1 Fiderana nataon'i Davida.
ALEFA
Andriamanitro ô, Ianao no mpanjakako
ka dia hanandratra Anao aho
sy hankalaza ny anaranao mandrakizay.
BETA
2Hankalaza Anao isan'andro aho
sy hidera ny anaranao mandrakizay.
GIMELA
3Lehibe ny TOMPO ary mendri-piderana fatratra;
tsy takatry ny saina ny halehibiazany.
DALETA
4Ny taranaka rehetra samy hilaza
amin'izay mandimby azy
ny fiderana ny zava-bitanao
sy hanambara ny asanao mahery.
HE
5Ny fiandriananao malaza sy be voninahitra*
mbamin'ny asanao mahagaga no hosaintsainiko;
VAO
6hotenenin'ny olona anie ny herinao mahatahotra,
fa hotanisaiko kosa ny halehibiazanao!
ZAINA
7Aoka izy hiventy fahatsiarovana
ireo asa soa lehibe nataonao
ary hihoby ny fahamarinanao!
-
1Miderà ny TOMPO, ry firenena rehetra; Mihobia Azy, ry vahoaka rehetra117.1 Voatsiahy ao amin’ny Rm 15.11 ity and ity.. 2Fa lehibe tokoa ny...
-
7Dia hoy i Natàna tamin’i Davida: –Ianao izany olona izany! Koa izao no lazain’ny TOMPO, Andriamanitr’i Israely: «Izaho no nanosotra anao h...