taminy fa nandroso hatrany. Ny fandrosoan'ny asa toy izanv no fototrv ny fifaliain'ny mpitory Filazantsara na dia eo aza ireo zava-manahirana maro samihafa tsy maintsy hatrehina.

2- Ny fandraisan'anjaran'ny rehetra (and. 15-18)

Na dia tsy ary mitovy aza ny toe-panahy ho entina mitory an'i Kristv dia anisan'nv mahafaly ny mahita ny rehetra mandray anjara amin'izany asa goavana izany. Misy ireo izay mitory amin'ny fifaliana sy nv fitiavana. Tsara izany! Tsy takona afenina koa anefa ny fisian'ireo izay mifampialona sy mifanditra ary mifampiandany sy mifampihatsara ivelantsihy. Mbola eto an-tany ny Fiangonana koa tsy mahagaga raha ahitana fahalemena maro samihafa toy izany eo amin'nv fitoriana ny Filazantsara (2 Kor. 12,9).

Fanontaniana:
Nahoana no amin'ny fialonana sy fifandirana ary fiampiandaniana no itorian'ny sasany an'i Kristy?

jeudi 20 décembre 2018

Alakamisy 20 Desambra 2018 - Isa 65 : 17 - 25

17Fa indro Aho mahary habakabaka vaovao sy tany vaovao
ka tsy hotsarovana intsony
ny habakabaka sy tany taloha
na ho mby ao an-tsaina akory aza.
18Fa mifalia sy miravoravoa hatrany ianareo
ny amin'ny zavatra izay hoarîko:
dia i Jerosalema heni-karavoana
ary ny vahoakany heni-kafaliana.
19Izaho koa hiravo amin'i Jerosalema
sy hifaly amin'ny vahoakako.
Fa tsy ho re ao Jerosalema intsony
na ny tomany na ny kiakiakam-pitarainana.
20Tsy hisy ao intsony ny zaza minono
izay ho faty anatin'ny andro vitsivitsy
na ny antitra tsy hahatapitra ny androny;
fa ho maty tanora izay maty zato taona,
ary heverina ho olona voaozona
izay tsy mahatratra zato taona.
21Hanao trano ny vahoakako,
ka hitoerany tokoa izany;
hamboly voaloboka izy
ka hihinana tokoa ny vokany.
22Tsy hanao trano hitoeran'ny hafa intsony izy
na hamboly zavatra hohanin'ny olon-kafa;
fa ho tahaka ny andro hiainan'ny hazo
ny andro hiainan'ny vahoakako,
ary ny olom-boafidiko hanaram-po
amin'ny vokatry ny asa vitany.
23Tsy hisasatra foana intsony izy
na hitera-jaza ho fatin'ny loza tampoka;
fa fianakaviana izay notahiko izy,
na ny tenany na ny zanany naterany.
24Mbola tsy miantso akory izy,
dia efa hamaly azy Aho;
ary mbola tsy tapi-miteny izy,
dia efa azoko ny tiany holazaina.
25Hiara-miraoka ahitra ny amboadia sy ny zanak'ondry;
ny liona hihinam-bilona toy ny omby,
ary ny menarana kosa dia vovoka no ho fihinany.
Tsy hisy fanaovan-dratsy intsony, hoy AHO,
na fanimbàn-javatra intsony,
manerana ny tendrombohitro masina!

Manao sesilany ny fanambarana ny Vaovao Mahafaly manomboka ao amin'ny toko faha 56. Na dia niaina ny fiainam-paharatsiana aza ny vahoaka, Andriamanitra kosa nanomana fiainana tsara lavitra ho azy ireo.

Ny fiainam-baovao omanin'ny Tompo :

1- Fiainam-pifaliana (and.17-20)

Sarin'ny tany vaovao sy lanitra vaovao no ambara fa haorina ao amin'ny firenen'Andriamanitra. Ho foana tsy hisy intsony ny ranomaso, tomany ary alahelo fa hisolo fifaliana tsy manam-piafarana izany. Samy ahazo anjara fifaliana sy faharavoravoana na ny vahoaka na i Jerosalema. Tandindon'ny fiainan-danitra efa omanin'ny Tompo ho antsika mpino rehetra koa izany, araka nv voalazan'ny Apokalipsy  21 : 4. Miombom-pifaliana tanteraka amin'Andriamanitra ny mpino, satria ny fifaliany no zarainy amin'ny mpanara-dia azy. Ny fiainana amin'ny fifaliana no maha ela velona (and.20).

2- Fiainam-piadanana (and.21-25)

Tsy hitovy amin'ny fiainana tany Babylona intsony no ampanantenan'Andriamanitra taorian'ny niverenany indray tao Jerosalema. Ambara fa hisitraka tanteraka ny asan'ny tanany izy fa tsy olon-kafa intsony no hamantam-bonina (and. 21-23). Ankoatr'izany, dia ho akaiky azy ireo hatrany Andriamanitra (and.24), ary hampanjaka tanteraka ny fílaminana. Tsy hisy intsony ny ho mpanjakazaka an-tanin'olona fa hiara-monina am-pilaminana ny vahoaka (and.25 ampit Isa 1 1.6-9). Rehefa miverina mankato an' Andriamanitra ny vahoaka, dia miverina amin'ny vahoaka hatrany ny teny fikasany hatramin'ny voalohany.

Fanontaniana :
Ahoana no iainana ny fifaliana amin'izao noely izao?

mercredi 19 décembre 2018

Alarobia 19 Desambra 2018 - Zak 2 : 14 - 17

14Dia hoy koa ny teny hentitry ny TOMPO hoe:
«Mihobia sy mifalia, ry vahoakan'i Tsiôna,
fa indro avy honina ao afovoanareo Aho.
15Amin'izany andro izany,
firenena maro no hiraiki-po amiko
ka ho tonga vahoakako;
ary honina eo afovoanareo Aho.»

Amin'izay dia hiaiky ianareo fa ny TOMPOn'izao rehetra izao no naniraka ahy ho atỳ aminareo. 16Dia ho fananan'ny TOMPO indray i Joda ao amin'ny tany masina; ary mbola hifidy an'i Jerosalema indray Izy. 17Aoka ny voaary rehetra hangina eo anatrehan'ny TOMPO satria avy ao amin'ny fonena-masiny Izy no hipoitra tampoka.

Ny fanarenana ny fiainan'ny Israelita taorian'ny fahababoana no ambaran'ny bokin'i Zakaria. Andriamanitra mihitsy no ho avy handray an-tanana hanarina sy hiaro ny tanàna.

Ho avy amim-boninahitra ny Tompo!

1- Hitoetra eo anivon'ny vahoaka (and.14-15)

Ny teny hoe "honina ao afovoanao Aho " dia fanambarana manetriketrika ataon'Andriamanitra fa hiverina hitoetra ao amin'ny Azy Izy. Fifaliana sy faharavoravoana lehibe no handraisana izany, satria izany no banga teo amin'ny Joda tany am-pahababoana. Fanambarana Mesianika lehibe tanteraka tao amin'i Jesoa Kristy. Ilay Teny tonga nofo ka nonina na nitoetra an-day tamintsika izany (Jao1 l4a). Fampaherezana ho antsika mpino izany. ka mendrika ho deraina amin'izao ankatoky ny noely izao satria Andriamanitra mirotsaka an-tsehatra eo anivontsika Izy.

2- Hanandratra ny fireneny (and.16-17)

Haverina amin'ny laoniny ny fifidianan'ny Tompo ny firenena voafidiny. Hanana ny hasiny indray i Joda sy i Jerosalema. Ihataka ho azy ny fahavalo. Ho tazan'izao tontolo izao izany, ka ahazo fankatoavana iraisam- pirenena izy, satria hiseho tampoka amim-boninahitra ny Tompo avy amin'io fítoerana masina io. Lasa ivon- toeram-pahamasinan'Andriamanitra ho an'izao tontolo izao i Joda noho izany. Voambara hatrany fa avy amin'ny jiosy ny famonjena ary avy ao anatiny ho hivoahan'izay ho mpanampaka ny Israely (Matio 2.6). Manana anjara amin'ny fanarenana ity firenena ity, araka izany, ny fankalazana ny fihavian'ny Mpamonjy.

Fanontaniana :
Inona no antenaintsika amin'ny fihavian'ny Tompo'?

mardi 18 décembre 2018

Talata 18 Desambra 2018 - Efe 1 : 3 - 6

3Hankalazaina anie ilay Andriamanitra sady Rain'i Jesoa Kristy Tompontsika! Fa nitahy antsika Andriamanitra tamin'ny fitahiana rehetra araka ny Fanahy Masina ka nataony miray amin'i Kristy isika sady tonga mponina any an-danitra. 4Tsy mbola nahary ny tontolo Izy, dia efa nifidy antsika hiray amin'i Kristy; ka ho masina sady tsy hisy tsiny eo anatrehan'Andriamanitra isika. Noho ny fitiavany antsika, 5dia natokan'Andriamanitra isika mba ho Azy, mba ho tonga zanany amin'ny alalan'i Jesoa Kristy, fa izany no safidin'ny sitrapony. 6Hiderantsika an'Andriamanitra anie ny fahasoavana mamirapiratra izay nomeny antsika maimaimpoana ao amin'ilay Zanany malalany.

Hita matetika eny amin'ny fiandohan'ny epistily ny fisaorana, izay mifantoka kokoa amin'Andriamanitra Rain'i Jesoa Kristy, izay nifidy tamin'ny lasa. Koa, Misaora ao amin'i Kristy :

1- Izay nitahy antsika (and.3)

Fitahiana avy any an-danitra sy tanteraka no atolotr'Andriamanitra ny mpino, tamin'ny alalan'i Jesoa Kristy, fa tsy mba fitahiana hita maso akory. Tena asan'Andriamanitra, Ilay Tompo sy Loharanon'ny Fitahiana rehetra mihitsy no ambara eto. Mampibanjina antsika ny fanjakan'Andriamanitra, izay ho lovantsika miaraka amin'ireo mpino rehetra izany.

2- Izay nifidy antsika (and.4)

Miharihary eto fa Tompon'ny fiantsoana hatramin'ny voalohany Andriamanitra. Efa hitantsika tamin'ny nifidianany an'i Jeremia mpaminany izany (Jer 1.5). Sady mifidy amin'ny alalany Izy no mifidy ho Azy, mba ho fiderana ny Voninahiny. Miantso antsika hanam-pahamasinana tahaka Azy Izy, ahatonga antsika hanana anjara famonjena ao Aminy.

3- Izay nanangana antsika ho zanany (and.5)

Fitiavan'Andriamanitra lehibe no nanekeny handray antsika ho lovany, ka niantsoany antsika hoe "'zanany".: Fananganana anaka mampitolagaga fa tsy hampita fotsiny ny hareny, na ny fananany fotsiny, fa tena ny maha-izy azy tanteraka mihitsy. Ny zanak'Andriamanitra rehetra, araka izany, dia manana adidy haneho sy hanambara izay rehetra nomen'ny Ray azy.

Fanontaniana :
Mahatsiaro mahazo tombontsoa amin'ny nifidianan'ny Tompo anao ve ianao ? Ifampizarao amin'ny hafa izany

lundi 17 décembre 2018

Alatsinainy 17 Desambra 2018 - Lio 1 5 - 17

5Tamin'ny andron'i Herôda mpanjakan'i Jodea, dia nisy mpisorona natao hoe Zakarià, isan'ny antoko-mpisoron'i Abià. Taranak'i Aharôna mpisorombe ny vadiny ary i Elizabeta no anarany. 6Olo-marina teo anatrehan'Andriamanitra izy mivady ary nanaraka ny didy amam-pitsipiky ny Tompo an-tsakany sy an-davany. 7Tsy nanan-janaka anefa izy roa satria momba i Elizabeta sady efa samy zokiolona izy mivady.

8Indray andro dia nanao fisoronana teo anatrehan'Andriamanitra tao an-tempoly i Zakarià, satria tonga ny anjaran'ny antokony. 9Naroso ny antsapaka araka ny fanaon'ny mpisorona ka izy no voatendry handoro ny ditin-kazo manitra ao amin'ny Toeramasin'ny Tompo. 10Nivavaka teo ivelany kosa ny vahoaka rehetra nandritra ny fotoana nandoroana ny ditin-kazo manitra. 11Tamin'izay dia nisy anjelin'ny Tompo niseho tamin'i Zakarià sady nijoro teo ankavanan'ny alitara fandoroana ny ditin-kazo manitra. 12Taitra mafy ka raiki-tahotra i Zakarià nony nahita azy.

13Fa hoy ilay anjely taminy:
–Aoka izay ny tahotra, ry Zakarià, fa efa nohenoin'Andriamanitra ny vavakao: Hiteraka zazalahy aminao i Elizabeta vadinao. I Jôhany no hataonao anarany. 14Ho faly sy ravo ianao ary ny besinimaro koa ho faly amin'ny hahaterahany! 15Eny, ho lehibe eo anatrehan'ny Tompo izy, ary hifady divay sy zava-pisotro hafa mahamamo, sady ho feno ny Fanahy Masina hatrany an-kibon-dreniny. 16Maro amin'ny Israelita no hampodîny amin'ny Tompo Andriamanitra. 17Hombàn'ny fanahy aman-kerin'i Elià mpaminany izy ka hialoha ny Tompo, mba hampifandray am-po ny ray aman-dreny sy zanaka sady hamerin-doha ny maditra ho olo-marina feno fahendrena, ary dia hanomana vahoaka vonona handray ny Tompo.

"Ary ho faly sy ho ravoravo ianao; ary maro no hifaly amin'ny ahaterahany" and.14

Teny nambaran'ny anjely tamin'i Zakaria ny amin'ny hahaterahan'i Jaona Mpanao Batisa ity, fony izy nanao ny raharaham-pisoronana tao amin'ny Tempoly.

1- Fifaliana ho an'i Zakaria

Nihiratra ny anjara masoandro ho an'i Zakaria sy ny vadiny. Nambara mantsy fa momba i Elizabeta vadinv, nefa izy ireo mba samy tsara fototra sy samy marina teo anatrehan'Andriamanitra ihany (and.5-6). Tsy navelan' Andriamanitra hitsahatra hatreo izany taranaka tsara izany, ka dia natao ho fifalian'ny rainy. Ankehitriny dia nivaly ny vavaka fa ahazo zazalahy izy ireo, hatao hoe Jaona no anarany. Na dia efa tsy nanana fanantenana intsony aza izy ireo noho ny amin'ny taonany, Andriamanitra kosa tsy namela azy ireo irery. ka nahafa tondromaso azy. Toky ho an'ny mpanompon' Andriamanitra rehetra izay mitaraina Aminy izany.

2- Fifaliana ho an'ny maro

Tsy i Zakaria ihany no faly ravoravo tamin'ity valim-bavaka ity, fa hoy ny voalaza hoe "ary maro no hifaly amin'ny ahaterahany". Ambaran'ny and.16-17 ny iraka miandry azy dia ny fanomanana mialoha izay hihavian'ny Mpamonjy sy ny fampibebahana izao tontolo izao hahazoany ny famonjena. Marobe tokoa ireo efa nitorian'i Jaona teny sy nandray ny batisan'ny fìbebahana nentiny. Tafiditra ao anatin'ny drafitrasan'Andriamanitra ho an'izao tontolo izao izany. Planina tsara rindra sy maty paika no efa voaomanan'Andriamanitra ho an'izao tontolo izao, koa tokony ahay hifaly ny amin'izany isika.

Fanontaniana :
Fifaliana ho an'iza izao fahatongavan'ny noely izao?

dimanche 16 décembre 2018

Alahady 16 Desambra 2018 - Mat 5 : 1 - 12

1Nony nahita ny vahoaka i Jesoa, dia niakatra teo an-tendrombohitra; ary rehefa tafapetraka Izy, dia nohatonin'ny mpianany. 2Dia niteny i Jesoa ka nampianatra azy rehetra hoe:

3–Sambatra izay miaiky ao am-po ho mahantra,
fa azy ny Fanjakàn'ny lanitra!
4Sambatra izay mitomany,
fa izy no hampiononin'Andriamanitra!
5Sambatra izay malemy fanahy,
fa izy no handova ny tany
nampanantenain'Andriamanitra!
6Sambatra izay maniry mafy hanao ny marina
nosoritan'Andriamanitra,
fa izy no homen'Andriamanitra fahafaham-po!
7Sambatra izay mamindra fo,
fa izy no hamindran'Andriamanitra fo!
8Sambatra izay mahitsy fo,
fa izy no hahita an'Andriamanitra!
9Sambatra izay mpampihavana,
fa izy no hantsoin'Andriamanitra hoe zanany!
10Sambatra izay enjehina noho izy manao ny marina
nosoritan'Andriamanitra,
fa azy ny Fanjakàn'ny lanitra!

11Sambatra ianareo raha tevatevain'ny olona sy enjehiny ary ampangaina lainga amin'ny ratsy isan-karazany noho ny maha mpianatro anareo. 12Mifalia sy miravoravoa ianareo fa lehibe ny valisoa miandry anareo any an-danitra, satria toy izany no nanenjehany ireo mpaminanin'Andriamanitra talohanareo!

Hitanlsika tamin'iny herinandro iny fa ny fiainam-bavaka tao amin'i Jesoa no loharanon'ny fahasambarana. Hitantsika amin'ny antsipirihany kokoa izany eto.

1- Ny fahasambarana ho avy (and.1-10)

"Sambatra izay..." miisa valo no tanisaina eto raha ny DIEM no jerena. Hoy ny Malagasy hoe "ny Soa atao levenam-bola", koa ny fahasambarana ho azonao rahatrizay dia miankina tanteraka amin'ny ankehitrininao. Fantatry ny Tompo fa malahelo, ory, noana sy mangetaheta, ... ny olony, koa mampahery azy ireny ny Tompo tsy hitanondrika amin'izany toerana misy azy izany, fa hibanjina kosa ny mandrakizay izay efa nomanin Izy Tompo ho an'ny mpanaradia Azy (Jaol4.2). Miteraka finoana lalim-paka ao amin'ny mpino, araka izany, ireo zava-tsarotra rehetra lalovany.

2- Ny fahasambarana ankehitriny (and.11-12)

"Sambatra ianareo ... " kosa no hita eo amin'ny and. 11. Entina ilazana manokana ny mpianatry ny Tompo izany. Azo antoka mantsy fa raha ny Tompo aza tsy nisy lanjany tamin'ny fiaraha-monina, dia mba ho tsy nisy dikany taminy ihany koa ny mpianany. Ambaran'i Jesoa fa tombontsoa raisina ankehitriny ny fanenjehana ao amin'nv Marka 10:30. Noho ny fanjakan'ny lanitra izay efa ho avy, dia mampahery ny mpianatra i Jesoa hiditra amin'ny fanompoana mahatanty saoka kokoa. Mampahery antsika ny filazana fa tsy sambany teo amin'ny tantara akory ny fanenjehana mahazo anao (ampitahao I Petera5.9).

Fanontaniana :
Nahoana ny olona no mihazakazaka mitady fahasambarana eto an-tany?

samedi 15 décembre 2018

Sabotsy 15 Desambra 2018 - Isa 49 : 7 - 13

7Ny TOMPO Mpanavotra sady Masin'i Israely,
dia miteny aminao, ry voaeson'ny olona
sy ankahalain'ny firenen-kafa,
ary andevozin'ireo mpanjakazaka;
ka izao no lazainy aminao:
«Raha vao mahita anao ny mpanjaka
dia hitsangana hiala amin'ny sezafiandrianany;
ary hiankohoka ny manampahefana,
raha vao mahatazana anao.
Izany no hanajany Ahy TOMPO mahatoky,
dia Ilay Masin'i Israely efa nifidy anao.»
8Izao koa no lazain'ny TOMPO:
«Tamin'ny fotoana mety
dia namaly ny antsonao Aho,
ary tamin'ny androm-pamonjena
dia tonga namonjy anao Aho.
Nokolokoloiko ianao mba hataoko
ho antoky ny fanekempihavanako amin'ny olona.
Noho izany, dia hanarina ny tany Aho
sy hizara indray ny lova efa rava;
9ka ny mpifatotra izay ao anaty haizina
dia hitenenako hoe:
‹Mivoaha tao ianareo, misehoa.›
Eny an-dalana eny izy dia hahazo sakafo,
ka ho tahaka ny andiam-biby fiompy
mirao-bilona amin'ny havoana rehetra.
10Tsy ho noana sady tsy hangetaheta ireo
ary tsy hampaninona azy akory
na ny rivo-mahamay na ny masoandro,
satria am-pitiavana no hitarihako azy
ary any amin'ny loharano miboiboika
no hitondrako azy hiala hetaheta.
11Ny tendrombohitra rehetra hasiako lalana;
ary ny arabe kosa hataoko tsara voatra.
12Indreny izy fa tonga avy any lavitra,
ny sasany avy any avaratra,
ny sasany avy any andrefana, avy any an-dranomasina,
ny sasany avy any atsimo, avy any Ejipta.»

13Mifalia, ry lanitra, miravoravoa, ry tany;
manaova horakora-pifaliana, ry tendrombohitra,
fa ny TOMPO efa nampahery ny vahoakany
ary naneho indrafo tamin'ny mahantrany.

"Mihobia, ry lanitra! Ary mifalia, ry tanyl Ka velomy ny hoby, ..." and.I3a

Fanantenana vaovao ho an'ny vahoaka tany ampahababoana ny amin'ny "Mpanompon'i Jehovah" :

1- Hanandratra ny mpanompony (and.7)

Ambaran'Ilay Mpanompon'i Jehovah fa Andriamanitra mihitsy no handray an-tanana ny vahoakany. Noho izany, dia hitsimbadika ny fiheveran'izao tontolo izao azy. Ilay vahoaka nobaboina, noesoina, nohamavoin'ny olona ary halan'ny firenena toy ny andevo, no indro tafiana voninahitra eken'ny mpanampaka sy izay nampahory azy rehetra. Mampahatsiaro antsika ny amin'i Jesoa Tompo izay "tonga tany amin 'ny Azy Izy, fa ny Azy tsy nandray Azy" (Jao 1.11), kanefa Izy no nirahina ho amin'izao tontolo izao koa, satria "ny vato ìzay nolavin 'ny mpanao trano no efa natao fehizoro " Matio 21,42b.

2- Hanarina ny vahoaka mahantranv (and.8-13)

Hamorain'Andriamanitra ny lalana rehetra hiverenana avy any am-pahababoana. lo Mpanompo io no toy ny Mesia, ka handray ny asan'ny Mpiandry tsara. Miezaka ny hanangona ny ondry mba tsy hisy ho very, na hijaly, na ho noana, na hangetaheta intsony (Sal 23). Ny sisa amin'ny mpino no hisitraka izany rehefa handray ny Azy Izy. Ambaran'i Jaona fa efa fanandramana sahady ny fiainan- danitra izany, araka ny Apo 7. 16-17. Toky lehibe ho antsika mahatsiaro ho voahílika sy voageja ankehitriny izany fa manana maso mitsinjo ny Azy Andriamanitra. ka tsy mamela azy hotamin'ny fahavalo.

Fanontaniana :
Ahoana no endrika tokony isehoan'ny fifalian'ny mpino

vendredi 14 décembre 2018

Zoma 14 Desambra 2018 - Lio 10 : 21 - 24

21Tamin'izay fotoana izay indrindra, dia henika ny hafaliana tao amin'ny Fanahy Masina i Jesoa ka nanao hoe:
–Ray ô, Tompon'ny tany aman-danitra Ianao, ka misaotra Anao Aho fa ireo zavatra nafeninao tamin'ny hendry sy ny manan-tsaina dia nasehonao tamin'ny madinika. Eny, Ray ô, izany tokoa no sitrakao!

22Efa natolotry ny Raiko ho Ahy ny zavatra rehetra; ary tsy misy olona mahalala ny Zanaka afa-tsy ny Ray, na mahalala ny Ray afa-tsy ny Zanaka mbamin'izay tian'ny Zanaka hanehoana Azy!

23Dia nitodika tamin'ny mpianany i Jesoa ka niteny taminy manokana hoe:
–Sambatra ianareo mahita maso izao hitanareo izao! 24Eny, lazaiko aminareo fa mpaminany sy mpanjaka maro no naniry hahita izay hitanareo nefa tsy nahita, ary hahare izay renareo nefa tsy nahare.

Niverina tamin'ny fifaliana ireo fitopolo lahy nanao ny tatitra tamin'i Jesoa, satria nahatsiaro ho nahita fahombiazana tamin'ny iraka nampanaovina azy.

Ravoravo ao amin'ny Fanahy Masina, ka

1- Midera an'Andriamanitra (and.21)

Taorian'ny nahazoana ny vokatra tsara nentin'ireo mpanao tafika masina fito-polo lahy ity faharavoravoan'i Jesoa ity. Fifalian'ny lanitra tokoa ny fahombiazan'ny fambaboana fon'olona ho ao aminy. Ankoatra izany, dia feno fiderana an'Andriamanitra i Jesoa Kristy amin'ny maha- :
- Andriamanitra Mpahary. Tompon'izao rehetra izao,
- Andriamanitra manana ny hiheverany manokana sy hitondrany ny olony (Isa 55.8)
- Andriamanitra mahatanteraka ny sitrapony Izy.
Ny zavatra rehetra nataon'Andriamanitra eo amintsika dia tena tokony hiderantsika Azy amin'ny fontsika rehetra sy ny saintsika rehetra ary ny herintsika rehetra.

2- Sambatra (and. 22 -24)

Hita taratra teo amin'i Jesoa ny fahasambarana aloha, satria nomen'ny Ray Azy avokoa nv zavatra rehetra. Misy fifamatorana lalina sy lehibe eo amin'ny Ray sy ny Zanaka. Mitana ny tsiambaratelon'ny Ray sy ny lanitra i Jesoa Kristy. Izany fahasambarana lehibe ao amin'i Jesoa izany no zarainy ihany koa amin'ny mpanaradia Azy, "dia nilazany taminy manokana hoe : Sambatra "(and.23). Fahasambarana mihoatra noho izay efa nandray hosotra tamin'ny Tompo toy ny mpaminany sy mpanjaka izany, koa tsy tokony hatao ambanin-javatra akory.

Fanontaniana:
Ny midera an'Andriamanitra no maha sambatra sa ny sambatra no midera an'Andrianianitra?

jeudi 13 décembre 2018

Alakamisy 13 Desambra 2018 - Lio 6 : 17 - 23

17Dia niara-nidina tamin'ny 12 lahy i Jesoa ho eny an-tany lemaka. Mpianany maro sy vahoaka betsaka avy any Jodea lafy valo sy Jerosalema ary ny morontsirak'i Tiro sy i Sidôna 18no tonga teo mba hihaino Azy sy hositraniny amin'ny aretiny; ka izay nampahorîn'ny fanahy maloto dia sitrana. 19Ary notadiavin'ny vahoaka rehetra hokasihina i Jesoa satria nisy hery niala taminy ka nahasitrana azy rehetra.

20Dia nanopy maso ny mpianany i Jesoa ka nanao hoe:
–Sambatra ianareo mahantra,
fa anareo ny Fanjakàn'Andriamanitra!
21Sambatra ianareo noana ankehitriny,
fa hovokisan'Andriamanitra!
Sambatra ianareo mitomany ankehitriny,
fa hampifalîn'Andriamanitra!

22Sambatra ianareo raha halan'ny olona sy roahiny ary tevatevainy sy alàny baràka noho ianareo miandany amin'ny Zanak'olona. 23Aoka hifaly ianareo amin'ny andro hisehoan'izany ary aoka hibita-karavoana, satria valisoa lehibe no miandry anareo any an-danitra. Fa toy izany indrindra no nataon'ny razan-dry zareo tamin'ny mpaminanin'Andriamanitra.

Fiainan'i Jesoa Kristy mihitsy ny vavaka araka ny hita eo amin'ny and. 12. Nitokana toerana tany an-tendrombohitra Izy, raha nivavaka sady naharitra nandritra ny alina. Manàna fìainam-bavaka, fa izany no :

1- Loharanon'ny vahaolana rehetra (and. 17-19)

 Ny vavaka fanaon'i Jesoa toy nv eo amin'ny and. 12 dia nanovozanv hery ka nahavitany zavatra mahagaga maro. Nanodidina an'i Jesoa teo ny olona maro na jiosv na jentiiisa, miaraka amin'ny olany avy toy ny aretina; fanahy maloto. Nefa samy voavaha avokoa izany. Ambaran'ny and.19 fa nisy herv tao amin'i Jesoa nahafahany nanatanteraka izany. Io Ilav Herin'ny Avo Indrindra nahavitany fahagagana maro (Ampitahao Lio 1.35 ; 5.17). Tsy handositra ny olana no tokony hataontsika fa. ny maharitra mivava ka ahazoana hery hiatrehana ireo karazan'olana samihafa mahazo antsika ihany koa, satria tsy miova ny Tompo omaly sy anio ary mandrakizay.

2- Loharanon'ny fahasambarana (and.20-23)

Karazana fahasambarana efatra tsy mitovv amin'izao tontolo izao no ambara eto. Ny hevi-baventin'ny fahasambarana dia ny fampanantenana ny famonjena ho an'ireo izay ory sy mijaly ankehitriny. Ny fanjakan'Andriamanitra mantsy dia miseho tahaka ny fitsimbadihan'ny fiainana an-tany. Izay manangona harena ho an'ny tenany dia sambatra vetivety ihany fa tsy maharitra. Ho lasa ozona ny fananana raha tsy ampiasaina amin'ny asan'Andriamanitra. Ilaina amintsika, araka izany. ny ahafoy amin'ny asa tsara handovana ny lanitra.

Fanontaniana :
Mibaiko ny Tompo hanome izay tiantsika no tokony hatao rehefa mivavaka sa mangataka izay sitrapony?

mercredi 12 décembre 2018

Alarobia 12 Desambra 2018 - Joe 2 : 21 - 27

21Aza matahotra, ry tany fambolena,
miravoravo sy mifalia ianao
fa manao zava-dehibe ny TOMPO.
22Aza matahotra, ry biby any an-tsaha,
fa mihamaitso ny kijana any an-taniefitra,
mamoa ny hazo
ary vokatra ny aviavy
sy ny voaloboka.
23Ary ianareo, ry mponin'i Tsiôna,
miravoravoa sy mifalia
amin'ny TOMPO Andriamanitrareo,
fa ny oram-pararano sahaza
no omeny anareo;
alatsany aminareo toy ny fahiny koa
ny ranonorana mivatravatra,
dia ny oran-dohataona sy ny oran-dririnina.
24Koa feno varimbazaha ny famoloana;
ary mitosaka ny divay sy menaka
ka mihoatra ny vata fanantazana azy.
25«Onerako aminareo, hoy ny TOMPO,
ireo vokatra nohanin'ny fanday sy ny valala
mbamin'ny voangory sy ny kijeja;
ireny miaramila betsaka ireny
no nalefako hamely anareo.
26Hihinan-ko voky ianareo
ka hidera Ahy TOMPO Andriamanitrareo,
Izay nanao zava-mahagaga taminareo.
Ary ny vahoakako, na oviana na oviana,
dia tsy ho menatra intsony.
27Ary hiaiky ianareo
fa eo afovoanareo Israelita Aho,
ka ny TOMPO Andriamanitrareo
dia Izaho fa tsy hafa.
Ary ny vahoakako, na oviana na oviana,
dia tsy ho menatra intsony.»

Nandalo ady sarotra ny firenen'Israely. Mampanantena anefa eto ny mpaminany Joela fa misy fetrany izany. Koa indro ambara eto ny loza mody fifaliana, satria :

1- Andriamanitra mampitsimbadika ny tantara

Niseho tamin'Israely avokoa ireo karazana loza mandrava rehetra ka niteraka tsy fisiana sy fahafoanana. Isan'izany ny andiam-balala, ny haintany, ny doro tanety ary ny fanafihana ara-miaramila. Na izany aza dia indro miseho misesy eto amin'ny and. 21-23, fa manomboka amin'ny tanv fambolena, ny biby any an-tsaha, ny hazo mamoa arv miafara amin'ny olona dia ny zanak'i Ziona, ny fanambarana ny fandresena miala amin'ny fahafatesana mankamin'ny fiainana ary miala amin'ny alahelo mody fifaliana. Jereo fa nitsimbadika tanteraka ny voalazan'ny 1 18-20. Afaka manao izany eo amin'nv fiainanao koa Izy.

2- Andriamanitra manatrika ny vahoakany

Na dia anjaran'ny vahoaka ao amin'ny firenena tsirairay aza ny tokony miady ahazoany fahafahana: dia indro Andriamanitra mihitsy no mirotsaka an-tsehatra miady sy miaro ho an'ny Israely noho ny fitiavany. Ambaran'ny and. 27a fa "dia ho fantatrareo fa ao afovoan'ny lsraely Aho, ary Izaho no Jehovah Andriamanitrareo. fa tsy misy hafa". lo fanatrehan'Andriamanitra io no maha tondraka ny fitahiana sy ny fahavokarana. satria sadv manonitra ny lasa rehetra Izy no mihazona hatrany ny fanekeny. Miantso antsika rehetra hitodika Aminy ihany koa izany ankehitriny. Izany no lalana hiverenan'ny soa sy ny fitahiana ho antsika.

Fanontaniana:
Miha lonaka sa miha karankaina ny tanintsika? Nahoana?

mardi 11 décembre 2018

Talata 11 Desambra 2018 - Isa 12 : 1 - 6

1Amin'izany andro izany,
ry olona voaavotra,
dia hiteny ianao ka hanao hoe:
«Midera Anao aho, TOMPO ô;
fa na tezitra tamiko aza Ianao,
dia afaka ny fahatezeranao
ka nampionona ahy Ianao.
2Indro Andriamanitra namonjy ahy,
matoky Azy aho ka tsy mangovitra intsony.
Ny TOMPO no heriko sy fidèrako,
fa Izy no mpamonjy ahy.»
3Amim-pifaliana no hantsakanareo
eo amin'ny loharanom-pamonjena.
4Amin'izany andro izany
dia hiteny ianareo ka hanao hoe:
«Miderà ny TOMPO, antsoy ny anarany,
ambarao amin'ny vahoaka rehetra ny asany,
ampahatsiarovy azy
fa tsy hay takarina ny anarany.
5Ankalazao an-kira ny TOMPO
fa asa lehibe no nataony;
ary aoka hampahafantarina eran-tany izany!»
6Mifalia sy miravoravoa,
ry mponina ao Tsiôna,
fa lehibe Ilay eo anivonareo,
dia Ilay Masin'i Israely.

Ankalazaina amin'ny alalan'ny hira fiderana an' Andriamanitra ny fiverenanana avy any am-pahababoana. Indroa miverina eto ny teny hoe : « ary hiteny ianao » and la, 4a:

1- Izay nataon'nv Tompo tamiko (and 1 -3)

Ny voalohany amin'ny teny hoe «ary hiteny ianao» and. la, dia manambara ny fiderana nataon'ny Tompo tamiko. Andriamanitra irery ihany no anton'izany, satria Izy mamindra fo, mampahery, mamonjy ary manala ny tahotra rehetra. Fifaliana tsy manam-paharoa no sitrahan'izay manandrana amin'Ilay loharanom-pamonjena. Mampahatsiaro ny fanafahana hetahetan'ireo razany tany an'efitra I Isaia. Nambaran'i Jesoa mivantana fa « ny rano izay homeko azy dia ho loharano miboiboika ao anatiny ho fiainana mandrakizay » Jao 4 14b. Fijoroana ho vavolombelona lehibe hanambara ny famonjena azony no adidy sady tombontsoantsika mpino.

2- Hanambara ny asany lehibe (and 4 - 6)

Ny faharoa amin'ny teny hoe « ary hiteny ianao » and 4a, kosa raha ny teny fototra no jerena dia midika hoe "hiteny ianareo". Ny vahoaka voavonjy rehetra no hanambara ny asam-pamonjeny lehibe. Naverimberin'ny mpanao Salamo matetika ireto andininy ireto (Sal 118.21,14; 98.1). Ny hany iraka manokana, tainin'ny vahoaka af'aka dia ny hankalaza ny anaran'Andriamanitra sy hanambara Azy any amin'izao tontolo izao. Izy no hery ho an'ny vahoakany. Aoka ho fantatr'izao tontolo izao, fa Andriamanitra Lehibe, miasa ary miavaka indrindra noho ny fahamasinany Izy.

Fanontaniana:
Inona no vontoatin'ny hira tsy afaka am-bavan'ny maro rehefa mihira izy? Ary ny anao manokana?

lundi 10 décembre 2018

Alatsinainy 10 Desambra 2018 - Est 9 : 15 - 17

15Dia nivory indray ny Jiosy tao Sosany iny andro faha-14 tamin'ny volana Adara iny ka namono olona telon-jato lahy tao an-tanàna. Kanefa ny fananany tsy mba norobainy tsy akory.
16-17Ny Jiosy hafa, nonina tany amin'ny faritany isan-tokony manerana ny fanjakan'ny amperôra, dia nivory koa hiaro ny ainy, rehefa nigadona ny andro faha-13 tamin'ny volana Adara; afaka tamin'ny fahavalony izy ary 75000 no matiny kanefa ny fananany tsy mba norobainy tsy akory. Ary nitsahatra izy tamin'ny andro faha-14 ka nataony ho andro fanasana sy firavoravoana izany.

Ny tranga eo amin'ny fiainan'ny mpino

1 -  Ao ny andro hiatrehana ady sarotra

"Ary ny Jiosy sasany isan-tokony tamin'ny fanjakan'ny mpanjaka dia nivory hiaro ny ainy, ka afaka tamin'ny fahavalony izy". (And. 16a). Manam-pahavalo ny vahoakan' Andriamanitra, fahavalo tsy mitaza-potsiny fa mitady izay fomba rehetra handavoana sy handringanana. Tsy maintsy mijoro, ary tsy maintsy mandray andraikitra eo anatrehan' izany ny mpino. Voasoratra fa : "ny devoly fahavalo, dia mandehandeha tahaka ny liona mierona mitady izay harapany". Soa fa eo i Jesoa momba antsika mandrakariva.

2 -  Ao ny andro hifaliana sy hiravoravoana

Ao ny milaza fa ady ny fiainana. Misy tokoa ny fotoan- tsarotra diavintsika mazàna. Na izany aza dia misaotra ny Tompo isika fa hatrany hatrany, dia mahita ny adintsika Izy, mihaino Izy, mamaha olana Izy ary manome valimbavaka Izy. Izay ilaina amintsika dia fanomezam- boninahitra ny Tompo, ny fanehoana fifaliana sy firavoravoana.

3 - Ao ny andro hanomezana

" Dia nanao ny andro fahefatra ambin'ny folo amin'ny volana adara ho firavoravoana sy fanasana sy andro mahafaly ary fanateran-javatra izy ireo" (And. 19d). Niatrika ady, hoy isika, ireto Jiosy ireto. Raha toa ka resy izy ireo dia sady voaroba ny fananany ary tandindomin- doza ny ainy. Teo anefa ny fiarovan'Andriamanitra ka fifaliana ho azy ireo ny nanome, nanolotra ho mariky nv fankasitrahana sy fisaorana. Voasoratra fa : " ny mpanome amin'ny fifaliana no tian'Andriamanitra". (II Kor. 9, 7)

Fanontaniana:
Inona no fíhetsika na marika hita maso sy azo tsapan- tanana ahafahana maneho ny fisaorana an'Andriamanitra ?

dimanche 9 décembre 2018

Alahady 09 Desambra 2018 - II Kor 13 : 5 - 12

5Diniho ny tenanareo, ka izahao toetra raha velona amin'ny finoana tokoa ianareo na tsia. Fantatrareo tsara fa ao anatinareo i Jesoa Kristy, afa-tsy raha olona tsy voazaha toetra ianareo! 6Manantena kosa aho fa raha izahay, dia ho fantatrareo fa tsy mba olona tsy voazaha toetra. 7Mangataka am-bavaka amin'Andriamanitra izahay mba tsy hahavita ratsy mihitsy ianareo, tsy hoe mba hisehoanay ho olona voazaha toetra, fa mba hanaovanareo izay tsara, na dia hoheverina ho olona tsy voazaha toetra aza izahay. 8Fa tsy mba mahatohitra ny marina izahay fa ny mampandroso ny marina ihany. 9Eny, mahafaly anay raha malemy izahay fa ianareo kosa mahery; ka ny angatahinay am-bavaka, dia ny hahatanteraka anareo. 10Izany no anoratako ireo zavatra ireo aminareo, dieny mbola lavitra anareo aho; fandrao, rehefa mby eo aminareo aho, dia voatery hanao mafy loatra, araka ny fahefana nomen'ny Tompo ahy, dia fahefana natao hampandrosoana ny Fiangonanareo fa tsy handravana azy.

11Ary farany, ry havako, veloma finaritra ianareo! Miezaha ho tonga lafatra, mifampahereza, miraisa saina, mihavàna, dia homba anareo ilay Andriamanitra loharanon'ny fitiavana sy ny fiadanana.

12Mifanaova veloma amin'ny fanoroham-pihavanana.

Ny mpino mifaly amin'ny fìtiavan'ny Tompo

1- Hita taratra amin'ny fomba fiasany

"Mba tsy hanao izay ratsy ianareo,... fa ny mba hanaovanareo izay tsara" (And. 7). Fantantsika fa ny voany no ahafantarana ny hazo. Ny hazo tsara tsy mety mamoa voa ratsy, ary ny hazo ratsy tsy mety mamoa voa tsara (Mat. 6, 18). Ny mpino mifaly amin'ny fitiavan'ny Tompo dia mifady ny ratsy ary misafidy hanao ny tsara. Sarotra ny mandrefy ny halalin'nv finoan'ny tsiraray saingy hita taratra sy miseho amin'ny alalan'ny asa tahaka izay teo amin' i Abrahama izany.

2- Hita taratra amin'ny toe-pony

" Farany, ry rahalahy. mifalia" (And. 11a). Mampieritreritra ny mahita kristiana izay monto-dava, malahelo lava, tezi-dava. Toa Kristiana tsy afa-po amin'ny fitantanan'Andriamanitra ka tsy ahitana andro mihiratra. Velon'ny fanantenana isika, ary mifaly amin'ny fanantenana. (Rom 12.12) Aza variana mitanisa ireo toe- javatra miiba. Fantaro fa ny zavatra rehetra miara-miasa ahasoa.

3- Hita taratra amin'ny fankamamianv fiombonana

"Miraisa saina, mihavana ». (andll). Ny fihavanana dia isan'ny nampiavaka ny Malagasy. Toa tsy mifanaraka amin'izany intsony ny zava-miseho ankehitriny, fa ady lahy. Amin'ny maha fanasina sy fahazavana antsika dia mazava ny baiko eto. "Miraisa saina, mihavàna". Mahamenatra ny mahita ny samy kristiana tsy mety hifamela heloka, na mihavana. Mazava ny baikon'ny Tompo : " Didy vaovao no omeko anareo, dia ny mba hifankatiavanareo : eny aoka ho tahaka ny nitiavako anareo no mba hifankatiavanareo kosa. (Jao 13, 34).

Fanontaniana:
Inona no antony mahatonga ny mpino tsy mety mifamela heloka, no tsy mety mihavana ?

samedi 8 décembre 2018

Sabotsy 08 Desambra 2018 - Jao 16 : 20 - 28

 20Lazaiko marina dia marina aminareo fa hitomany sy hisaona ianareo, ary izao tontolo izao kosa hifaly; halahelo ianareo, fa hody hafaliana ny alahelonareo. 21Ory ny vehivavy, rehefa hiteraka, satria tonga ny fotoam-panaintainany; saingy rehefa velon-jaza izy, dia tsy tsaroany intsony izay fahoriany, noho izy faly fa hoe misy olona teraka eo amin'izao tontolo izao. 22Ianareo koa dia manana alahelo ankehitriny; fa hahita anareo indray Aho ka ho faly ny fonareo, ary tsy hisy olona hanaisotra ny hafalianareo.

23Amin'izany andro izany, dia tsy hanontany Ahy na inona na inona intsony ianareo. Lazaiko marina dia marina aminareo fa na inona na inona hangatahinareo amin'ny Ray dia homeny anareo noho ny anarako izany. 24Mandraka ankehitriny dia tsy mbola nangataka na inona na inona noho ny anarako ianareo; mangataha, dia hahazo ianareo, mba ho feno ny hafalianareo.

25–Fanoharana no nilazako izany taminareo; fa ho avy ny vaninandro izay tsy hanaovako fanoharana aminareo intsony fa hambarako tsotra aminareo ny momba ny Ray. 26Amin'izany andro izany dia hangataka noho ny anarako ianareo; ary Izaho tsy milaza hoe hangataka ho anareo amin'ny Ray, 27satria fatra-pitia anareo Izy. Eny, fatra-pitia anareo ny Ray, satria ianareo efa tia Ahy ary efa nino fa nivoaka avy any amin'ny Ray Aho. 28Nivoaka avy any amin'ny Ray Aho no tonga eto amin'izao tontolo izao; ary hiala eto amin'izao tontolo izao indray Aho, ka hankany amin'ny Ray.

Ny mampiavaka ny fifaliana ao amin'ny Tompo

1- Fifaliana maharitra

"Dia ho faly ny fonareo, ary tsy misy olona manaisotra ny fifalianareo aminareo" (Jao 16, 22d).Hita taratra amin'ity mofonaina anio ity fa mba rnifaly koa izao tontolo izao, kanefa tsy latsa-danja amin'izany ny fifalian'ny mpino Kristiana. Voalazan'i Jesoa fa tsy misy olona manaisotra io fifaliana ao amin'ny mpino io. Raha atao ny fampitahana tsotra dia fifaliana marivo tototra ny fifaliana eto amin'izao tontolo izao dia ny filan'ny nofo sy ny filan'ny maso ary ny rehaka momba izao fìainana izao. Fifaliana mandalo vetivety kanefa maha kizo fara. Fifaliana manimba ny ho avy. Miafara amin'ny tebiteby sy fanahiana, tsy mitondra fitoniana. Ny fifaliana Kristiana kosa dia fifaliana tsara fototra, mifanaraka amin'ny sitrapon'Andriamanitra, eo ambany fitarihan'ny Fanahy Masina. Fifaliana omban'ny fàhamendrena sy fahamasinana. Fifaliana manome voninahitra an' Andriamanitra. Fifaliana miara-dalana amin'ny fanantenana.

2- Fifaliana tanteraka

" Mangataha, dia ahazo ianareo, mba ho tanteraka ny fifalianareo. (Jao 16. 24b).llaina ny mandray am-pifaliana ny fanomezana avy any ambony. Tanteraka ny fifaliana rehefa nangataka tamin'ny anaran'i Jesoa Kristy ary nomeny valim-bavaka araka izay hetaheta sy faniriana nambara taminy. Mazàna dia manome mihoatra izay angatahina ny Tompo ary vao mainka mampivoitra ny fifaliana izany. Mila manana vina lavitra ezaka ny mpino ary manana fahasahiana hanao asa lehibe mba anehoana ny voninahitr' Andriamanitra.

Fanontaniana:
Inona no mampiavaka ny fifaliana vokatry ny fitiavan'ny Tompo, raha oharina amin'ny fifalian'izao tontolo izao?

vendredi 7 décembre 2018

Zoma 07 Desambra 2018 - Rom 8 : 14 - 17

 14Eny, izay rehetra tarihin'ny Fanahin'Andriamanitra no zanak'Andriamanitra. 15Satria tsy fanahy maha mpanompo no voarainareo ka hahatonga anareo hatahotra indray; fa ny Fanahy Masina maha zanak'Andriamanitra no voarainareo, ka ahafahantsika miantso an'Andriamanitra hoe: «Raiko ô!» 16Ny Fanahy Masina mihitsy no manambara amin'ny fanahintsika fa zanak'Andriamanitra isika. 17Ary raha zanaka, dia mpandova koa; ka sady mpandova ny soa nampanantenain'Andriamanitra no mpiara-mandova izany amin'i Kristy: satria raha miara-mijaly amin'i Kristy isika, dia hiara-komem-boninahitra aminy koa.


Ny Fanahy Masina

1- Mitahiry antsika

"Fa izay tarihin'ny Fanahin'Andriamanitra no zanak' Andriamanitra" (Rom 8, 14). Monina ao anatin'ny zanak' Andriamanitra ny Fanahy Masina ka mitarika azy mba hisaina sy hiteny ary hanao asa araka izay voalazan'Andriamanitra. Mitarika antsika ny Fanahy Masina ka mitaona antsika hanao izay mifandraika amin'ny Soratra Masina. Manoro antsika ny lalana tokony hizorana. Manoro amin'izay mifanohitra amin'ny fanirian-dratsy. Mampahafantatra ny heloka noho ny ota sy ny fitsipika araka an'i Kristy. Mampirisika ny mpino mba aharitra amin'ny finoana sady mananatra manoloana nv fialàna amin'ny finoana an'i Kristy. Mampahery ireo mpino miha-malemv. Milaza fa fahafatesana ara-panahy no vokatry ny fandavana. Aza rnaika hanapa-kevtra fa meteza hotarihan' ny Fanahy Masina

2- Manome antoka fa Zanak'Andriamanitra isika

Ny Fanahy Masina, dia manome antoka antsika fa zanak'Andriamanitra isika ankehitriny amin'ny alalan'I Jesoa Kristy sy ny fiarahana amin'i Kristy. Notanterahiny ilay fahamarinana hoe : "Efa tia antsika i Kristy, sady mbola tia antsika hatrany ary velona ho antsika any an-danitra sady mpanelanelana (Heb. 7, 25). Asehon'ny Fanahy antsika fa tia antsika toy ny zanaka natsangana ny Ray (Jao. 14, 21). Aorin' Andriamanitra ao anatintsika ao ny fitiavana sy fitokisana izay ahafantsika miantso Azy hoe : " Aba Ray" (And. 15) Ny zanaka dia manankina ny ho aviny amin'ny rainy. Toy izany koa isika araka ny toky nomeny hoe:"Ary ny zanako sy ny asan'ny tanako dia adidiko ihany" (Isa45,l 1).

Fanontaniana :
Zava-dehibe ny fitarihin'ny Fanahy Masina.Nahoana ?

jeudi 6 décembre 2018

Alakamisy 06 Desambra 2018 - Sal 100 : 1 - 5

1 Salamo fampiasa amin'ny sorom-pisaorana.
Mihobia ny TOMPO, ry mponin'ny tany tontolo.
2Anaovy fanompoam-pivavahana amim-pifaliana IZY;
midira eo anatrehany amin'ny hiram-piravoana.
3Fantaro fa ny TOMPO no Andriamanitra;
Izy no nanao antsika: ka Azy isika,
vahoakany sady andian'ondry andrasany.
4Ny vavahadin'ny tempoliny, idiro amin-tsaotra;
ireo kianja ao anatiny, idiro amin-dera;
isaory Izy, ary ankalazao ny anarany.
5Eny, tsara ny TOMPO:
maharitra mandrakizay ny fitiavany
ary mahatoky hatrany hatrany Izy.

Mendrika ifaliana ny fítiavan'i Jehovah antsika

1- Aniin'ny maha mpaharv Azy

"Izy no nanao antsika. ary Azy isika" (And. 3) Voasoralra fa rehela nahary ny olombelona Andriamanitra dia niteny hoe : "Andeha isika hamorona olona tahaka ny endrintsika. araka ny tarehintsika" (Gen 1. 26). Efa nomaniny mialoha ireo rehetra izay ahalahan'ny olombelona miaina sy mivelona toy nv rano, sakafo. zava-maniry, hazo fihinam-boa sy ireo maro tsy voatanisa. Ho setrin'izany dia fìhobiana. fanompoana, fiderana no mendrika ho Azy. Sal 100, 1.2.4.

2- Nòho nv fahatsarany

Fa tsara Jehovah (Sala 100. 5). Sady tsara Izy no Mpanao ny Tsara (Sal 119: 68).Misy olona ratsy nefa mialokaloka amin'ny fanaovana asa soa. Misy olona heverina ho mendrika nefa mahavita asa ratsy. Fa I Jehovah kosa tsy mba toy izany. Mbola ny mpanao Salamo ihany no mitanisa hoe: Endrey ny hamaroan'ny asanao Jehovah ó! Fahendrena no nanaovanao azy rehetra: heniky ny zavatra nataonao ny tany. Sal 104. 24. Tsy voatanisa velively ny fahatsarany fa santionany ihany ireny hitantsika sy hiainantsika isan'andro ireny. Ny nanomezany antsika ny Zanany dia mbola maneho io fahatsarany io.

3- Noho ny famindrampony

Mandrakizay ny famindrampony (Sal 100,5) Ny malagasy dia milaza fa na tiana aza ny zanaka. raha manaikitra ny nono dia akifika: Ny baiboly kosa dia milaza fa ny famindrampon'i Jehovah no tsy maharitra antsika. (Fito 3,23s). Tsy miova ny famindrampony. Sarobidy io fitsimbinana avy any ambonv io.

Fanontaniana:
Manomeza ohntra miisa folo samihafa maneho ny fahatsaran' Andriamanitra.

mercredi 5 décembre 2018

Alarobia 05 Desambra 2018 - Jao 1 : 43 - 51

43Ny ampitson'iny, dia niroso nankany amin'ny faritany Galilea i Jesoa; tafahaona tamin'i Filipo Izy ary nanao taminy hoe:
–Avia hiaraka amiko!

44I Filipo dia avy any Betsaidà, tanàna fiavian-dry i Andrea sy i Petera. 45Tafahaona tamin'i Natanaela kosa i Filipo ka niteny taminy hoe: «Efa hitanay Ilay voalazan'i Mosesy tao amin'ny bokin'ny Lalàna sy voalazan'ireo mpaminany, dia i Jesoa zanak'i Jôsefa, Ilay avy any Nazareta.»

46Ary hoy i Natanaela taminy:
–Moa mba mety hisy zava-tsoa ve avy any Nazareta?

Dia novalian'i Filipo hoe:
–Ndao ianao hizaha!
4
7Nahita an'i Natanaela tamy nanatona Azy i Jesoa ka izao no teniny momba an'i Natanaela:
–Izany ka tena Israelita tsy misy fitaka!

48Dia hoy i Natanaela taminy:
–Ahoana no ahafantaranao ahy?

Ka novalian'i Jesoa hoe:
–Talohan'ny niantsoan'i Filipo anao, dia hitako teo ambany aviavy ianao!

49Fa i Natanaela kosa nilaza taminy hoe:
–Mpampianatra ô, Ianao no Zanak'Andriamanitra, Ianao no Mpanjakan'i Israely!

50Ary novalian'i Jesoa hoe:
–Mino ve ianao satria nilazako fa hitako teo ambany aviavy? Zavatra lehibe noho izany no mbola ho hitanao!

51Dia hoy koa i Jesoa tamin-dry i Natanaela:
–Lazaiko marina dia marina aminareo fa ho hitanareo ny lanitra misokatra mbamin'ny anjelin'Andriamanitra miaka-midina eo ambonin'ny Zanak'olona!

Tia anao ny tompo ka

1- Miantso anao ho mpianany

Hita eto ny niantsoan'i Jesoa an'i Filipo sy Natanaela ho isan'ny mpianatra. Tsy mijanona teo izany fa nanome baiko ireo 12 lahy izy ka niteny hoe: ataovy mpianatra ny firenena rehetra (Mat 28, 19). Fahasoavana lehibe ho antsika ny antson'ny TOMPO manokana ho amin'ny fanompoana, ny ahafahantsika mianatra sy mandalina Soratra Masina ary indrindra ny hiainana izany isan'andro. Ankehitriny dia tsy mitsahatra mbola miantso olona ho mpiara-miasa aminy ny Tompo. Ny fanatanterahana izany ampifaliana dia endrika iray ahafahana maneho ny fanekena sy fankatoavana ny antso sy ireo andraikitra ankininy amintsika.

2- Fantany ianao

Indro ny tena Israelita tsy misy fitaka And. 47 ... fony tsy mbola niantso anao Filipo, dia hitako teo ambanin'ny aviavy ianao (And 48). Ny tompo no manao dingana voalohany amin'ny fiantsoana. Ny fanoloran-tena asehontsika dia efa dingana ato afara ihany, valin-teny amin'ny antso sy ny fitiavany antsika . Isika tia, satria Izy efa tia antsika taloha (I Jao 4: 19). Tandremo ny mihevitra ny Tompo ho toy ny tsy mahalala na inona na inona. Alaviro ny fanahiana amin'izay fahasoavana onianiny ho anao. Fantany aho,fantany ny hetahetako, fantany ny zava- misy hiainako, fantany antsipirihany hatramin'ny madinika indrindra.

Fanontaniana:

Inona no nahatonga an'i Natanaela nanao hoe: Raby ò, Ianao no Zanak'Andriamanitra; lanao no Mpanjakan'ny Israely?(and 49).

mardi 4 décembre 2018

Talata 04 Desambra 2018 - Apo 19 : 1 - 10

1Taorian'izany, dia nisy hoatra ny feo mafy navoakan'olona maro tany an-danitra, reko nanao hoe: «Haleloià! Ny famonjena sy ny voninahitra ary ny hery dia an'ilay Andriamanitsika; 2fa mahitsy sy ara-drariny ny fitsarana ataony, satria Izy efa nanameloka ilay vehivavy janga malaza izay nandoto ny tany tamin'ny fijangajangàny, ary efa namaly azy noho ny ran'ireo mpanompon'Andriamanitra efa nalatsany.» 3Dia niteny indray ireo hoe: «Haleloià! Fa miakatra mandrakizay mandrakizay ny setroka avy amin'ny fandoroana an'i Babilôna!» 4Tamin'izay ny *loholona 24 sy ny zava-miaina efatra dia niankohoka nitsaoka an'Andriamanitra, Izay mipetraka eo ambonin'ilay sezafiandrianana, ka nanao hoe: «Amen! Haleloià!»

5Dia nisy feo nivoaka avy teo amin'ilay sezafiandrianana ka nanao hoe: «Derao ny Andriamanitsika, ianareo rehetra mpanompony sy ianareo manaja Azy, na ny kely na ny lehibe!» 6Ary nisy hoatra ny feon'olona maro, sy hoatra ny firohondrohon'ny ranobe, ary hoatra ny kotro-baratra mipoaka mafy, reko nanao hoe: «Haleloià! Fa ny Tompo Andriamanitsika, ilay Tsitoha, dia efa nandray ny Fanjakàny! 7Aoka isika hifaly sy hiravo ary hanome voninahitra Azy, satria tonga ny fampakaram-badin'ilay Zanakondry; ary efa niomana ny vadiny, 8ka akanjo madio mangatsakatsaka, natao tamin'ny kiran-drongony madinika, no natolotra hiakanjoany.» (Fa izany akanjo rongony madinika izany dia tandindon'ny asa ara-drariny vitan'ny vahoakan'Andriamanitra).

9Tamin'izay dia nisy anjely nanao tamiko hoe:
–Soraty! Sambatra izay voaantso amin'ny fanasana fampakaram-badin'ny Zanakondry!

Ary hoy koa ny anjely tamiko:
–Teny marim-pototra avy amin'Andriamanitra ireo!

10Dia niankohoka teo an-tongony aho mba hitsaoka azy, satria nilazany hoe:
–Tandremo, aza manao izany! Fa mpanompo miaraka aminao aho sady miaraka amin'ireo namanao iray finoana, izay mitana ny hafatra nijoroan'i Jesoa ho vavolombelona. Andriamanitra no tsaohy!
Eny, ny Fanahy Masina Izay manentana hilaza hafatra avy amin'Andriamanitra dia ahariharin'ny fijoroana ho vavolombelon'i Jesoa.

Misongadina ato amin'ity Apok 19 ity indray ny endriky ny fitiavan'ny Tompo antsika sy izay miandry antsika eo anatrehan'izany.

Tena tia antsika ny Tompo ka

1- Mendrika hoderaina sy asandratra avo ny Anarany

Ao amin'ny Testamenta Vaovao dia ato amin'ny Apok 19 ihany no ahitana hoe: "Haleloia izay hita matetika kosa ao amin'ny Salamo. Ny heviny dia ny hoe: Miderà an'Andriamanitra! Miverina in'efatra io teny io eto: And 1, 3, 4, 6. Rariny ny fiderana ny Tompo fa Izy no miady ho antsika, mandresy ny asan'ilay ratsy, tsy mamela ho very maina ny ràn'ireo martiora ka mitondra any amin'ny fanasana masina ireo olom-boavotra. Miara-dalana amin'ny fiderana ny firavoravoana, ny fifaliana ary ny fanomezam-boninahitra. (And 6, 7).

2- Izy irery ihany no iankohofantsika

Andriamanitra ihany no ivavaho (And 10). Fitaovana ihany ny mpampita ny hafatry ny Tompo. iraka ihany ireny fa misy fetra ny fahefana sy ny fanindrahindrana fìrehana sy tsangan'olona. Hoy ny Eks. 20, 5 hoe: Aza miankohoka eo anatrehany, ary aza manompo azy, fa Jehovah Andriamanitra dia Andriamanitra saro-piaro ... Izay rehetra manakona ny voninahitry ny Tompo dia tsy maintsy handraisana fanapahan-kevitra hentitra mba ahitana fìfaliana amin'ny fanompoana, na tsangan'olona na kisary na fombafomba na fahazaran-dratsy samihafa.

Fanontaniana:
Hita taratra fa misy zavatra hafa omen'ny olona lanja mihoatranyTompo, manomeza ohatra

lundi 3 décembre 2018

Alatsinainy 03 Desambra 2018 - Hab 3 : 17 - 19

17Fa na dia tsy mamontsina aza ny aviavy
ary tsy manome voa ny voaloboka,
na dia tsy mahavanona aza ny ôliva
ary tsy mahavokatra hanina ny saha,
na dia voapaoka aza ny ondry ao am-pahitra
ary tsy misy omby intsony ao am-bala,
18dia mbola ho faly sy ravo ihany aho
satria ny TOMPO Andriamanitra no Mpamonjy ahy.
19Ny TOMPO Andriamanitra no heriko;
mampalady ahy toy ny dieravavy Izy
ka mampiriaria ahy eny an-kavoana.

Tao amin'ny tahirin-kiran'ny filohan'antoko-mpihira: hohiraina miaraka amin'ny valiha.

Ny zava-mitranga eo amin'ny fiainana

1- Tsy mahasakana ny fifaliana ao amin'ny mpanompon'Andriamanitra

Nefa izaho dia mbola hifaly amin'i Jehovah ihany ; hiravoravo amin'Andriamanitry ny famonjena ahy (And. 18). Maro ireo zava-mitranga atrehan'nv mpanompon' Andriamanitra, isan'izany ireo izay heverina fa toy ny faharesena, tsy fahombiazana. Na ny mpanao Salamo aza dia nanambara hoe: saiky solafaka nv diako, raha nahita ny fahombiazan'ny olon-dratsy . (Sal 73, 3 DIEM). Ny Soratra Masina dia efa. nampiomana fa: Any am-parany any dia hisy andro mahory (II Tim 3, I). Ho sahirana isika raha hiferinaina amin'ny toe-javatra izay efa mateti-pitranga. Tsikaritra fa misy olona marary eo ambony fandriana, mbola feno tsiky sy fanantenana, misy olona sahirana mbola mahita fifaliana ary misy olona misedra olana nefa mbola manana fiadanana.satrian fantany fa tsy miady irery izy.fa eo hatrany ny Tompo.

2- Tsy mahasakana ny fanompoana an' Andriamanitra

Jehovah Tompo no tanjako. ka mampandeha ahy amin'ny havoanako" (And. 19). Tsy miady irery ny mpanompon' Andriamanitra fa eo ny Tompo mampahery manolo-tsaina, mitantana sy mivimbina. Na mideza aza ny fiakarana, valim-piakarana fidinana. Voasoratra hoe: fa tsy foana tsy akory ny fikelezanareo aina ao amin'ny TOMPO (I Kor 15:58).

Fanontaniana :
Nahoana no misy olona sahirana, tsy manan-kialofana. tsy manana tahiry mbola mirantava lavitra mihoatra noho izay heverina fa manana ny ampy?

dimanche 2 décembre 2018

Alahady 02 Desambra 2018 - Zef 3 : 14 - 20

14Mihobia, ry tanànan'i Tsiôna!
Manaova firavoravoana, ry vahoakan'i Israely!
Mifalia sy mibitaha amin'ny fonareo manontolo,
ry mponin'i Jerosalema!
15Ny TOMPO efa nanaisotra ny fanamelohana
izay nitambesatra taminareo;
Izy efa nampandositra ny fahavalonareo.
Ny TOMPO, mpanjakan'i Israely, no momba anareo
ka tsy hisy loza hatahoranareo intsony.
16Io andro io no hilazana amin'i Jerosalema hoe:
«Aza matahotra, ry tanànan'i Tsiôna,
aza miraviravy tanana!
17Ny TOMPO Andriamanitrao no momba anao;
mahery Izy ka hampandresy anao.
Maneho ny hafaliany noho ny aminao Izy;
ny fitiavany no anavaozany anao;
noho ny aminao dia mientam-pihobiana Izy
18toy ny amin'ny andro fety.»

Hoy ny TOMPO hoe: «Hofoanako ny fahoriana,
hoesoriko ny henatra mitambesatra aminareo.
19Indro tonga ny fotoana hamelezako
izay rehetra nampahory anareo.
Hotsaboiko ny maratranareo,
hampodîko ny voasesitany;
eny, havadiko ho voninahitra sy laza
ny fanaovana tsinontsinona anareo
tany amin'ny tany rehetra.
20Amin'izany fotoana izany tokoa
no hampodiako sy hamoriako anareo.
Ho hitanareo fa hambiniko indray ianareo;
homeko voninahitra sy laza ianareo
any amin'ny firenena rehetra eto an-tany.»

Ireo antony mahatonga ny mpino hifaly

1- Ny baikon'ny Tompo

"Mihobia, manaova feo fifaliana. mifalia sy miaravoravoa..." And. 14) Ny Tompo mihitsv no mitaona ny mpino hifaly sy hiravoravo eto. Voasoratra hoe :"Ary miravoravoa amin'i Jehovah. dia homeny anao izay irin'ny fonao" (Sal. 37.4)

2- Ny fampanantenana omeny

Tsy hahita loza intsony ianao (And. 15) hasiako izay rehetra mampahory anao. hovonjeko ny mandringa, hovoriko ny noroahìna (And. 19). Tsy mitovy ny manompo an'Andriamanitra sy ny tsy manompo Azy. Hita taratra izany amin'izao vanim-potoana izay hisian'ny fandriam-pahalemana marisarisa izao. Ho antsika dia eo ny Tompo momba antsika mandrakariva (Zef 3, 17 ; Mat 28._20b)

3- Noho ny fepetra mazava voasoratra

"Hangoniko izay manina fotoam-pivavahana" (Zef 3. 18). Tsy mba afaka manompo ankahalalahana ny mpino any am-pahababoana. Miasa ny Tompo ka manafaka sy mamory.

4- Noho ny valim-bavaka omanin'ny Tompo

" Hampodiako avy amin'ny fahababoana ianareo. ka ho hitan'ny masonareo izany, hoy Jehovah * (Zef 3, 20d). Afaka misantatra fianam-pifaliana isika, eo am- piandrasana valim-bavaka. Fahatokiana sy faharetana no anjarantsika.

Fanontaniana :
lnona no mampiavaka ny fifaliana ao amin'ny Tompo sy ny fifaliana eo amin'izao tontolo izao ?

samedi 1 décembre 2018

Sabotsy 01 Desambra 2018 - Jer 31 : 7 - 9

7Manaova horakora-pifaliana ho an'i Israely;
mihobia an'Ilay filohan'ireo firenena,
ataovy antso avo ny dera ka lazao hoe:
«Ny TOMPO mamonjy ny vahoakany,
dia ny sisa velona amin'i Israely!»
Satria izao no lazain'ny TOMPO:
8«Haveriko avy any an-tany avaratra izy
ary hangoniko avy any am-bazan-tany.
Ao avokoa mbamin'ny jamba sy ny mandringa,
ary ny bevohòka sy ny tera-bao.
Eny, vahoaka be no hiverina.
9Tonga am-pitomaniana izy
ka narahiko sady nampiononiko.
Any amin'ny lemaka misy rano no hitarihako azy
ary lala-mahitsy no hizorany
ka tsy ho tafintohina izy.
Ho Ray Aho amin'i Israely,
ary ho lahimatoako i Efraîma.»

Na eo aza ny fotoan-tsarotra izay tsy maintsy natrehan'ny vahoakan'Andriamanitra dia tsikaritra amin'ny voasoratra eto fa ny mpino mifaly amin'ny fitiavan'ny Tompo dia:

1- Maiieho hiaka fihobiana

«Mihobia amin'ny fifaliana ...» (And. 7b). Nifanojo tamin'ny vanim-potoana tena nilana azy ny tokim-pitiavana avy amin'nv Tompo teto. Manoloana ny fahakiviana, ny fahaverezan-kevitra noho ny fahababoana dia niditra an-tsehatra ny Tompo nampijoro nampitraka naneho fitiavana, hoy Izy:" Fitiavana mandrakizay no nitiavako anao". (Jer. 31 : 3b). Raha ao anatin'ny fahakiviana tanteraka ianao no tonga ny vahaolana ara-potoana laroin'ny tokim-pitiavana sy nv teny fanomezan-toky, dia ho hitanao fa tsy ilaina entanina fa tonga ho azy ny hiaka sy ny fihobiana hanehoana ny fifaliana. Niaina izany ny vahoaka sy ny mpianatra rehefa niakatra tao Jerosalema i Jesoa (Jereo Mat. 21 ,9).

2- Mandray amin'ny fanantenana ny teny fikasana

"Ary ho entiko ho eny amoron'ny renirano izy, amin'ny lalana mahitsy izay tsy ahatafintohina azy" (And. 9). Ny finoana dia mitaona antsika hiaina dieny ankehitriny sahady ny teny fikasana. Voasoratra hoe Minoa sahady, fa efa nandray hianareo dia ho azonareo izany (Mar 11, 24). Tsy mahagaga raha toa ka mahita fiadanana ny mpino na dia misedra zava-tsarotra aza noho ny fahatokiany ny tenin'ny Tompo.

Fanontaniana:
Hoy ny I Tes. 5. 16 hoe"Mifalia mandrakariva" : Ahoana no ampiharana izany amin'ny fiainana andavanandro?

vendredi 30 novembre 2018

Zoma 30 Novambra 2018 - Apo 21 : 1 - 8

1Dia nahita habakabaka vaovao sy tany vaovao aho; fa efa lasa ny habakabaka voalohany sy tany voalohany, ary ny ranomasina dia tsy misy intsony. 2Ary hitako nidina avy any an-danitra ny tanàna masina avy tamin'Andriamanitra, dia i Jerosalema vaovao, voaomana tahaka ny ampakarina voahaingo hihaona amin'ny vadiny. 3Ary nisy feo mahery reko avy teo amin'ilay sezafiandrianana ka nanao hoe: «Indro ny fonenan'Andriamanitra tonga eny amin'ny olona, ary Andriamanitra dia hiara-monina aminy; ka izy ireo ho vahoakany, ary ilay Andriamanitra miaraka aminy kosa ho Andriamanitr'izy ireo. 4Hofafan'Andriamanitra ny ranomaso rehetra amin'ny mason'ireo vahoakany; ary tsy hisy fahafatesana intsony, sady tsy hisy alahelo na fitarainana na fahoriana intsony, fa efa lasa ny zavatra taloha.»

5Dia hoy Ilay mipetraka eo ambony sezafiandrianana hoe: «Indro havaoziko ny zavatra rehetra!» Avy eo Izy no niteny tamiko hoe:
–Soraty, satria azo antoka sy marim-pototra ireo teny ireo.

6Dia hoy indray Izy tamiko:
–Tanteraka ny zavatra rehetra! Izaho no Alfa sy Ômega, fiandohana sy fiafarana. Izay mangetaheta dia hampisotroiko maimaimpoana amin'ny loharano miboiboika ranovelona. 7Izay mandresy no hahazo izany lova izany; ka dia ho Andriamaniny Aho, ary izy ho zanako. 8Fa ny kanosa, ny tsy mpino, ny mpanimbazimba, ny mpamono olona, ny mpijangajanga, ny mpanao ody ratsy, ny mpanompo sampy ary ny mpandainga rehetra, dia hanana ny anjarany any amin'ny farihy mirehitra afo aman-tsolifara: izany no fahafatesana faharoa.

Ny toetoetry ny fanjakan'Andriamanitra

Ny boky Apokalipsy dia manambara ny herin' Andriamanitra sy ny fandresen'i Jesoa Kristy ho fampaherezana ary fampanantenana ho an'ireo kristiana niaina tao anatin'ny fanenjehana fahizay. Mety ihatra amin'ny fiangonana amin'ny fe-potoana rehetra anefa izay nihatra tamin'izy ireo. Toy izao ny fahitan'i Jaona Apostoly ny amin'ny fanjakan'Andriamanitra:

1- Fanavaozana tanteraka.

"Indro havaoziko ny zavatra rehetra" (and.5).Tsy ny olona ihany no mandalo ny fanavaozan' Andriamanitra, fa ny zava-boary manontolo. Araka izany dia ho levona izao tontolo izao ankehitriny (I Pet 3:10-13) izay efa nosimbain'ny ota. Ary ny ranomasina izay noheverin'ny Jiosy fa itoeran'ny hery mpanohitra an'Andriamanitra dia tsy hisy intsony. Tanteraka ireo (and.6). Jesoa Kristy dia efa nitondra ny aretintsika rehetra sy nivesatra ny fahotantsika. (Isa 53:4). Hofafan'Andriamanitra ny ranomaso rehetra ka tsy hisy intsony na fahafatesana na alahelo na fitarainana na fanaintainana, fa efa lasa ny zavatra tàloha (and.4).

2- Fanesorana ny ratsy rehetra.

Tsy hanana anjara amin'ny fanjakan'Andriamanitra ny "osa" na ny kanosa, ny "vetaveta'" izay entina milaza ireo mpanompo sampy, ny tsy mpino, ny mpanimbazimba, ny mpamono olona, ny mpijangajanga. ny mpanao ody ratsy, ary ny mpandainga rehetra. Ireo dia hanana ny anjara ratsiny any amin'ny fahafatesana faharoa (and.8). Enga anie isika mba tsy ho anisan'ireo!

Fanontanìana:
Aiza ao amin'ny fanjakan'ny lanitra no misy anao ankehitriny?

jeudi 29 novembre 2018

Alakamisy 29 Novambra 2018 - Eks 29 : 38 - 46

38«Zanakondry iray taona roa isan'andro no hatolotra tsy tapaka eo ambony alitara. 39Ny iray hatolotra ny maraina, ary ny iray hatolotra ny hariva. 40-41Miaraka amin'ny zanakondry amin'ny maraina sy ny hariva, dia hitondrana koba telopolo kilao efa voakapoka amin'ny diloilo tsara iray litatra sy sasany sy fanatitra divay iray litatra sy sasany. Ireo dia ho sorona atolotra Ahy TOMPO, ka ho hanitra ankasitrahina ho Ahy. 42Amin'ny hoavy dia tsy ho tapaka na oviana na oviana ny fanolorana sorona dorana manontolo ho Ahy TOMPO eo am-baravaran'ny Tranolay fihaonana, fa eo no hihaonako aminareo sy hitenenako aminao.

43«Eo amin'io toerana io no hihaonako amin'ny Israelita, ka ny voninahitro hanome hasina izany. 44Ny tenako mihitsy no hanokana ny Tranolay fihaonana sy ny alitara, tahaka ny hanokanako an'i Aharôna sy ny zanany lahy ho mpisorona ho Ahy. 45Hitoetra eo anivon'ny Israelita Aho sady ho Andriamaniny. 46Ka amin'izay no hiekeny fa Izaho no TOMPO Andriamaniny, dia Izaho Ilay namoaka azy hiala tany Ejipta mba hahazoako miara-monina aminy.
«Izaho no TOMPO Andriamaniny.»

Ny amin'ny fanatitra.

Misy amin'ireo kristiana no mimonomonona. indrindra rehefa betsaka ny rakitra sy adidy ifanentanana ao am- piangonana. Ho jerentsika izao izay nasain'ny Tompo nataon'ny zanak'israely:

1- lsanandro isanandro no anaovana azy (and.40-42)

Zanakondry iray taona roa isanandro no hatolotra tsy tapaka eo ambony alitara. Ny iray hatolotra maraina, ary ny iray hatolotra ny hariva. Ankoatr'izany, koba telopolo kilao efa voakapoka amin'ny diloilo tsara iray litatra sy sasany, fanatitra divay iray litatra sy sasany (and.38-40- DIEM). Eo am-baravaran'ny tranolay fihaonana izay ihaonana amin'ny Tompo sv itenenany dia tsy ho tapaka fanolorana sorona dorana manontolo. Hitantsika amin' izany fa tsy natao ho ambanin-javatra ny fanaovana fanatitra. Ankehitriny dia ny vola madinika indrindra no hita marobe fanaon'ny olona ho fanomezana masina ho an'Andriamanitra. Lazain'ny sasany fa volan-drakitra ny vola madinika.

2- Ho an'Andriamanitra no anaovana azy (and.42)

Ny antony iray faharoa mahatonga ny fimonomononana dia ny tsy fahatakarana fa fanomezana ho an'Andriamanitra ny fanatitra. Izao no voalaza: "íreo dia ho sorona atololra ho Ahy Tompo, ka ho hanitra ankasìtrahana ho ahy" (and.40b-DIEM). Rehefa manolotra dia aoka tsy hiala ao an-tsaina fa ho an'ny Tompo ny fanomezana atao, ary aoka hatao amin'ny fitiavana sy fifaliana ny fahafoizana rehetra mahakasika ny asan'Andriamanitra.

Fanontaniana:
Ny ampahafirin'izay nomen'ny Tompo anao no foinao ho amin'ny asa'Andriamanitra?

mercredi 28 novembre 2018

Alarobia 28 Novambra 2018 - Jak 5 : 7 - 11

7Koa mahareta tsara àry, ry havana, mandra-piavin'ny Tompo. Jereo ny mpamboly miandry amim-paharetana izay vokatra sarobidy havoakan'ny tany, ka maharitra mandra-pahazony ny oram-pararano sy ny oran-dohataona. 8Mahareta koa ianareo; aoka ho feno herimpo, fa efa mby akaiky ny fiavian'ny Tompo. 9Aza mifampimonomonona ianareo, ry havana, mba tsy hanamelohan'Andriamanitra anareo. Indro ny mpitsara efa mijoro eo am-baravarana. 10Ry havana, aoka ireo mpaminany izay niteny tamin'ny anaran'ny Tompo no hataonareo filamatry ny fifandeferana sy faharetana. 11Indro ataontsika hoe sambatra izay manam-paharetana. Efa renareo ny faharetan'i Jôba, ary fantatrareo izay nataon'ny Tompo ho azy tamin'ny farany, satria be fiantra sy be indrafo ny Tompo.

Eo am-piandrasana ny fihavian'ny Tompo.

Betsaka ny olona no tsy maharitra rehefa asaina miandry, indrindra moa fa raha tsaroana ho ela ny fotoana niandrasana. Efa nambara tamintsika fa ho tampoka ny fihavian'ny Tompo. Eo am-piandrasana izany isika izao. Ny tokony hatao àry dia:

1- Miasa

Ny mpiasa tany no ohatra tsotra omen'ny Apostoly antsika: asainy aloha ny tany, ary tsy hoe eo no ho eo ny vokatra fa tsy maintsy miandry fotoana. Mino izy fa ho avy ny orana amin'ny fotoany, inoany toy izany koa fa ho avy ny fotoana hijinjana ny vokatra. Efa hitany sary an- tsaina sahady izany rehetra izany ka tsy manana fanahiana akory izy, eny fa na dia mbola vao miasa tany aza. Ny mpino dia hazoto miasa tokoa raha miorina tsara ny finoany sy ny fanantenany ny fiavian'ny Tompo. Ny finoana ananantsika dia tokony hanetsika antsika hiasa bebe kokoa ho Azy.

2- Maharitra

Tsy amin'ny ora sy fotoana ihany no ilàna faharetana, fa indrindra indrindra koa amin'ny fahoriana sy ny fanenjehana. Ny olona manana faharetana dia tsy mifampimonomonona. Manome fianarana ho antsika ny Soratra Masina, ny amin'ny fiainan'ireo mpaminany izay niteny tamin'ny anaran'ny Tompo (and. 10). Matetika no naharitra nandefitra sy niaritra fahoriana izy ireny. Ny tantaran'i Joba koa dia mampiseho amintsika fa mety iharitra fahoriana mafy isika eo am-piandrasana ny fiavian'ny Tompo. Rehefa naharitra izy dia namindra fo sy niantra azy ny Tompo.

Fanontaniana:
Inona izao no iharetanao amin'ny fijoroanao ho vavolombelona?

mardi 27 novembre 2018

Talata 27 Novambra 2018 - Lio 21 : 29 - 36

29Dia nilaza fanoharana tamin'ny mpihaino Azy i Jesoa nanao hoe:
–Jereo ny aviavy sy ny hazo rehetra. 30Raha vao tazanareo manaroka izy ireny, dia fantatrareo fa efa akaiky ny fahavaratra. 31Toy izany koa raha vao hitanareo miantomboka izany zavatra izany, dia fantaro fa efa akaiky ny Fanjakàn'Andriamanitra. 32Lazaiko marina aminareo fa mbola tsy ho tapitra akory ity taranaka ity, dia ho tanteraka izany rehetra izany. 33Ho levona ny tany amana habakabaka, fa ny teniko tsy mba ho levona.

34–Mitandrema tena ianareo, fandrao tonga mavesatra ny fonareo noho ny filibàna sy ny hamamoana ary ny fiahiana izao fiainana izao; ka ho avy tampoka tsy ampoizinareo izany andro izany, 35satria hiantonta tahaka ny fandrika harato amin'ny mponina rehetra manerana ny tany tontolo. 36Koa miambena sady mivavaha lalandava mba ho afa-miala amin'izany loza rehetra efa ho avy izany sy ho marim-pijoro eo anatrehan'ny Zanak'olona.

Ny andro farany

Raha mandinika izay voalazan'ny Soratra Masina isika, ka ekentsika ho marina izany, dia tsy isalasalana fa vanim- potoana manakaiky ny farany izao androntsika izao. Nambaran'i Jesoa tamin'ny mpianany fa ny andro farany dia:

1- Fotoana ialohavan'ny famantarana.

"Dia tahaka izany koa ianareo, raha vao hitanareo fa tonga izany zavatra izany, dia aoka ho fantatrareo fa akaiky ny fanjakan'Andriamanitra"(and.31). Ankehitriny dia efa miseho avokoa ny ankabeazan'ireo famantarana nolazain'ny Tompo ireo: mpaminany sandoka, ady sy tabataba, horohoron-tany sy mosary, fanenjehana, fisamborana, fanagadrana ,tondra-drano (and.25), tebiteby sy ahiahy... (and.8.9,11,12,25)

2- Fotoana fiambenana.

Tsy foin'Andriamanitra ho very isika ka nambarany tamintsika ireo famantarana mialoha ny andro farany ireo. Tsy ampy anefa ny hoe mahalala fotsiny, ka miandry izay hiseho, fa raha izany dia ho very ihany isika. Ambaran'ny Tompo amintsika izay tokony hatao: "Mitandrema tena ianareo, fandrao tonga mavesatra ny fonareo noho ny filibana sy ny hamamoana ary ny fiahiana izao fiainana izao... Koa miambena sady mivavaha lalandava mba ho afa-miala amin'izany loza rehetra efa ho avy izany..." (and.34, 36- DIEM). Anarina isika mba tsy hanao ny fanaon'izao tontolo izao, fa ahonon-tena sy ho marim-pijoro eo anatrehany; omeny toky isika mba tsy hanahy, taomina isika mba hivavaka mandrakariva.

Fanontaniana:
Ahoana ny fandraisanao ny hoe: "Marim-pijoro"?

lundi 26 novembre 2018

Alatsinainy 26 Novambra 2018 - I Tes 5 : 1 - 3

1Momba ny andro sy ny fotoana hitrangan'izany, ry havana, dia tsy ilaina ny hanoratako aminareo. 2Satria fantatrareo tsara fa ny andron'ny Tompo dia ho avy tampoka, toy ny iavian'ny mpangalatra amin'ny alina. 3Amin'ny anaovan'ny olona hoe: «Miadana sy mandry feizay ny zavatra rehetra!», amin'iny no hamely azy tampoka ny fandringanana ka tsy ho azony andosirana mihitsy, mova tsy ny fanaintainan'ny vehivavy bevohòka mihetsi-jaza.

Miomàna, fa ho avy ny Tompo.

Nampianatra zavatra maro ny amin'ny fiìtsanganana amin'ny maty sy izay hiseho amin'ny andro ihavian'ny Tompo ny Apostoly Paoly. Taorian'izany dia liana sy te hahalala ny andro iverenan'i Kristy indray ireo mpino. Izany no anton'izao fampianarana izao. Nambarany tamin'izany fa ny andro ihavian'ny Tompo dia:

1- Ho tampoka ny fiaviany.

Ho avy tampoka toy ny iavian'ny mpangalatra amin'ny alina ny andron'ny Tompo (and.2). Tsy misy mahalala izay havoaky ny ampitso, ny azontsika atao dia ny miomana ka ho vonona mandrakariva, mba tsy ho tampoka amintsika izany. "Fa ìanareo, ry rahalahy, tsy ao amin'ny maizina, mba hahatratra anareo toy ny mpangalatra izany andro izany. Fa ianareo rehetra dia zanaky ny mazava sy zanaky ny andro; tsy an'ny alina na an'ny maizina isika. (and.4,5)

2- Andro fandringanana.

"Raha misy manao azy hoe miadana sy mandry fahizay dia hanjo azy tampoka nv fandringanana."(and.3). Tsy tokony horaisina ho fampitahorana akory ny filazana izany, fa ho fampiomanana kosa. Izay efa niomana dia tsy hotampohin'ny loza. Ary fitiavana sy famindram-pon' Andriamanitra amintsika no ahazoantsika fotoana hiomanana. "Aza mba matory toy ny sasany isika, fa aoka hiambina ka hahonon-tena... ka hitafy ny fìnoana, fìtiavana, fanantenana, hifananatra sy hifampahery", (and.6 ;8;11)

Fanontaniana:
Inona no asa maika tokony hotanterahin'ny fiangonana ho fíomanana amin'ny fiavian'ny Tompo?

dimanche 25 novembre 2018

Alahady 25 Novambra 2018 - Isa 40 : 9 - 13

9Ry vahoakan'i Tsiôna
nanankinana vaovao mahafaly ô,
miakara eny an-tendrombohitra avo;
ry vahoakan'i Jerosalema
nanankinana vaovao mahafaly ô,
ingao mafy ny feonao ka aza matahotra.
Lazao amin'ireo ao tanànan'i Joda hoe:
«Indro Andriamanitrareo.
10Indro ny Tompo ANDRIANANAHARY tonga amin-kery
sady manana ny fahefana hanjaka.
Ny vahoaka, hoentiny miaraka aminy, no ho karamany
sady eo anoloany ho valin-kasasarany.
11Tahaka ny mpiandry ondry
miandry ny andian'ondriny Izy
ka manangona ireny amin'ny baikon-tanany;
trotroiny eo an-tratrany ny zanak'ondry
ary roahiny miadana ny ampianahany.»

12Iza no nahafatra ny ranomasina teo am-pelatanany
na naharefy ny lanitra tamin'ny irain-jehiny?
Iza no nahangona ny vovotany
tamin'ny vata famarana tokana
ary nandanja ny tendrombohitra sy ny havoana
tamin'ny mizana anankiray monja?

13Iza no naharefy ny Fanahin'ny TOMPO,
iza no nahatakatra ny fikasany?

Mampitondra teny fampiononana ny Tompo.

Maniraka mpanompo ízy mba hilaza ny amin'ny fiaviany hanafaka ny vahoaka, dia ireo vahoaka izay nobahoina tany Babylona. Ny hafatra ampitondraina ny mpanompo voafidy dia :

1- Hilaza ny fiavian'nv Tompo (and.10)

Ho tonga amin-kery sy fahefana lehibe ny Tompo ka hanjaka amin'ny vahoakany. Irahina mba hanambara izany ny mpanompon'i Jehovah araka ny voalaza hoe: "Asandrato mafy ny feonao, Asandrato fa aza matahotra."(and.9). Tsy tokony iahotra na hatahotra ny olom-boahosotra amin'ny fanambarana ny vaovao mahafaly. Tanteraka izany faminaniana izany tamin'ny nahatongavan'i Kristy tety an-tany. Anjaran'ny fiangonana ankehitriny ny mitory ny filazantsara sy mijoro ho vavolombelona; manambara sy mampìomana ny olona rehetra ny amin'ny fiaviany indray amim- boninahitra. Koa aza menatra ny lio vavolombelon'ny Tompontsika!

2- Hilaza ny famonjeny.

"Hiandry ny ondrinv tahaka ny mpiandry ondry Izy; ny sandriny no hanangonany ny zanak'ondry (and 11). Izy no iahy sy hikarakara ny fiainan'ny vahoakany. Tsy avelany hanan-java mahory ireo; tsy havelany ho rembin'ny fahavalo intsony izay matoky Azy. Hamonjy ny olony no nanolorany ny ainy. Tanteraka izany, araka ny tenin'i Jesoa hoe: "Izaho no Mpiandry Tsara; ny Mpiandry Tsara manolotra ny ainy hamonjy ny ondriny" (Jao 10:11). Hilaza izany famonjena izany no anirahana ny fiangonana.

Fanontaniana:
Inona no andrandrainao amin'ny fiavian'i Kristy indray?

Talata 11 Aprily 2023 - Isa 52 : 7 - 12