Alahady 31 Desambra 2017 - Deo 7 : 6 - 8

 6Ianareo manko dia vahoaka voatokana ho an'ny TOMPO Andriamanitrareo; ianareo no efa nofidin'ny TOMPO Andriamanitrareo tamin'ny firenena rehetra ambonin'ny tany mba ho vahoaka fananany sarobidy indrindra7.6 Jereo Eks 19.5; Tit 2.14; 1Pt 2.9..

7Tsy hoe ianareo maro noho ny firenena hafa rehetra no nampiraiki-po ny TOMPO taminareo sy nifidianany anareo, satria vitsy noho ny firenena hafa rehetra aza ianareo. 8Fa raha nentin'ny TOMPO tamin'ny fiarovana mahery ianareo sy navotany tamin'ny toeram-panandevozana teo ambany fifehezan'ny Farao mpanjakan'i Ejipta, dia satria tian'ny TOMPO ianareo ary tandroviny aminareo ny fianianana nataony tamin'ny razambenareo.

Izay mampiavaka ny fìrenen'Israely.

1- Firenena masina. (and.6)
Voatokana ho an'Andriamanitra no dikan'ny hoe: "masina". Andriamanitra no efa nifidy sy nanamasina azy ireo ka tokonv hotehirizinv hatrany izany. Tsv tokony hanahaka ny fomban'ny firenena jentilisa manodidina azy izy ireo, indrindra fa rehefa tafiditra any amin'ny tany izay nampanantenaina ho lovany. Izany koa no hafatra ho antsika amin'izao fotoana faramparany mialoha ny hiatrehana ny taona vaovao izao: voatokana ho an' Andriamanitra isika, koa fadio ny fanao ratsy rehetra. aza mianatra ny fanaon'izao tontolo izao fa sahia mijoro ho vavolombelon'ny Tompontsika. "...fa ianao efa nofidin'i Jehovah Andriamanitrao ho fìrenena rakitra soa ho Azy mihoatra noho ny firenena rehetra ambonin'ny tany ".

2- Notiavin'i Jehovah (and.7, 8)
Tsy miankina velively tamin'izay nataon'ny Israely ny fitiavan'Andriamanitra azy ireo fa Izy no mitana ny teny fampanantenana nataony tamin'ny razambeny, sy ny nanavotany azy tamin'ny trano nahandevozana. Tia antsika Andriamanitra ka naniraka ny zananv ho avotra noho ny fahotantsika. Tsv miankina velively tamin'ny hatsarana na ny soa vitantsika izany fitiavany izany fa safidiny samirery.

Fanontaniana:
Inona no antony nifidianan 'ny Tompo anao?

Sabotsy 30 Desambra 2017 - Efe 5 : 1 - 2

1Koa manafaha an'Andriamanitra ianareo, satria zanaka lalainy5.1 Ampit Lev 19.2; Mt 5.48.. 2Ny fitiavana no aoka hanenika ny fitondrantenanareo, tahaka ny nitiavan'i Kristy antsika sy nanolorany tena tamin'Andriamanitra toy ny fanatitra sy sorona manitra mamerovero ho fanasoavana antsika5.2 Ampit Eks 29.18. –nitiavan'i Kristy antsika: misy stf sasany ahitana hoe nitiavan'i Kristy anareo. .

Mijoroa ho vavolombelon'ny Tompo.

1- Aoka hanahaka an'Andriamanitra
"Koa amin'izany dia aoka hanahaka an' Andriamanitra ianareo tahaka ny zanaka malala" (and.I). Natao hanahaka an'Andriamanitra ny olona. lo fanahafana an'Andriamanitra io no toerana nisy antsika fony mbola tsy tafiditra ny fahotana. Tian'ny Apostoly hotsiahivina eto izany ahatonga antsika ho amin'ny fahariana vaovao (Efes.4, 23. 24). Ny fitondrantenan'i Jesoa Kristy no modely tokonv halaintsika tahaka: tsy mandainga, tsy mba manana lolom-po, malemy fanahy, miantra sy mamela heloka (Efes 4.25-32). Tokony hanahaka an' Andriamanitra isika amin'ny fahamarinana sy amin'ny fahamasina amam-pitondrantena rehetra.

2- Mandehana amin'nv fitiavana
Ampianarina koa isika mba handeha amin'ny fitiavana, ka ny fitiavan' i Kristy no halain-tahaka, indrindra fa Izy nanolotra ny tenany natao sorona ho fanavotana ny hafa. Izany dia araka izay efa nolazainy tamin'ny mpianany hoe:"tsy misy manana fìtiavana lehibe noho izao, dia ny manolotra ny ainy hamonjy ny sakaizany. " (Jao. 15). Nv mpino izay efa mahatsapa ny famonjena noraisiny sy ny fìtiavan'Andriamanitra azy no ho afaka mandeha amin'ny fitiavana, ka ho tia an'Andriamanitra sy ho tia ny namany, eny ho tia ny fahavalo aza. Tokony hanjaka eo amin'nv fiombonan'ny mpino ny fifankatiavana.

Fanontaniana:
Mbola misy olona tsy mifankatia ve ao am-piangonana? Nahoana?

Zoma 29 Desambra 2017 - II Tan 9 : 3 - 8

3Ary rehefa samy hitan'ny mpanjakavavin'i Sebà ny fahendren'i Salômôna sy ny trano izay naoriny, 4ny sakafo fihinana teo amin'ny latabany sy ny toeram-ponenan'ny tandapany ary koa ny fahamendrehana amam-pitafian'ireo mpandroso sakafo sy mpitondra divay, ny ambaratongan-tohatra izay niakaran'i Salômôna ho ao an-tranon'ny TOMPO, dia talanjona aoka izany izy 5-6ka nilaza tamin'ny mpanjaka hoe:

–Marina avokoa izay resaka reko tany amin'ny taniko momba ny teninao sy ny fahendrenao. Nefa tsy nino ny filàzan'olona aho, raha tsy tonga atỳ, ka ny masoko no mahita. Hay na dia ny antsasaky ny fahendrena anananao aza tsy voambara tamiko akory; indro mihoatra noho ny laza efa reko ianao. 7Sambatra ireo olonao sy ireo tandapanao, satria eo anatrehanao mandrakariva ka mandre ny fahendrenao! 8Hisaorana anie ny TOMPO Andriamanitrao, fa sitrany napetraka eo amin'ny sezafiandrianany ianao mba ho mpanjaka hanompo Azy TOMPO Andriamanitrao; fa ny fitiavan'Andriamanitrao an'i Israely ka hampitoetra azy mandrakizay no nanaovany anao ho mpanjaka mba hampihatra ny rariny sy ny fahamarinana.

Ny fahendrena avy amin'Andriamanitra

1 - Miseho ho hita etv ivelanv
Ny trano izay nataon'i Solomona. ny hanim-pihinany teo amin'ny latabatra, ny fihetsika sy fitafin'ireo mpanomponv, nv ambaratongan-tohatra iakarana ho ao an-tranon'i Jehovah... (and.6). Ireny rehetra ireny dia nampiseho tamin'ilay mpanjakavavy fa tena manam-pahendrena mihoatra lavitra noho izay efa nambara taminy tokoa izy. Ny lesona ho antsika amin' izany dia izao: tokony ho hita taratra amin'nv fitondran-tena asehontsika ny maha kristiana antsika mba ho fíjoroana ho vavolombelon'
I Jesoa Kristy: amin'ny fiteny, amin'ny fitafy, amin'ny sakafo fihinana, amin'ny fitondrantenan'nv ankohonana, amin ny fivavahana.

2 - Mampiseho nv fitiavan'Andriamanitra
Niaiky ny fahendrena nanan'i Solomona ilay mpanjakavavy ka nisaotra an'Andriamanitra. Tsapany koa fa noho ny ny fitiavan'Andriamanitra ny Israely no antony nametrahana an'i Solomona ho eo amin'ny seza fìandrianany, mba hikendry izay hahasambatra ny vahoaka entinv. "...Noho ny fitiavan' Andriamanitrao ny Isiraely hampitoetra azy mandrakizay no nanaovany anao ho mpanjakany mba hanao fitsarana sy fahamarinana" (and.8b). Misy antony ho fanasoavana ny hafa ireny fanomezam-pahasoavana omen'nv Tompo antsika ireny.

Fanontaniana:
Misy akony eo amin 'ny fìainan 'ny manodidina ve ny fahendrenao?

Alakamisy 28 Desambra 2017 - II Tes 2 : 13 - 17

13Tsy maintsy velom-pisaorana mandrakariva an'Andriamanitra izahay ny aminareo, ry havana notiavin'ny Tompo. Fa nofidin'Andriamanitra ho toy ny santa-bokatra hatolotra Azy ianareo2.13 ho toy ny santa-bokatra hatolotra Azy ianareo: misy stf sasany ahitana hoe hatrany am-piandohana ianareo. , ka hahazo famonjena noho ianareo voatokan'ny Fanahy Masina mba ho an'Andriamanitra ary noho ianareo nino ny hafatra marim-pototra. 14Izany no niantsoan'Andriamanitra anareo, tamin'ny alalan'ny Vaovao Mahafaly notorînay, mba hahazoanareo miombom-boninahitra amin'i Jesoa Kristy Tompontsika. 15Koa mamahara tsara, ry havana, ary tano ny fampianarana natolotray anareo am-bava na an-taratasy.

16Enga anie i Jesoa Kristy Tompontsika sy ilay Andriamanitra Raintsika Izay efa tia antsika ka nanome antsika fampiononana mandrakizay sy fanantenana tsara tamin'ny alalan'ny fahasoavany 17hampionona ny fonareo ary hampahery anareo hanao izay tsara rehetra na amin'ny asa na amin'ny teny.

Anatra ho an'izay rehetra efa nandray ny Tompo

1- Tomoera tsara
Andriamanitra efa nifidy antsika hatramin'ny voalohany ahazo famonjena amin'ny fanamasinan'ny Fanahy sy ny finoana ny marina. Manoloana ny herin'ilay ratsy izay mifofofofo ka mikendry hanozongozona ny finoantsika dia tena ilaina ny mitoetra tsara. izany hoe tsy hiongotra na ho mora afindra fa tena mioriom-paka lalina. Ny hevitry nv teny dia: "'Mamahatra tsara" (DIEM). Betsaka ankehitriny ireo karazana fomba sy fivavahana miditra eto amin'ny tanintsika, manampy trotraka izany ny fahasahiranana mianjady amin'ny fiainan'ny mponina andavanandro. Ireny rehetra ireny no ataon'ilay ratsy fitaovana ahatonga antsika hiala amin'izay efa niorenan'ny finoantsika. Aoka isika hitoetra tsara amin'izay efa niantsoana sy nifidianan' ny Tompo antsika.

2- Tazonv nv fampianarana natolotra...
Tsy nazava tamin'ny olona ny fampianarana ny amín'ny fiavian'ny Tompo amim-boninahitra ka nahatonga fivilian-dalana. Ny sasany aza efa tsy niasa intsonv satria nihevitra fa efa tonga ny farany ka tonga nahantra sy nagataka. Tsy voatahiry intsony ny fampianarana natolotrv ny Apostoly. Ny hoe "mihazona ny fampianarana" dia mampihatra izany eo amin'ny fanompoana an' Andriamanitra, eo amin'nv fiainanana andavanandro, na amin'ny teny na amin'nv asa: "amin'ny asa sy ny teny tsara rehetra (and 17)

Fanontaniana:
Inona no mampiavaka ny finoana anananao ka hifìkiranao amin 'izany

Alarobia 27 Desambra 2017 - Gal 4 : 1 - 7

1Izao anefa no teniko: raha mbola zaza ny mpandova, dia tsy hafa noho ny mpanompo izy na dia tompon'ny zavatra rehetra aza; 2fa fehezin'izay mpikarakara azy sy ny mpitandrim-pananany izy mandra-pahatongan'ny fetr'andro voatendrin'ny rainy4.2 Araka ny lalàna grika, dia ny rain-jaza no mametra ny taona maha lehibe ny zanany, ka ahazoan-janany miala amin'ny fifehezan'ireo mpikarakara azy sy mizaka tena tanteraka.. 3Dia tahaka izany koa isika; fony mbola zaza, dia nandevozin'ireo herin-javatr'izao tontolo izao4.3 ireo herin-javatr'izao tontolo izao: dia ireo zavaboaary isan-karazany hita maso heverin'ny olombelona ho manan-kasina sy manan-jina, ary dia mangeja azy fatratra raha mbola tsy nanafaka azy ny finoana an'i Jesoa Kristy. Jereo 4.9; Kôl 2.8, 20. isika; 4fa rehefa tonga tokoa ny fotoanandro, dia nirahin'Andriamanitra ny Zanany: natera-behivavy io Zanany io ary niaina teo ambany fahefan'ny lalàna jiosy, 5mba hanavotra izay teo ambany fahefan'ny lalàna ary mba handraisantsika ny anjara maha zanak'Andriamanitra.

6Ry ny maha zanaka anareo, dia ny nanirahan'Andriamanitra ho ao am-pontsika ny Fanahin'ny Zanany miantso hoe: «Raiko ô4.6 Ary ny maha zanaka anareo, dia ny nanirahan'Andriamanitra: na hoe ary satria zanaka ianareo dia nirahin'Andriamanitra. –Raiko ô: ny teny aramianina Abbà no ampiasaina ao amin'ny rijan-teny grika fototra. Jereo Mk 14.36 sy nta; Rm 8.15.!» 7Hany ka tsy mpanompo intsony ianao, fa zanaka; ary raha zanaka ianao, dia mpandova koa noho ny ataon'Andriamanitra4.7 and 5-7: ampit Rm 8.15-17..

Ny fahatongavan'ny Zanaka.

1- Manavotra izay ambanin'ny lalàna (and.4, 5)
Tsy misy amin'ny olombelona na dia iray aza ka sahy milaza fa nahatanteraka izay rehetra notakian'ny lalàna taminv. Amin'izany, ny lalàna dia tonga miampanga antsika satria mampihariharv ny tsy fahamarinantsika, "Nateraky ny vehivavy, nateraka tao ambanin 'ny lalàna " (and.4). Jesoa no nahatanteraka feno izay notakian'ny lalàn'i Mosesy sy ny lalàna amin'ny ankapobeny. Izy no nanafaka antsika tamin'ny fanandevozan'nv lalàna. Raha ny lalàna, dia tsy misv azo hamarinina eo anatrehan' Andriamanitra isika. Ny fahatongavan'i Jesoa no nahavotra antsika tsy ho eo amban'ny lalàna.

2- Mahatonga antsika ho mpandova
"Raha mbola zaza ny mpandova, dia tsy hafa noho nv andevo ìzy, na dia tompon'ny zavatra rehetra aza" (and.l). Baikoina hanao izav asaina ataony ny zaza na dia mpandova aza, mandra-pahatonga ny fotona izay iheveran'ny rainy azy fa afaka mandray an-tanana sy mitantana ny anjara lovany. Izay rehetra mino an'i Jesoa kosa dia afaka tamin'nv fahazazana sy nv fanandevozan'ny abidim-pianara'izao tontolo izao, ary afaka hiaina malalaka amin'ny fanatanterahana ny sitrapon' Andriamanitra. Ny Fanahy mitoetra ao anatintsika kosa no hanome antoka ho antsika nv amin'ny fiainana mandrakizay.

Fanontaniana:
Hazavao ny teny hoe: "olona afaka isika "

Talata 26 Desambra 2017 - Isa 11 : 1 - 10

1Misy rantsana misandrahaka avy amin'ny fototr'i Jisay11.1 Jisay: rain'i Davida (1 Sam 16.18-19); jereo Apôk 5.5; 22.16.;
misy solofo mipoitra avy amin'ny fakany.
2Ny Fanahin'ny TOMPO no mitoetra eo aminy,
dia Fanahy manome fahendrena sy fahaiza-manavaka
Fanahy mahay mamolavola sy manatanteraka,
Fanahy ahalalana sy anajana ny TOMPO;
3ary io no hanoro azy ny fanajana ny TOMPO.
Tsy hitsara araka ny ivelany fotsiny izy
na hanapaka araka izay ren'ny sofiny,
4fa hitsara ny malahelo ara-drariny
ary hamoaka didy araka ny hitsiny
ho an'ny mahantra eo amin'ny tany.
Ny teniny no toy ny tsorakazo
hikapohany ny tany
ary ny fofonain'ny vavany
no hamonoany ny olon-dratsy11.4 Jereo 2Tes 2.8..
5Ny rariny no ho fisikinany
ary ny toetra hentitra no ho fehikibony11.5 Jereo Ef 6.4..

6Koa ny amboadia hiara-mipetraka amin'ny zanak'ondry,
ny leôparda hiara-mandry amin'ny zanak'osy;
ny zanak'omby sy ny liona tanora hiara-mihinana
ka zazalahy kely no hitarika azy.
7Ny ombivavy sy ny orsavavy hiara-miraoka;
ary ny zanak'izy ireo hiara-matory.
Hihinam-bilona toy ny omby ny liona.
8Ny zaza mbola minono
hilalao eo an-davaky ny bibilava;
ary ny zaza misara-nono
hanatsofoka ny tanany
ao an-davaky ny menarana.
9Tsy hisy hanimba na handratra
manerana ny tendrombohitra masina,
satria ny fahalalana ny TOMPO
no hanenika izany tany izany
tahaka ny anaronan'ny rano
ny fanambanin'ny ranomasina11.9 And 6-9: jereo Is 65.25. –And 9: jereo Hab 2.14..
10Amin'izany andro izany ny solofon'i Jisay
dia hatsangana ho fanevan'ny firenena rehetra;
ka hitady azy ny firenen-kafa11.10 Jereo Rm 5.12.,
ary hanjary be voninahitra ny fonenany.

"Solofo mitsimoka eo amin'ny fototr'i Jese"

1- Itoeran'nv Fanahin'I Jehovah (and.2)
Ny fitoeran'ny Fanahin'i Jehovah no mampiavaka ny olona voafidin'Andriamanitra. Ny Fanahin'i Jehovah no manome ny toetra sy ny hery rehetra ilaina ahafahana manatanteraka ny sitrapon'Andriamanitra ho famonjena izao tontolo izao. Ny asan'ny Fanahy Masina no hery mampijoro ny Fiangonana ka ahafahany manohy nv asam- pamonjena efa natombok'i Kristy sy ahaizana "mitsara araka nv fahamarinana" (and.4). Tsiahivina eto Ilay Mpanompon'i Jehovah nanao hoe: "Ny Fanahin'i Jehovah Tompo no ato amiko, satria Jehovah efa nanosotra Ahy hitory teny soa mahafaly amin'ny mpandefitra, efa naniraka Ahy hahasitrana ny torotoro fo Izy, ary hitory fanafàhana amin'ny babo sy hamoaka ny ao an-trano- maizina ... " (Isa.61,1).

2- Mitondra fiadanana (and.4-10)
Rehefa ao amin'ny olona ny Fanahin'ny Tompo, ka manjaka eo amin'ny mpitondra ny fahatahorana an'Andriamanitra sy ny fahatokiana Azy, dia izany no ny fiadanana. Miverina amin'ny laoniny ny fífandraisan'ny olona amin'Andriamanilra, ny fifandraisan'ny olona samy olona; ary ny fífandraisan'ny olona amin'ny zava-boary. Sary maneho izany fiadanana izany no ambaran'ny mpaminany: "Ary ny amboadia* hiara-mitoetra amin'ny zanak'ondry... Ny zaza minono hilalao amin'ny lavaky ny vipera " (and.6-8)

Fanontaniana:
Misy ifandraisany ve ny fahotana sy ny fahasimban'ny tontolo iainana?

Alatsinainy 25 Desambra 2017 - Lio 2 : 8 - 14

8Tany amin'izany faritany izany, dia nisy mpiandry ondry nitoetra tany an-tsaha niambina ny ondriny nandritra ny alina. 9Nisy anjelin'ny Tompo niseho tampoka taminy; ary nohodidinin'ny voninahitry ny Tompo ireo mpiandry ondry ka raiki-tahotra izaitsizy.

10Fa hoy ilay anjely taminy:
–Aoka izay ny tahotra, fa vaovao mahafaly no entiko ho anareo, dia fifaliana lehibe ho an'ny vahoaka rehetra: 11Mpamonjy no teraka ho anareo anio ao an-tanànan'i Davida, dia i Kristy Tompo. 12Izao no hahafantaranareo Azy: hahita zazakely anankiray voahodidina lamban-jaza sady mandry eo amina fihinanam-bilona ianareo.

13Ary nisy anjely alikisa avy any an-danitra niseho niaraka tamin'ilay anjely teo ka nidera an'Andriamanitra nanao hoe:

14«Voninahitra any amin'ny avo indrindra
ho an'Andriamanitra;
ary fiadanana etỳ an-tany ho an'ny olombelona
fa nanehoany fitia2.14 Dkt hafa, araka izay hita ao amin'ny stf sasany, fiadanana etỳ ambonin'ny tany, famindrampo ho an'ny olombelona. !»

Mpiandry ondry tany an-tsaha.

1- Isehoan'ny anjelin'nv Tompo
Mpiandry ondry tany an-tsaha no nisehoan'ny anjely, ka nanambaràny ny vaovao mahafaly mikasika ny fahaterahan'i Jesoa Mpamonjy. Nomeny toky mba tsy hatahotra sady nanehoana ny voninahitry ny Tompo nanelatrelatra manodidina azy. Any an-tsaha. anatin'ny alina feno aizina, am-perin'asa, ao anatin'izany no miseho ny anjelin'ny Tompo sy ny voninahiny. Andriamanitra dia mampiseho ny voninahiny amin'izay tiany hisehoana sy hanehoana izany, na iza na iza isika, ary na aiza na aiza toerana misy antsika. na inona na inona saranga misy antsika eo amin'ny fiaraha-monina. Izao fìsehoan'ny anjely amin'ny mpiandry ondry izao dia vavolombelon'ny fitiavan'ny Tompo hamonjy antsika ary tsy mizaha tavan'olona Izy.

2- Ilazana vaovao mahafaly
Na iza na iza teo amin'ny toeran'ny mpiandry ondry ireo, dia tsy maintsy ho taitra sy hatahotra aloha. Nampitony izany ny anjelin'ny Tompo ka nilaza tamin'ireo mba tsy hatahotra sady nanambara vaovao mahafaly taminy. Ny nahaterahan'i Jesoa Kristy Tompo no "Teny soa mahafaly". na Filazantsara. sady fifaliana lehibe ho an'ny olona rehetra ka mitondra fiadanana ho an'ny firenena. Izay mandray an'i Jesoa ho Tompo sy Mpamonjy azy anio no hahita ny tena fiadanana eo amin'ny androm-piainanv ary ny voninahitry Tompo hanelatrelatra manodidina azy.

Fanontaniana:
Mitondra inona eo amin'ny fiainanao ny Fahaterahan'ny Mpamonjy?

Alahady 24 Desambra 2017 - Jao 3 : 16 - 21

16Eny, notiavin'Andriamanitra fatratra izao tontolo izao, ka nomeny ny Zanany lahitokana, mba tsy ho very izay rehetra mino Azy fa ho velona aina mandrakizay. 17Andriamanitra manko tsy naniraka ny Zanany ho eto amin'izao tontolo izao, mba hanameloka an'izao tontolo izao, fa mba hamonjy an'izao tontolo izao amin'ny alalany. 18Izay mino ny Zanaka dia tsy helohina; fa izay tsy mino koa dia efa voaheloka rahateo, noho izy tsy nino ny Zanaka lahitokan'Andriamanitra. 19Ary izao no anton'ny fanamelohana: efa tonga tamin'izao tontolo izao ny fahazavana, nefa naleon'ny olona ny haizina toy izay ny fahazavana, satria ratsy ny asany. 20Fa izay rehetra manao ratsy dia mankahala ny fahazavana sady tsy manatona ny fahazavana, fandrao hita miharihary ny asa ratsiny. 21Izay manao ny marina kosa dia manatona ny fahazavana, mba hiseho fa notontosaina araka an'Andriamanitra ny asany.

Tia antsika Andriamanitra.

1- Nanorme ny Zanany lahitokana Izy (and.16)
Isika n tokony hohelohina ho faty noho ny fahotantsika , araka ny voasoratra hoe : "Fa fahafatesana no tambin'ny ota... " (Rom.6,23). Tsy foiny hisy ho any amin'ny fahafatesana sy ny fahaverezana mandrakizay anefa isika. Nirahiny ny Zanany ho ety amin'izao tontolo izao. dia Jesoa Kristy. Izy no vavolombelon'ny fitiavan' Andriamanitra antsika, fa voasoratra hoe: "Fa toy izao no nitiavan'Andriamanitra izao tontolo izao : nomeny ny Zanany lahitokana.... (and.16). Ary koa: «Fa Andriamanitra tsy naniraka ny Zanaka ho amin'izao tontolo izao hanameloka izao tontolo izao, fa mba hamonjeny izao tontolo izao » (and.17)

2- Manome fiainana mandrakizav Izv
"... Nomeny ny Zanany Lahitokana, mba tsy ho very izay rehetra mino Azy, fa hanana fiainana mandrakizay" " ...Fiainana mandrakizay no omen'Andriamanitra antsika, ary ao amin'ny Zanany izany fìainana izany... " (I Jao.5, 11). Ny fanomezan'Andriamanitra ny Zanany dia fanomezana fiainana mandrakizay. Fa hov Jesoa: "Izaho avy mba hananany fiainana, sady hananany be dia be "(Jao. 10,10). Ny hoe "mino" dia manaiky fa i Jesoa irery no Ilay nirahin'Andriamanitra ho Mpamonjy sv Mpanavotra antsika. Izy no lalana sy fahamarinana ary fiainana; tsy misy olona mankany amin'ny Ray, afa-tsy amin'ny alalany (Jao.14, 6).

Fanontamana:
Azonao antoka ve fa voavonjy ianao?Nahoana?

Sabotsy 23 Desambra 2017 - Mat 1 : 18 - 25

18Toy izao no nahaterahan'i Jesoa Kristy. Efa fofombadin'i Jôsefa i Maria renin'i Jesoa tamin'izay; raha mbola tsy niray trano anefa izy roa dia hita fa nitoe-jaza i Maria noho ny asan'ny Fanahy Masina. 19Olo-marina i Jôsefa vadiny, ka tsy te hanala baràka azy, fa nikasa hametraka azy mangingina.
20Raha mbola nieritreritra izany izy, dia nisehoan'anjelin'ny Tompo tamin'ny nofy ka nilazany hoe:
–Ry Jôsefa taranak'i Davida ô, aza matahotra ny hampakatra an'i Maria vadinao! Noho ny asan'ny Fanahy Masina tokoa no nampitoe-jaza azy. 21Ary ho tera-dahy izy ka i Jesoa no anarana hiantsoanao ny zaza: fa io zaza io no hamonjy ny vahoakany ho afaka amin'ny fahotany1.21 Ny hoe Jesoa dia mitovy amin'ny hoe Josoa ihany ka midika hoe: Ny Tompo no famonjena (na hoe ny Tompo no manome ny famonjena)..

22Izany rehetra izany no tonga dia mba ho tanteraka ilay voalazan'ny Tompo tamin'ny alalan'ny mpaminany hoe:

23«Indro hitoe-jaza ny virijiny ka ho tera-dahy;
ary ny anarana hiantsoana ny zaza dia Himanoela1.23 Is 7.14, voatsiahy araka ny dkt grika tranainy Septoazinta, somary nisy novan'i Matio variraiventy.,»
(izany hoe «miaraka amintsika Andriamanitra»)

24Vao nifoha maraina i Jôsefa dia nanatontosa izay nandidian'ilay anjelin'ny Tompo azy, ka nampakatra an'i Maria vadiny. 25Tsy niray tamin'i Maria i Jôsefa mandra-pahatera-dahy an'i Maria; ary i Jesoa no anarana niantsoan'i Jôsefa ny zaza.

Vavolombelon'ny fitiavan'Andrianianitra i Josefa.

1- Tsy ta-hanala baraka nv vadinv (and.19)
Araka ny lalàna dia tokony halaim-baraka sy hotoraham- bato ho faty ny vehivavy bevohoka kanefa tsy ilay tompom-bady no tompon'andraikitra nahavita izany (Deot.22, 23-24). Maro amin'ny olona no tsy mahazaka ny kilemam-badiny ka mitantara izany amin'ny namana, na ny sakaiza, ny ray aman-dreny. Eny misy mihitsy aza tsy mahafehy ny fihetseham-pony ka sahy manala baraka azy imasom-bahoaka.Tsy mba nanao toy izany i Josefa, ilay lehilahy marina, tsy ta-hanala baraka azy izy. Na inona na inona mety ho kilemam-bady dia aoka tsy hifanala baraka

2- Mankato ny Tenin'nv Tompo (and.24)
Nikasa hisaraka mangingina tamin'i Maria Josefa. Izay no noheveriny fa tsy hahafa-baraka ny vadiny. Kanefa raha mbola nisaina izany izy dia niseho taminy ny anjelin'ny Tompo ka nampahery azy sady nilaza taminy mba tsy hatahotra ny hampakatra an'i Maria ho vadiny. Ka dia "nanao araka ìzay nandidian'ny anjelin'ny Tompo izy (and.24b)". Na dia teo aza ny fikasany hisaraka, nampandeferiny izany noho ny fankatoavany ny tenin'ny Tompo. Tena ilaina ny fíhainoana sy fankatoavana ny Tenin'Andriamanitra manoloana ny olana misy.

Fanontaniana:
Inona no tokony hatao raha mahita ny kileman 'ny namanao ianao?

Zoma 22 Desambra 2017 - I Jao 4 : 12 - 19

12Tsy mbola nisy olona nahita an'Andriamanitra na oviana na oviana4.12 Ampit Jôh 1.18.; fa raha mifankatia isika, dia mitoetra ao anatintsika Andriamanitra, ary lavorary ao anatintsika ny fitiavana Azy.

13Ny ahafantarantsika fa mitoetra ao anatin'Andriamanitra isika ary Izy ao anatintsika, dia ny Fanahiny efa nomeny antsika. 14Ary izahay efa nahita ka dia vavolombelona manambara fa naniraka ny Zanany ho Mpamonjy an'izao tontolo izao4.14 Ampit Jôh 3.17; 4.42. ny Ray. 15Na iza na iza manaiky an'i Jesoa ho Zanak'Andriamanitra, dia mitoetra ao anatiny Andriamanitra ary izy ao anatin'Andriamanitra. 16Ary isika efa mahalala sy mino ny fitiavan'Andriamanitra antsika.

Andriamanitra dia fitiavana; koa izay mitoetra ao amin'ny fitiavana no mitoetra ao anatin'Andriamanitra, ary Andriamanitra ao anatiny. 17Izao no mahalavorary ny fitiavana eo anivontsika: hanan-toky isika amin'ny andro fitsarana, satria tahaka an'i Kristy isika eto amin'izao tontolo izao. 18Tsy mba manan-tahotra ny fitiavana, fa ny fitiavana lavorary mandroaka ny tahotra. Mifantoka amin'ny sazy manko ny tahotra, fa izay matahotra dia mbola tsy lavorary amin'ny fitiavana.
19Tia isika, satria Andriamanitra no efa tia antsika mialoha.


Aiza no mitoetra Andriamanitra ?

1 - Ao amin'izav mifankatía (and.12b)
Andriamanitra dia fítiavana. Izao no nanehoana ny fítiavan'Andriamanitra antsika: Andriamanitra naniraka ny Zanany lahy Tokana tamin'izao tontolo izao, mba hahavelona antsika amin'ny alalany. tiany hitoetra ao anatintsika izany fitiavany izany. Izany no andidiana antsika mba hifankatia satria "Raha mifankatia isika, dia mitoetra ato amintsika Andriamanitra, ary tanteraka ato amintsika ny fìtiavany". Izaho sy ianao ary ireo namantsika dia samy nanehoan'Andriamanitra ny fitiavany. Izay tsy tia dia tsy mba mahalala an'Andriamanitra; fa Andriamanitra dia fitiavana,ary izay mitoetra amin'ny fitiavana no mitoetra ao amin' Andriamanitra, ary Andriamanitra ao aminy.

2 - Ao amin'izav manaiky fa Zanak' Andriamanitra Jesoa (and.15)
"Na iza na iza manaiky fa Zanak'Andriamanitra Jesoa, dia mitoetra ao aminy Andriamanitra, ary izy kosa ao amin' Andriamanitra. " Ny hoe: "manaiky Azy ho Zanak' Andriamanitra" dia finoana fa Izy no Ilay Mesia, voahosotr' Andriamanitra; Izy no nirahina avy any an- danitra mba hanao izay hahafantaran'ny olona an'Andriamanitra ary nanaiky hatao sorona noho ny fahotantsika. Ny olona efa nandray ny Fanahy Masina no afaka hanaiky fa Zanak'Andriamanitra Jesoa, ka tanteraka amin'ny fitiavana an'Andriamanitra sy ny rahalahiny ary ny olona rehetra.

Fanontaniana:
Tanteraka ao aminao ve ny fìtiavan' Andriamanitra?

Alakamisy 21 Desambra 2017 - Hos 14 : 2 - 10

2Ry Israelita ô, mba miverena
amin'ny TOMPO Andriamanitrareo,
fa ny helokareo no nahalavo anareo.
3Miverena amin'ny TOMPO
ka milazà aminy hoe:
«Avelao avokoa ny helokay;
ary ho solon'ny vantotr'ombilahy fanolotray
dia raiso tsara ireto teninay ireto:
4Tsy i Asiria no hahavonjy anay,
tsy hitaingin-tsoavaly izahay;
ary tsy amin'ny sampy asan-tananay intsony
no hitenenanay hoe: ‹Ry Andriamanitray ô!›;
fa Ianao no mamindrafo amin'ny kamboty.»

5Izaho TOMPO dia hanasitrana
an'ilay Israely amin'ny fiodinany.
Ho tia azy amim-po malalaka Aho;
fa efa nialan'ny fahatezerako izy.
6Ho tahaka ny ando mahasoa azy Aho;
dia hamony tahaka ny lisy izy
ary hamàka tahaka ny hazon'i Libàno.
7Hisandrahaka rantsana izy,
ka ho tsara tarehy toy ny hazo ôliva
ary hamerovero toy ny alan'i Libàno.
8Ho avy indray i Israely,
ka hitoetra eo ambany fiarovako.
Hamboly vary indray izy,
ka hiroborobo tahaka ny voaloboka
sy halaza tahaka ny divay avy any Libàno.
9Hataon'i Efraîma inona intsony izay sampy?
Izaho TOMPO no mamaly vavaka azy
sady mitandrina azy.
Izaho no toy ny kipreso,
hazo maitso mandavan-taona14.9 Kipreso hazo maitso mandavan-taona: hany teny ao amin'ny T.T. izay ampitahana an'Andriamanitra amina hazo masina fanompon'ny fivavahana kanahanita, satria mariky ny fahavokarana..
Izaho no hahazoany vokatra.
10Iza no hendry hahafantatra
izany tenin'i Hôsea izany14.10 izany tenin'i Hôsea izany na izany zavatra izany. Io andininy miendrika fehinteny io dia ao anatin'ny antsoina hoe lahatsoratr'olon-kendry. Misy fomba fanoratra mitovitovy amin'izany ao amin'ny faran'ny Sal 107.43 sy ao amin'i Jer 9.11; Koh 8.1.,
na lalin-tsaina hahalala ny heviny?
Fa mahitsy ny sori-dalan'ny TOMPO;
ka hizoran'ny olo-marina izany,
saingy hahasolafaka ny mpikomy.

Tsy mahafoy antsika ny Tompo:

1- Mitaona antsika mba hiverina Aminy (and.2-4)
Tsy haFa noho ireo zanak'i Israely fahizany isika ankehitriny: "...fa lavon-keloka ianao". Ny fototry ny olana sy ny fahavoazana mahazo antsika dia tsv misy afa- tsy izao ihany: Ny fíhodinana amin' ny Tompo hanompo andriamani-kafa, mba hisolo ny toeran'Andriamanitra ao am-po. Tia antsika anefa ny Izy ka mitaona antsika indray mba hiverina Aminy. Ny hoe: "miverina Aminv'" dia midika ho fialàna amin'ny ratsv fanao sadv manaiky Azv amin'ny fo sy ny saina manontolo ho hany Andriamanitra tokana. Miantefa amintsika ny antso ankehitriny: "Miverena amin'i Jehovah, ka manaova aminy hoe: Mamelà ny heloka rehetra... " (and.3)

2- Mampanantena fanasitranana (and.5-9)
Teny fampanantenana no omeny antsika izay tapa-kevitra fa hiverina Aminy: "Hositraniko ny fiodinany ho tia azy tsy vozonana Aho; Fa efa niala taminy ny fahatezerako " (and.5). Mitondra fanavotana tanteraka ho an'ny olona sy ny firenena ny famelan-keloka omen'ny Tompo. Manome tokv Izy fa ho "tahaka ny ando ho an 'ny Israely" ka hitahy azy sy hampamokatra azy (and.6). Sarin'ny saha mahavokatra ahitana hazo voatondraka tsara sy tany mamokatra be no anehoana ny fahasitranana ampanantenaina izay miverina Aminy. Ny fiverenan'ny olony amin'Andriamanitra no miantoka ny fahasitranana sy mitondra fiadanana

Fanontaniana:
Inona no voka-dratsin 'ny fahotana eo amin 'ny fiainam- bahoaka?

Alarobia 20 Desambra 2017 - Efe 3 : 14 - 21

14Noho izany no andohalehako eo anatrehan'Andriamanitra Ray, 15Izay antom-pisian'ny fianakaviana rehetra any an-danitra sy etỳ an-tany. 16Mangataka amin'Andriamanitra aho mba homeny anareo, araka ny haren'ny voninahiny, ny hohatanjahina fatratra ao anatinareo amin'ny herin'ny Fanahiny, 17ka hitoeran'i Kristy ao am-ponareo amin'ny finoana; dia hamahatra tsara sy ho mafy orina amin'ny fitiavana ianareo. 18Mangataka amin'Andriamanitra aho ny hahaizanareo mbamin'ny vahoakan'Andriamanitra rehetra mahafantatra tsara ny fitiavan'i Kristy, dia izay sakany sy lavany ary haavony sy halaliny. 19Enga anie ho fantatrareo tokoa ny fitiavan'i Kristy – na dia tsy mety ho fantatra tanteraka na oviana na oviana aza izany –, mba hamenoana anareo ka hidiranareo ao amin'ny hafenoana rehetra ananan'Andriamanitra.

20Ary ho an'Andriamanitra Izay mahay manao mihoatra noho ny zavatra rehetra, eny, mihoatra lavitra noho izay angatahintsika na heverintsika aza, araka ny heriny miasa ato amintsika, 21ho Azy anie ny voninahitra ao amin'ny Fiangonana sy ao amin'i Kristy Jesoa, manerana ny taranaka rehetra mifandimby sy mandrakizay mandrakizay! Amen.

Mijoroa ho vavolombelon'ny fítiavan'ny Tompo.

1- Amin'nv fivavahana (and.l4-19)
"Ary noho izany no andohalehako amin'ny Ray". Ny fiainam-bavaka no hery lehibe ho enti-mandresy ny sakantsakana tsy ahafahana mijoro ho vavolombelona . Mariho tsara fa i Paoly, izay heverina fa tokony hangata-bavaka sy fampaherezana avy amin'ny hafa indray noho izy migadra, no mivavaka sy mandohalika ho an'ny mpino: "Mba hananany toe-panahy matanjaka (and.16); mba ahalala sy hitoeran' i Kristy ao am-pony ka hiorina amin 'ny fìtiavany (and.19). Toe-panahy toy izany no ilaina amin'izao vanim-potoana sarotra diavintsika izao. Ny tena mpino sy mpanara-dia an'i Jesoa mijoro ho vavolombelona mandrakariva amin'ny fivavahana, arv koa ahatsiaro hivavaka ho an'ny hafa.

2- Amin'ny fanomezam-boninahitra ny Tompo (and.20-21)
Resy lahatra i Paoly fa mahay ny zavatra rehetra Andriamanitra. mahay manao mihoatra noho izay rehetra angatahintsika na heverintsika aza; izany faharesen- dahatra izany no mitarika azy hanome voninahitra an'Andriamanitra ka hampaherezany ny mpamaky ny epistilinv. Aoka isika fiangonana hiaiky sy hankalaza ny voninahitr'Andriamanitra.

Fanontaniana:
Inona no hevitry ny teny hoe: "Velona ho an 'ny hafa"? 

Talata 19 Desambra 2017 - Isa 63 : 7 - 19

7Hampahatsiaroviko ireo mari-pitiavan'ny TOMPO
sy ireo antony tokony hiderantsika AZY,
araka izay rehetra nataony tamintsika
mbamin'ny soa be nafafiny ho an'ny taranak'Israely.
Famindrampo sy fitiavana tsy hita lany
no nanaovany an'izany ho azy.

8Hoy ny TOMPO ny amin'ny Israelita hoe:
«Tena vahoakako tokoa ianareo,
zanaka tsy handiso fanantenana Ahy.»
Ka dia tonga Mpamonjy azy ireo ny Tompo
9tamin'ny fahoriana rehetra nanjo azy.
Tsy solotena na anjely no namonjy azy
fa ny tenan'ny Tompo mihitsy.
Ny fitiavany sy indrafony no nanavotany azy,
ka nivimbinany azy sy nitondrany azy
nandritra ny androny rehetra fahiny.
10Saingy nikomy tamin'ny Tompo ireo
ka nanome alahelo ny Fanahiny Masina;
dia tonga fahavalon'ireo Izy
sady niady taminy mihitsy.

11Tamin'izay ny vahoakan'Andriamanitra
dia nahatsiaro ny tantarany fahiny,
dia izay tamin'ny andron'i Mosesy63.11 dia izay...Mosesy: jereo Eks 14.15-23.:
«Nankaiza Ilay nampakatra avy ao amin'ny ony,
Ilay ho mpiandry ny andianondriny?
Nankaiza Ilay nametraka
ny Fanahiny Masina tao aminy?
12Izy no nampandroso ny sandriny mamirapiratra
teo ankavanan'i Mosesy,
ka nampisaraka ny ranomasina
teo anoloan'ny vahoakany
mba hananany laza mandrakizay.
13Izy no nampandeha azy ireo
teo amin'ny fanambanin'ny ranomasina;
toy ny soavaly mikarenjy any an-taniefitra ireo
ka tsy mba solafa-mamindra.
14Toy ny biby fiompy midina an-dohasaha
no nitondran'ny Fanahin'ny TOMPO azy
ho amin'ny toerana fialan-tsasatra.»
Tompo ô, tahaka izany tokoa
no nitarihanao ny vahoakanao
mba hanananao laza mamirapiratra.

15Mba mitsinjova avy eny an-danitra, Tompo ô;
avy eo amin'ny fonenanao masina sy mamirapiratra
mba jereo izay manjo anay.
Nankaiza izao ny fitiavanao miredareda
sy ny fahasahianao hiady ary ny fahaizanao mangoraka?
Enga anie ny famindramponao,
tsy ho sakantsakananao hihatra aminay!
16Satria Ianao mihitsy no Rainay,
fa i Abrahama tsy mahalala anay,
ary i Jakôba tsy mahafantatra anay;
eny, TOMPO ô, Ianao no Rainay,
Ianao ilay nantsoina hatrizay hatrizay
amin'ny anaranao hoe «Mpanavotra anay.»
17TOMPO ô, nahoana re izahay
no avelanao haniasia lavitra ny lalanao,
sy hampikiry ny fonay tsy hanaja Anao?
Miverena noho ny fitiavanao ny mpanomponao,
dia izahay foko anjara fanananao.
18Vahoaka natokana ho Anao izahay,
saingy fotoana fohy no nanananay ny tany lovanay;
fa nohitsakitsahin'ny fahavalonay ny Toeramasinao.
19Efa ela izahay no vahoaka tsy nofehezinao
sady tsy niantsoana ny anaranao intsony!
Enga anie hotriarinao ny lanitra mba hidinanao,
ka hihorohoro eo anatrehanao ny tendrombohitra!

Izay tokony hataon'ny olona efa novonjena:

Nanaiky ho faty teo amin'ny hazo fijaliana Kristy mba hamonjena antsika ka hanantsika anjara amin'ny fiainana mandrakizay. Inona kosa àry no tokony hataontsika. raha izany ny fitiavany antsika?

1-Manambara ny famindramponv (and.7)
Andeha isika hanao tahaka nv mpaminany ka hanambara hoe: "Ny famindram-pon' i Jehovah no hambarako, dia ny fiderana an'i Jehovah araka izay rehetra nataony tamintsika". Mamindra fo sy miantra ny Tompo, mahari- po sadv be famindram-po Izy ka tsv mitahiry fahatezerana mandrakizay. Tsy manao antsika araka ny fahotantsika Izy, ary tsy mamaly antsika araka ny helotsika. Sambatra izay rehetra manantena Azy, fa hamindra fo aminy Izy.

2- Manambara ny famonjeny (and.8)
"Fa hoy Izy: Oloko tokoa ireo, dia zanaka tsv mba handainga; ka dia tonga Mpamonjy azy Izy." Tamin'ny fahoriany rehetra dia niory koa Izy, ary Ilay Anjelin'ny tavany no namonjy ireo.Ny fitiavany sy ny famindram- pony no nanavotany azy sy nivimbinany azy ary nitondrany azy tamin'ny andro taloha ela rehetra.(and.9). Izany no fitiavan'Andriamanitra antsika .Mpamonjy mora azo amin'ny fahoriana Izy. Tokony hotsarovana koa anefa fa mpitsara ny ratsy fanahy sy ny mafy hatoka Izy. Koa aoka isika hibebaka, satria izay mibebaka marina tokoa no handray izany famindrampo sy famonjeny izany.

Fanontaniana:
Efa nandray an'i Jesoa ho Tompo sy Mpamonjy anao tokoa ve ianao?

Alatsinainy 18 Desambra 2017 - Jao 15 : 9 - 16

 9Tahaka ny nitiavan'ny Ray Ahy no nitiavako anareo koa; mitoera ao amin'izany fitiavako anareo izany. 10Raha mitandrina ireo didiko ianareo, dia hitoetra ao amin'izany fitiavako anareo izany, tahaka ny nitandremako ireo didin'ny Raiko sy itoerako ao amin'ny fitiavana Ahy.
11Izany no voalazako taminareo, dia mba ho ao aminareo ny hafaliako ary mba ho feno ny hafalianareo15.11 Ampit Is 9.2; 35.10.. 12Izao no didiko: mifankatiava ianareo tahaka ny nitiavako anareo. 13Tsy misy manam-pitiavana lehibe kokoa noho ny mahafoy ny ainy hamonjy ny sakaizany. 14Ianareo no sakaizako, raha manatanteraka izay andidiako anareo: 15tsy hataoko hoe mpanompo intsony ianareo, satria ny mpanompo tsy mahalala izay ataon'ny tompony; fa efa ataoko hoe sakaiza ianareo, satria izay rehetra reko tamin'ny Raiko no nampahafantariko anareo. 16Tsy ianareo no nifidy Ahy, fa Izaho no nifidy anareo sady nanendry anareo mba handehananareo sy hahavokaranareo ary haharetan'ny vokatrareo; hany ka na inona na inona angatahinareo amin'ny Ray noho ny anarako, dia homeny anareo.

Tia antsika Jesoa.

1- Tahaka ny nitiavan'nv Rav Azv (and.9)
Isika olombelona dia mahalala tsara izany atao hoe fitiavan-janaka izany. Foin'ny ray aman-dreny ho an'ny zanany avokoa izay rehetra ilainy ka mahasoa azy, arv na dia maditra aza izy ireny dia hoy ny fiteny: " Ny zanaka no mahafoy ray aman-dreny, fa ny ray aman-dreny tsy mahafoy zanaka..." Tsy takatry ny saintsika.fa ambony lavitra noho izany ny fitiavan'Andriamanitra .Tsy misy fítiavana ambony sv maherv tahaka ny fitiavan' Andriamanitra ny Zanany Lahitokana. Toy izany fítiavana izany no itiavan'i Jesoa antsika .Tia antsika Jesoa na dia tsy maha te ho tia aza isika noho ny fahotana vitantsika, nahafov ny ainy ho antsika Izy hahatonga antsika ho tena zanak'Andriamaintra tokoa ka ho mpiara- mandova Aminy ao amin'ny fanjakan'ny lanitra.

2- Nandray antsika ho sakaiza Izv (and.14,15)
"Tsy hataoko hoe mpanompo intsony ianareo, fa ny mpanompo tsy mahalala izay ataon'nv tompony; fa efa nataoko hoe sakaiza ianareo, satria izay rehetra reko tamin'ny Raiko no nambarako taminareo."(and.l5). Efa nambaran'ny Tompo antsika avokoa ny ao am-pony , izany no fitiavana tonga lafatra izay anjaran'ny sakaizan'i Jesoa. Raha mifankatia isika, dia tonga mpianatry ny Tompo tokoa arv tena sakaizan'i Jesoa. Izy, izay nifidy antsika kosa dia hanome antsika izay rehetra angatahintsika amin'ny Ray, na inona na inona izany.

Fanontaniana:
Manjaka ao amin 'ny fìainan 'ny samy kristiana tokoa ve ny fifankatiavana?

Alahady 17 Desambra 2017 - Hos 11 : 1 - 4

1«Fony mbola tanora i Israely,
dia notiaviko, hoy Izaho Tompo;
ary zanako izy ka nantsoiko hiala tany Ejipta11.1 Jereo Eks 4.22; Mt 2.15..»
2Nefa arakaraka ny niantsoako azy
no vao mainka nanalavirany Ahy11.2 arakaraka... nanalavirany Ahy: araka ny dkt grika tranainy; hebreo: nanalavitra ireo izay niantso azy izy..
Nanatitra sorona ho an'i Bahala izy
ary nandoro vovo-javamanitra ho an'ny sampy.
3Izaho no nampiana-mandeha an'i Efraîma
sady nitondra azy an-trotroana.
Kanefa tsy fantany
fa Izaho no nikarakara azy.
4Notahitahîko ny fitarihana azy
tamin'ny mahazakam-pitiavana;
ary ho azy Aho dia toy ny reny
izay manainga ny zanany
hatehika amin'ny takolaka
sady niondrika namahana azy.

Miahy antsika ny Tonipo! 

1 - Rav be fitiavana Izv (and.1-3)

Oharina amin'ny fitiavan'ny ray ny zanany ny fitiavan' Andriamanitra ny zanak'i Israely. Izy Tompo mihitsy no milaza hoe: "Feny mbola zaza Israely dia tiako izy, ary nantsoiko hiala tany Egypta ny zanako (and.1). Izy Tompo no mitantana sy mampiana-mandeha ary mitrotro ny zanany. Etsy ankilany Israely kosa dia tsy mahatsapa izany ka minia manalavitra Azy sy mihodina Aminy arv manompo andriamani-kafa. Tsv hafa amin'izany isika: Andriamaniíra dia nampiseho ny fitiavany antsika ka nanafaka antsika tamin'ny fanandevozan'ny fahotana ary nanangana antsika ho zanaka tamin'ny alalan'I Jesoa Kristy. Matetika anefa isika no tsy mba mahatsapa izany akory ary minia mandositra ny tavany.

2- Tompo tsara fanahv Izv (and.4)

"Tamin'ny kofehy fitarihana olona no nitarihako azy. dìa tamin'ny mahazakan'nv fitiavana ". Eto dia hita miharihary ny fitiavana sy ny hatsaram-panahin'ny Tompo, ka na dia mihodina aza ny zananv, Izy kosa mitarika azv sy mamerina azy am-pitiavana ka manolo kanina ho azy. Tsara Fanahy ny Tompo ka mitaona antsika am-pitiavana indray anio mba hiverina Aminy, sady manainga antsika mba handray ny Teniny.

Fanontaniana:

Inona no antony mahatonga ny olona hanompo andriamani-kafa?

Sabotsy 16 Desambra 2017 - Jao 13 : 1 - 15

1Andro mialoha ny fankalazana ny Paska tamin'izay. Fantatr'i Jesoa fa tonga ny fotoanandro hialany amin'izao tontolo izao ho any amin'ny Ray. Efa notiavin'i Jesoa ireo Azy teo amin'izao tontolo izao ary dia notiaviny hatramin'ny farany.

2Teo am-pisakafoana hariva tamin'izay i Jesoa mbamin'ny mpianany; ary efa nomen'ny devoly hevitra i Jodasy, zanakalahin'i Simôna Iskariôta, mba hanolotra an'i Jesoa. 3Fantatr'i Jesoa rahateo fa efa napetraky ny Ray eo an-tanany avokoa ny zavatra rehetra, sady fantany fa Andriamanitra no niaviany ary Andriamanitra no hiverenany. 4Koa nitsangana niala teo am-pihinanana Izy, dia nametraka ny lambany, ary naka lamba famaohana ka nisikinany. 5Avy eo Izy dia nampidina rano tamina koveta, ary nanomboka nanasa ny tongotr'ireo mpianany sy namaoka izany tamin'ny lamba nisikinany. 6Dia tonga teo amin'i Simôna Petera Izy; fa hoy i Petera taminy:

–Ianao ve, ry Tompo, hanasa ny tongotro?

7Dia novalian'i Jesoa hoe:
–Izay ataoko dia tsy azonao ankehitriny, fa ho azonao any aoriana.

8Fa hoy i Petera taminy:
–Sanatria, tsy hanasa ny tongotro na oviana na oviana Ianao!

I Jesoa kosa namaly azy hoe:
–Raha tsy hosasako ianao, dia tsy hanana anjara amiko.

9Dia hoy i Simôna Petera taminy:
–Raha izany, ry Tompo, dia tsy ny tongotro fotsiny fa ny tanako sy ny lohako ihany koa.

10Fa novalian'i Jesoa hoe:
–Izay efa nandro tsy mila hosasana afa-tsy ny tongony ihany, fa efa madio ny tenany manontolo. Ianareo koa dia madio, nefa tsy ianareo rehetra13.10 Afa-tsy ny tongony ihany: misy stf sasany tsy ahitana ireo teny ireo. –madio: ny voambolana grika ampiasaina eto dia midika hoe madio ara-batana sy ara-panahy, ary mifono izay hevitra roa sosona izany izy etoana..

11(Fantatr'i Jesoa manko ilay efa hanolotra Azy; ka izany no nilazany hoe: «Tsy ianareo rehetra no madio.»)

12Rehefa voasasan'i Jesoa ny tongotr'ireo mpianany, dia nandray ny lambany Izy ary nipetraka indray; ka hoy Izy tamin'ny mpianany:
–Azonareo ve izay nataoko taminareo? 13Ianareo manao Ahy hoe Mpampianatra sy Tompo, ary marina ny filàzanareo fa izany tokoa Aho.

Manome fianarana ho antsika nyTompo

Nasehon'i Jesoa tamin'ny asa ampanetre-tena ny fìtiavana fa tsy tamin'ny alalan'ny teny am-bava fotsiny ihanv. Manome fianarana ho antsika Izy amin'izao fanasany ny tongotry ny mpianany izao:

1 - Fianarana hanetry tena
Matetika dia sarotra amin'ny olona sasanv jzav manana toerana na saranga ambony eo amin'ny fiarahamonina izany hoe hanetry tena izany. Ny fomba fiheverana toy izany no nahatonga an'i Petera ho gaga, ka nandavany tsy hosasana tongotra tany am-boalohany (and.6). Nv mpianatra tokoa aza no tokony hanao izany amin'ny mpampianatra. raha ilaina izany. Asa fanaon'ny andevo no nataon'i Jesoa ho fanehoany fa ny fitiavana dia mitaky fanetren-tena.

2- Fianarana hifanompo
Eken'i Jesoa fa Tompo sv Mpampianatra Izy, araka izay iantsoan'ny mpianatra Azy rahateo. Kanefa dia Izy mihitsy no maka ny toeran'ny mpanompo ka nanasa ny tongotry ny mpianany. Asehon'izany fa na izay lehibe sy ambony aza afaka manompo koa ho fanehoam-pitiavana. Ary koa tokony hifanompo ny mpianatra, fa amin'izany no ahatanterahana ny fifankatiavana marina. Ny hoe mifanompo dia fanekena fa ny mpianatra rehetra dia samy sady tompo no tompoina. Avy amin'izany no hampiharihary fiombonana eo amin'ny samy mpianatry ny Tompo.

Fanontaniana:
Hita taratra ao amin'ny Fiangonana ve ny fifanompoan'ny samy kristiana?

Zoma 15 Desambra 2017 - Isa 60 : 10 - 17

10Ny hafa firenena no hanamboatra indray ny mandanao,
ary ny mpanjakany hanompo anao, hoy ny Tompo.
Nikapoka anao Aho fony mbola tezitra
fa mahafaly Ahy kosa ankehitriny
ny haneho famindrampo aminao.
11Hivoha hatrany ny vavahadinao
ka tsy hakatona na andro na alina
mba hampidirana hankao aminao
ny fananan'ny firenen-kafa60.11 And voatsiahy ao amin'ny Apôk 21.25-26.
sy ireo mpanjakany efa voababo.
12Ho levona ny firenena sy fanjakana
izay tsy mety hanompo anao;
ho ringana tokoa ireny firenena ireny.
13Ny voninahitry ny hazo rehetra any Libano,
dia ny kipreso sy ny sapay ary ny bokso,
no indray ho tonga ao aminao
mba handravahana ny Toeramasiko.
Izany no hanomezako voninahitra
ny trano misy ny fitoeran-tongotro.
14Hanatona hiondrika eo anatrehanao
ireo olona nampahory anao,
ary handohalika eo am-paladianao
ireo rehetra naneso anao60.14 Ity andalana afovoany ity dia ampit Apôk 3.9.
ka hiantso anao hoe: «Tanànan'ny TOMPO»
«I Tsiôna-n'ilay Masin'i Israely.»

15Nafoy ianao teo ka tsy nisy tia anao
na mba nandalo nijery anao akory,
fa izao dia hataoko foto-pireharehana ianao
ho an'ny taonjato mifanesisesy
ary hataoko foto-pifaliana
ho an'ny taranaka mifandimby.
16Ny firenen-kafa sy ny mpanjakany
no hamahana sy hamelona anao;
ka ho fantatrao fa Izaho TOMPO no mpamonjy anao,
Izaho ilay Maherin'i Jakôba no Mpanavotra anao.

17Volamena no hoentiko ao aminao,
volamena ho solon'ny halimo,
ary volafotsy ho solon'ny vy;
halimo no hoentiko ho solon'ny hazo,
ary vy ho solon'ny vato.
Satria ny fahefana amam-pitondrana haoriko ao aminao
dia ny fiadanana sy ny fahamarinana no hiompanany.

Ny vokatry ny famindram-po sy ny fitiavan' Andriamanitra.

Maro ireo endrika manaporofo ny fítiavana sy ny famindrampon'ny Tompo. Araka ny Isa 60, 10-17 dia ireo no no santionany amin'izany.

1- Hampidirina ho ao aminao nv haren'ny firenena sv ny mpanjakanv izav voababo: Isa 60,11.
Efa voasoratra fa : "An 'Jehovah ny tany sy izay rehetra ao aminy". Efa nampanatena fandresena ny mpamonjy: Hoy Izy hoe: "Matokia, izao efa naharesv izao tontolo izao", tsy vitan'izany ihany fa manoatra noho ny mpandresy isika (Rem 8,37). Afaka misitrika ireo fitahiana sy fahasoavana omen'ny Tompo ireo isika .Ny fepetra omeny dia mazava: katsaho aloha ny fanjakany sy ny fahamarinany.

2- Nv fiadanana no hataoko fanapahana anao, Ary fahamarinana no ho mpampiasa anao. (Isa 60,17)
Ny teny hoe fiadanana dia iray tarika amin'ny hoe fandriampahalemana.Ny olona miaina amin'ny fiadanana dia lavitrv nv fanahiana. Milamina ny fifandraisany amin'ny manodidina. Vita fihavanana amin'ny Tompo izy. Ny andininy faha 14 aza dia manehofa "handeha hiondrika eo anatrehanao izay nampahory sy nanamavo anao ": Fandresena miezinezina izany.

Fanoianiala:
Vakio ny Isa 60.10 ka tsohay avy amin'izany ny fanalahidin 'ny fandresena hoan 'ny mpino.

Alakamisy 14 Desambra 2017 - Tit 3 : 3 - 7

3Fa isika koa taloha mba adala, tsy nanaiky, naniasia; efa nandevozin'ny filàna sy fahafinaretana isan-karazany isika, lany andro tamin'ny haratsiam-panahy sy ny fialonana, sady ankahalain'olona no mankahala olona. 4Fa nony efa naneho ny hamoram-pony sy ny fitiavany olona ilay Andriamanitra Mpamonjy antsika, 5dia novonjeny isika, tsy noho ny asa marina vitantsika, fa noho ny famindrampony tamintsika. Ny namonjeny antsika dia tamin'ny alalan'ny rano fampandroana izay nanomezan'ny Fanahy Masina antsika fahateraham-baovao sy fiainam-baovao3.5 Ampit Ef 5.26 sy nta.. 6Fa nandrotsahan'Andriamanitra be dia be ny Fanahy Masina isika tamin'ny alalan'i Kristy Jesoa Mpamonjy antsika, 7hahatonga antsika ho marina eo anatrehan'Andriamanitra noho ny fahasoavan'i Kristy sy hahatonga antsika hanana anjara amin'ny fiaina-maharitra mandrakizay efa antenaintsika.

Ny mampiavaka ny olona ateraka indray

Fantantsika fa ny olona ateraka indray dia tonga olom- baovao, miaina ny fiainambaovao. Afaka mijoro ho vavolombelona satria: "Efa lasa ny zavatra taloha". Olona nandray fanampahankevitra hampandroso an'i Jesoa ka mapiditra azy ho am-pony (Apok 3, 20).

1- Misitraka ny famindrampon'ny Tompo tamin'ny fanasan'ny fiterahana indray sy ny fanavaozanan'ny Fanahy Masina (Tit 3, 5). Mazava eto fa tsy any amin'ny asa na ezaka ataontsika izany fa noho ny famindrampon' Andriamanitra.

2- Ny olon'izao tontolo izao kosa, izay mbola mandeha ao amin'ny aizina dia mbola andevon'ny fìlàna sy ny fahafinaretana maro. Velona amin'ny lolom-po sy ny fialonana. Miaina amin'ny fankahalana, mora voafitaky ny devoly ary diso lalana matetika. Tsy manana fanantenana ary mizotra amin'ny fahaverezana. Tsy mety mandray ny fanavaozana avv amin'nv Tompo Jesoa Kristy. Lavìtry ny fiovam-po. Mila mandini-tena ny olona toy izany, mila miaiky ny fahalemeny sy ny fahotany; mibebaka sy manolo-tena ho an'Andrimanitra; manaiky ny famonjena vitan'i Jesoa Kristy teo amin'nv hazo fijaliana; mandrav fanapahan-kevitra hizotra amin'ny fiainam-baovao.

Fanotanìana:
Inona avy ireo mapiavaka ny olona ateraka indray?

Alarobia 13 Desambra 2017 - Oha 3 : 1 - 12

1Anaka, aza manadino ny fampianarako;
ary aoka ho voatandron'ny fonao ny didiko.
2Fa andro lava sy taona maro iainana
ka hiadam-pinaritra hatrany
no ho vokatr'ireny ho an'ny tenanao:
3Aoka tsy hialanao mihitsy ny fitiavana sy ny toetra mahatoky;
kajio toa firavaka fiambozonanao izany,
ary soraty ao am-ponao toy ny amin'ny vatofisaka.
4Fa hahita sitraka sy fahombiazana ianao
eo imason'Andriamanitra sy ny olona.

5Matokia ny TOMPO amin'ny fonao manontolo,
fa aza miantehitra amin'ny fahakingan-tsainao.
6Mieke Azy amin'izay rehetra alehanao,
dia hatorony anao ny soritra harahinao.
7Aza manao ny tenanao ho hendry,
fa hajao ny TOMPO ka ialao ny ratsy3.7 Jereo Rm 12.16..
8Hanasitranana ny tenanao izany
ary hamelombelomana ny taolanao.
9Anomezo voninahitra ny TOMPO ireo fanananao
sy izay voaloham-bokatrao rehetra.
10Dia ho feno vary mitafotafo ny sompitrao;
ary hihoatra ny barika fanantazanao azy ny divay.

11Anaka, aza hamavoinao ny famaizan'ny TOMPO
ary aza tofoka amin'ny fananarany.
12Fa izay tian'ny TOMPO no anariny
toy ny ataon-dray amin'ny zanany malala3.12 Jereo Jôb 5.17; 1Kôr 11.32; Heb 12.5-6..

Ireo fitahiana, fahasoavana, fitiavana omen'ny Tompo antsika

1- Tombon'andro:
"Fa andro maro sy taona ela iainana ary fìadanana no hanampiny ho anao ".
Izany teny fikasana izany dia tanterahin'ny Tompo amin'izao fisitrahatsika ny andro anio izao.

2- Famindrampo:
"Aoka tsy handao anao ny famindrampo sy ny fahamarinana" (Oha 3, 3).
Izany famindrampon'ny Tompo izany no tsy mahalany ritra antsika.

3- Fitiavana, fahaialanatsara:
"Ka dia hahazo fitia sv fahalalana tsara eo anatrehan 'nv Tompo sy ny olona ianao" (Oha 4, 4). Mifampiankina amin'ny fisitrahana ny famindrampon'ny Tompo ny fahazoana fitia eo anatrehany sy anatrehan' ny olona.

4- Filaminana:
"Fa Izy handamina ny lalanao "(Oha 3, 6b)
Mirindra daholo izay atao rehetra, rehefa nv Tompo no
mandamina azy.

5- Fitahiana:
"Ka dia ho feno mitafotafo nyfitoeram-barinao "fOha 3, 10).
Sitraky ny Tompo no hanatanterahany ireo tsodrano voalaza ao amin'ny Deo 28, 8 ho antsika.

Fanontaniana:
Jereo ny Ohab 3, 1-12 ka fantaro ireo fikasan' Andriamanitra efa tanteraka aminao antrehitriny.

Talata 12 Desambra 2017 - Eks 33 : 12 - 23

12«Enina andro no hanaovanareo ny raharahanareo fa amin'ny andro fahafito dia hitsahatra ianareo mba hahazoan'ny ombinareo sy ny borikinareo miala sasatra, ary mba hahazoan'ny mpanomponareo sy ny vahiny maka aina23.12 Jereo 16.23-30; 20.8-11; 31.12-17; 34.21; 35.2; Lev 23.3; Deot 5.13-14..
13«Tandremo tsara izay rehetra nandidiako anareo; ary aoka ny anaran'andriamani-kafa tsy hantsoina mihitsy, na ho re tononina akory eo aminareo.

14«Fety telo no hankalazainareo isan-taona ho fanomezam-boninahitra Ahy. 15Ny fety voalohany hankalazainareo dia ny fetin'ny mofo tsy misy leviora: mandritra ny fito andro voatondro amin'ny volana Abiba23.15 Momba ny fetin'ny mofo tsy misy leviora sy ireo fety roa hafa eo amin'ny and 16 ary koa ny volana Abiba, dia jereo ny FTS amin'ny voambolana hoe FANISANANDRO. no hihinananareo ny mofo tsy misy leviora araka izay efa nandidiako anareo. Tamin'io volana io manko no nialanareo tany Ejipta; koa aza miseho eo amin'ny alitarako mitondra tanam-polo. 16Hankalazainareo manaraka izany ny fetin'ny fijinjana amin'ny fotoana ijinjanareo ny voaloham-bokatr'izay nafafinareo tany an-tsaha. Ary amin'ny faran'ny taona kosa no hankalazainareo ny fetim-bokatra, rehefa vitanareo avokoa ny famoriana ny vokatry ny fambolenareo any an-tsaha23.16 Araka ny fanisanandro tranainy israelita, ny taona dia mifarana amin'ny fararano, izany hoe tapaky ny Septambra. –And 15-16: jereo 12.14-20; 34.18; Lev 23.76-8, 15-21, 39-43; Rom 28.17-32; 29.12; Deot 16.1-17.. 17Koa intelo isan-taona izany ny lehilahy rehetra aminareo no ho tonga hiseho eo anatrehako TOMPO Andriamanitrareo.
18«Aza manao sorom-biby ho Ahy miaraka amin'ny mofo misy leviora; ary aza tahirizina ho tra-maraina ny jaboran'ireo sorona fanomezam-boninahitra Ahy23.18 ny jaboran'ireo sorona dia tsy maintsy dorana androtr'iny ihany.. 19Haterinareo ao an-tranoko ny santatry ny vokatry ny taninareo satria Izaho no Tompo Andriamanitrareo. Nefa aza mahandro zanak'osy amin'ny rononon-dreniny23.19 ny santatry ny vokatra: jereo Deot 26.2. –mahandro zanak'osy...: jereo 34.26; Deot 14.21. Io dia fomba fanao tao amin'ny fivavahana kanahanita..

20«Haniraka anjely iray hialoha anareo Aho, mba hiaro anareo eny an-dàlana; izy no hitarika anareo ho ao amin'ny tany izay efa nomaniko ho anareo. 21Mitandrema tsara eo anatrehany ka henoy izay lazainy, ary aza manohitra azy; fa tsy mahazaka fikomiana izy, satria mitondra ny anarako. 22Raha mankatò azy hatrany ianareo, ka manatanteraka an-tsipiriany izay rehetra nandidiako anareo, dia Izaho Tompo no ho fahavalon'izay fahavalonareo, ary handrafy izay mandrafy anareo.
23«Rehefa mandeha eo alohanareo ny anjeliko, ka mitarika anareo ho any amin'ny Amôrita sy ny Hitita, ny Perizita sy ny Kanahanita, ary ny Hivita sy ny Jebosita, dia hofongorako ireo firenena ireo.

Tahaka ny fihaonan'ny mpisakaiza no nihaonan' Andriamanitra sy i Mosesy tao amin'ny tranolay fihaonana, ka nanomanan'Andriamanitra ny Zanak'Israely hiakatra ho any amin'ny tany Kanàna. Nambaran' Andriamanitra tamin'izany ny toky omeny ny vahoakany:

1- Homba azv tokoa ny Tompo (and. 12-17)
"Ny Tavako no handeha" (and 14), hoy ny Tompo. Manambara izany fa nv maha Izv Azy ny Tompo mihitsv no homba sy hitondra ny vahoaka hiakatra ho any Kanàna. Andriamanitra manatrika ny vahoakany mantsy Izy. Hisongadina amin'izanv ny fifandraisana lalim-paka sy ny fifamatorana lalina eo amin'izy ireo satria nahita fitia teo imasony izy ireo rehefa avy niaiky ny helony (and. 1-6). Vonona hatrany i Jesoa Kristy hifandray amintsika raha miaiky ny fahotantsika isika.

2- Handrav nv fahatsarana rehetra (and. 18-23)
"Izaho hampandalo ny fahatsarako rehetra eo anatrehanao" (and.I9a). Mitady hahita an'Andriamanitra i Mosesy, nefa nambara fa tsy afaka mahita izany mihitsy izy raha tsy amin'ny alalan'ny asan'ny Tompo na ny voninahiny ihany. Io asa na voninahitr'Andriamanitra io no hanolorany ny fahatsarany rehetra hanonona ny Anarany, hiantra, hamindra fo ...(and. 19). Tombontsoa manokana no atolotr'Andriamanitra izay manaiky Azy. Marina hatrany izany rehefa miverina mandinika ny fahafoizany hatramin'ny ny Zanany lahitokana sy ny zavatra rehetra ho antsika isika (Jereo Mofonaina omaly).

Fanontaniana:
Ankehitriny, inona no efa hitanao endrika nisehoan'ny Tavan 'Andriamanitra taminao?

Alatsinainy 11 Desambra 2017 - Rom 8 : 31 - 39

31Koa inona àry no mbola holazaintsika eo anoloan'izany? Raha Andriamanitra no momba antsika, iza no hahatohitra antsika? 32Izy Ilay tsy nandala ny tena Zanany, ka nanolotra Azy ho famonjena antsika rehetra, moa ve Izy tsy hanome antsika maimaimpoana ny zavatra rehetra miaraka amin'ny Zanany koa? 33Iza no hiampanga ireo olom-boafidin'Andriamanitra? Tsy misy, satria Andriamanitra no efa nanaiky azy ireo ho marina! 34Iza no afa-manameloka? Tsy misy, satria i Kristy Jesoa efa maty sady efa nitsangana velona rahateo koa, ary mitoetra eo ankavanan'Andriamanitra ka mivavaka ho antsika!

35Iza no hahasaraka antsika amin'ny fitiavan'i Kristy? Fahoriana ve, sa fihafiana, sa fanenjehana, sa mosary, sa fahantrana, sa loza, sa fahafatesana? 36Araka ny voalazan'ny Soratra Masina hoe:

«Noho ny aminao no anatrehanay fahafatesana
tontolo andro;
toy ny ondry hovonoina ny fihevitry ny olona anay8.36 Sal 44.23.!»

37Amin'izany rehetra izany anefa, dia tena mpandresy tanteraka isika, amin'ny alalan'Ilay efa tia antsika. 38Satria matoky aho fa tsy hisy hahasaraka antsika amin'ny fitiavana asehon'Andriamanitra antsika; eny, na ny fahafatesana, na fiainana, na anjely, na ireo fanapahana na ireo hery eny ana habakabaka, na zavatra ankehitriny na zavatra ho avy, 39na zavaboaary inona, dia tsy hisy hahasaraka antsika amin'ny fitiavana asehon'Andriamanitra antsika ao amin'i Kristy Jesoa Tompontsika.

Ny Romana 8 no anazavan'i Paoly ny fítahiana mahatretrika ananan'ny mpino. ka hananany fiainam- pandresena sy feno fanantenana.

Ny fíainam-pamonjena azon'ny mino:

1- Ao amin'i Jesoa Kristy
Fanontaniana enina misesv no napetrakv ny Apostoly Paoly entina handresena lahatra antsika. fa na dia mbola eto amin'izao tontolo izao aza ny mpino, dia mahazo antoka ny mandrakizay, satria momba antsika Andriamanitra. Porofon'izany ny nanomezany an'i Jesoa Kristy Zanany Lahitokana, ka afaka hiantoka hatramin'ny fara-tamponv amin'ny tanjona sy izay zavatra ilaintsika. Planin'Andriamanitra ho fanomezam-boninahitra sy ho fanamasinana antsika izany, ka tsy tokony hataontsika raraka an-tany.

2- Maneho nv fitiavan'i Kristv
"Iza no hahasaraka antsika amin 'ny fìtiavan 'i Kristy? " Farany tamin'ny fanontanian'i Paoly ity, izay manasongadina indrindra ny fanomezana valiny ho amin'ny fiainam-panahin'ny mpino. Ireo toe-javatra fito voalaza ireo dia mety hiainantsika ihany (fahoriana. fahantrana. fanenjehana. mosary, fìtanjahana. loza, sabatra), saingy ny fitiavan'i Kristy izay mihoatra noho izany kosa no mampandresy antsika hatrany. Io fitiavan'i Kristy io no efa namonjeny izao tontolo izao. ka nanolorany ny ainy sy nandatsahany ny rany teo ambony hazo fijaliana. Tsarovy ary fa manana anjara amin'io fitiavan'i Kristy io ianao, ka tonga mpandresy tahaka Azy.

Fanontaniana:
Tanisao ireo fìzahan-toetra mahazo anao nefa tsy mety resinao mihitsy. Nahoana no tsy mety resinao izany?

Alahady 10 Desambra 2017 - Lio 18 : 15 - 17

15Na ny zazakely mbola trotroina aza dia nentin'ny olona teo amin'i Jesoa mba hametrahany tanana. Hitan'ny mpianatra ireto olona ireto ka noteneniny mafy. 16Nefa dia nasain'i Jesoa ho entina eo aminy ny zazakely sady hoy izy hoe:

–Avelao ny zazakely hanatona Ahy ary aza raràna, satria an'ny toa azy ireny ny Fanjakàn'Andriamanitra. 17Lazaiko marina aminareo fa na iza na iza tsy mandray ny Fanjakàn'Andriamanitra toy ny andraisan'ny zazakely azy, dia tsy ho tafiditra ao.

Mahatratra ny sokajin'olona rehetra ny fitiavan' Andriarnanitra. Noho izany:

1- Mibebaha amiirnv fanilikilihana (and 15)
Manana endrika fanilihana ny zaza ny fandraran'ny mpianatra ireo olona nitondra zaza ho eo amin'i Jesoa. Ny mpianatra nanilika, fa Izy kosa niantso azy ireo hitondra ny zaza ho eo Aminv. Be fitiavana Andriamanitra ka tsy mba manilika na manavaka. Mibebaha amin'ireo endrika fandrarana sy fanakanana ataontsika amin'ny ankizy sy amin'ireo sokajin' olona madinika ka mahatonga azy ireny tsy ho tafiditra any am-piangonana, na tsy hanana anjara amin'izay atao ao am-piangonana.

2- Mandraisa nv toromarik'i Jesoa (and 16)
Manana ny anjara toerany ao amin'ny fanjakan' Andriamanitra ny zaza. Tsy misy na iza na iza rahateo azo sakanana tsy hanatona ny Tompo sy hanana ny anjarany ao amin'ny fanjakan'Andriamanitra. Lohalaharana amin' ireny ny zaza. Anisan'ny fihetsika nanafintohina an'i Jesoa ny fandrarana ny zaza tsy hanatona Azy (Mar 10, 14). Baiko no omen'i Jesoa antsika Fiangonana. Omeo sehatra ivelarany sy itomboany eo anivon'ny Fiangonana nv zaza. Fampianarana koa no omen'ny Tompo antsika ny amin'izay tokonv hananantsika toe-po tahaka ny zaza rehefa manatona an'Andriamanitra.

Fanontaniana:
Inona avy ireo endrika fanilihana ny zaza efa hitanao niseho tao am-piangonana?

Sabotsy 09 Desambra 2017 - Deo 10 : 12 - 19

12Ary ankehitriny, ry Israelita, inona moa no andrandrain'ny TOMPO Andriamanitrareo aminareo, afa-tsy ny hanajanareo AZY sy ny hizoranareo amin'ny lalana rehetra soritany ary ny hitiavanareo sy hanompoanareo AZY amin'ny fonareo manontolo sy amin'ny fanahinareo manontolo. 13Andrandrain'ny TOMPO aminareo ny hitandremanareo ny didy aman-dalàny, izay ampitaiko aminareo anio mba hahasambatra anareo. 14Indro fa an'ny TOMPO Andriamanitrareo ny lanitra midadasika ary ny tany mbamin'izay rehetra eo aminy. 15Kanefa ny razambenareo ihany no niraiketan'ny TOMPO hotiavina ka nifidianany anareo taranany mihoatra noho ny firenena hafa rehetra, araka izao hitanareo anio izao. 16Noho izany, aoka ny fonareo ho voatokana tanteraka ho an'ny TOMPO10.16 Ny RM dia manambara izany hevitra izany araka ny fomba fiteny hoe forao ny fonareo. Ny famorana manko ho famantarana fa voatokana ho an'ny Tompo, anisan'ny vahoakany tokoa ny olona anankiray., fa aza mafy hatoka intsony ianareo. 17Ilay TOMPO Andriamanitrareo no Andriamanitry ny andriamanitra sy Tompon'ny tompo, Andriamanitra lehibe sy mahery ary mahatahotra, tsy mba mizaha tavan'olona10.17 Tompon'ny tompo: jereo 1Tim 6.15; Apôk 17.14; 19.16. –tsy mba mizaha tavan'olona: izany hoe tsy mba miangatra; jereo Asa 10.34; Rm 2.11; Ef 6.9. na mandray kolikoly; 18manome rariny ny kamboty sy ny mpitondratena Izy, sady tia ny vahiny ka manome azy hanina sy fitafiana. 19Koa tiavo ny vahiny eo aminareo, fa efa mba vahiny tany Ejipta ianareo.

Ilay Andriamanitra be fitiavana

Fantaro Ilay Andriamanitra be fítiavana fa:

1 - Tsv manam-paharoa Izv (and 17-18)
Ireo toetra mampiavaka sy maneho ny maha izy Azy an' Andriamanitra no ambarany amintsika eto. Tsy manam- paharoa Andriamanitra satria Tompon'ny fiandrianana avo indrindra Izy, manana ny hery sy ny fahefana ambony indrindra Izy, mahitsy sy marina Izy ary tia sy miantra izay atao anjorom-bala Izy. Nasehony tao amin'i Jesoa Kristy fony Izy tety an-tany ireo toetrany ireo. Nanehoan' Andriamanitra ny fitiavany isika ka tokony ahay haneho fitiavana ny hafa ihany koa (and 19).

2 - Mendrika nv hotiavina Izv (and 12-16).
Tia antsika Andriamanitra. Nasehony tao amin'i Jesoa izany fitiavany antsika izany. Mandeha ila anefa ny fitiavan'Andriamanitra raha toa ka tsy mba mahay mamaly fitia Azy isika. IIo setrin'ny fitiavany antsika dia aoka hanaja sy hankato Azy isika ka hitandrina ny Teniny araka izay ahitana izany ao amin'ny Soratra Masina manontolo, ho tia sy hanompo Azy amin'ny fontsika sy amin'ny fanahintsika sy izay rehetra ananantsika. Tsarovy fa tsy toy inona akory ny fanehoam-pitiavana andrasan' Andriamanitra amintsika raha oharina amin'izay efa nataony ho antsika.

Fanontaniana:
Inona amin 'ireo fanehoam-pitiavana an 'Andriamanitra ireo no mila hanaovanao ezaka bebe kokoa hatrany?

Zoma 08 Desambra 2017 - Efe 2 : 1 - 10

1Fahiny ianareo dia maty ara-panahy noho ny fahadisoanareo sy ny fahotanareo. 2Niaina araka ny fomban'izao tontolo izao ianareo; narahinareo ilay mpanapaka ny fahefana mifehy eny amin'ny rivotra, dia ilay fanahy izay miasa ankehitriny ao amin'ireo olona tsy manaiky an'Andriamanitra. 3Izahay rehetra koa dia anisan'ireo olona ireo, fa nanao fitondrantena araka ny filàndratsin'ny maha olona mpanota izahay fahiny ka nanao izay danin'ny kibo sy saim-pantatra. Noho izany toetranay izany, dia natao hiharan'ny fahatezeran'Andriamanitra tahaka ny hafa koa izahay.

4Kanefa lehibe tokoa ny famindrampon'Andriamanitra, satria fatratra ny fitiavana asehony amintsika; 5ka fony mbola maty ara-panahy isika noho ny fahadisoantsika, dia novelominy indray niaraka tamin'i Kristy. Fahasoavan'Andriamanitra no namonjena anareo! 6Fa noho isika efa tafaray amin'i Kristy Jesoa, dia niara-natsangan'Andriamanitra ho velona isika sy niara-napetrany any an-danitra. 7Nataony izany mba hanehoany amin'ny andro ho avy rehetra ny harem-pahasoavany mihoa-pampana, satria mora fo tamintsika Izy tao amin'i Kristy Jesoa. 8Eny, fahasoavan'Andriamanitra no namonjena anareo, tamin'ny alalan'ny finoana! Ary tsy avy aminareo izany famonjena izany, fa fanomezan'Andriamanitra; 9tsy vokatry ny ezaka vita, fandrao hisy hirehareha. 10Fa asan'Andriamanitra isika; Izy no nahary antsika ho tafaray amin'i Kristy Jesoa, mba hanao asa tsara izay voaoman'Andriamanitra rahateo hotontosaintsika amin'ny fiainantsika.

Maneho fìtiavana antsika ny Tonipo

Endrika maro no anehoany izany. Ireto santionany ho antsika anio:

1- Famelomanaina:
 "Ary hianareo dia efa novelomin'ny, fony mbola matin'ny fahadisonareo sy ny fahotanareo" (Efes 2:1)
Fahafatesana no tambin'nv ota. Izay miaina amin'ny rehak'izao fiainana izao dia efa mizotra amin'ny fahaverezana. Soa fa teo i Jesoa, mamelona antsika indray tamin'ny nanolorany nv tenany.

2- Famindrapo sv fitiavana:
 "Fa Andriamanitra izay manankarena amin 'ny famindram-po, noho ny halehiben' ny fìtiavany izay nitiavany antsika. "(Efes 2:4). Rehefa eo ny fitiavana dia manaraka ho azy ny famindram-po, tsy sarotra ny mamela heloka ny olon-tiana. Zava-dehibe ho an'ny mpino io famindrainpon' Andriamanitrá io.
3- Fananaanana sv fanrenana:
"Ary niara natsangany isika " (Efes 2:6)
Na teo aza ny fandehanana araka ny fomban'izao tontolo izao sy ny hetraketraky ny devoly izay mpanampaky ny fanjakana eny amin'ny rivotra, dia eo indrindra ny Tompo. manangana sy manarina. Ka izay atsangana sy arenina dia takiana hiaina amin'ny toerana nahalavo azy ary handroso amin'ny lalam-baovao araka ny fitarihan' Izy Tompo.

Fanontaniana:
Ny fitiavana no paikady mahomby ho fananganana sy fanarenana mihoatra noho ny famaizana sv ny latsalatsa. Nahoana?

Alakamisy 07 Desambra 2017 - Jao 14 : 18 - 24

18Tsy hamela anareo ho kamboty Aho, fa hiverina atỳ aminareo. 19Raha afaka kelikely, dia tsy hahita Ahy intsony izao tontolo izao; fa ianareo no hahita Ahy satria velona Aho ary ho velona koa ianareo. 20Amin'izany andro izany, dia ho fantatrareo fa Izaho dia ao anatin'ny Ray, ianareo ato anatiko ary Izaho ao anatinareo.

21Izay manana ireo didiko sy mitandrina azy no tia Ahy; ary izay tia Ahy dia hotiavin'ny Raiko, ary Izaho koa ho tia azy ka hiseho aminy.

22Fa i Jodasy, (tsy ilay Iskariôta), nanao tamin'i Jesoa hoe:
–Nahoana, ry Tompo, no aminay ihany no hisehoanao, fa tsy amin'izao tontolo izao koa?

23Dia novaliany hoe:
–Raha misy olona tia Ahy, dia hitandrina ny teniko izy; ho tia azy ny Raiko, ary Izaho sy ny Raiko dia hankao aminy ka honina ao. 24Izay tsy tia Ahy, dia tsy mitandrina ireo teniko; ary ny teny izay renareo dia tsy avy amiko fa avy amin'ny Ray Izay naniraka Ahy.

Maro ireo fomba ahafahana mijoro ho fanasina sy fahazavana. Mampita hafatra amintsika amín'ny alalan'ny mofon'aina anio ny Tompo ary manambara fa:

Ny tena vavolombelon'nyTompo dia:

1- Tia an'i Jesoa:
Izay tia Ahy no tian'ny raiko (Jao 14:31) Ny fo no foiben'ny aina sy ny fihetsehana. Ao no mitempo fitiavana, ao koa no misy ny fakahalalana. Ny hoe tia an'i Jesoa dia raiki-pitia Aminv tanteraka. Miara-palv Aminy, miara-malahelo Aminy. Izay tian'i Jesoa dia tiany. izay halan'i Jesoa dia halany.

2- Mitandrina nv tenin'i Jesoa:
Izay milaza hoe tia an'i Jesoa nefa tsy mitandina ny Teniny dia mpandainga. Nampianatra antsika ny Soratra Masina fa ny fitiavana ny rahalahy izay hitan'ny masontsika no hanombobana ny fanehoana ny fitiavana an'i Jesoa: "Izay milaza fa tia an'Andriamanitra, nefa mankahala ny rahalahany dia mpandainga". Fa ataony ahoana no hitia an 'Andriamanitra izay tsy hitany, nefa ny rahalahiny izay hitany aza tsy tiany. Araka izany.dia aseho amin'ny marika hitamaso sy azo tsapain-tanana ny fitiavana ny Tompo. Tsy ampy ny fitivana eo imolotra fotsiny. Tsy afa-nisaraka ny fitiavana an'Andriamanitra sv ny fitiavana ny namana fa mifampainkina sy mifameno.

Fanontaniana:
Inona avy no hanehoanao ny fitiavana an 'I Jesoa eo amin'ny fìananao andavanandro?

Alarobia 06 Desambra 2017 - Apo 4 : 1 - 8

1Taorian'izany, dia indro hitako nisy varavarana nivoha tany an-danitra; ary ilay feo tany am-boalohany, izay efa reko niteny tamiko tahaka ny feon-trompetra, no nanao tamiko hoe:
–Miakara atỳ, dia hasehoko anao ny zavatra tsy maintsy ho avy manaraka.

2Niaraka tamin'izay dia nahazo tsindrimandry avy amin'ny Fanahy Masina aho. Ka indro nisy sezafiandrianana anankiray tany an-danitra, ary nisy nipetraka teo ambonin'io sezafiandrianana io. 3Ny tarehin'Ilay nipetraka dia namiratra tahaka ny vatosoa jaspa sy sardoanina; ary avana miendrika vatosoa emeralda no nanodidina ilay sezafiandrianana4.3 and 2-3: ampit Ezek 1.26-28; 10.1. –vatosoa jaspa: jereo 21.11 sy nta. –vatosoa emeralda: jereo 21.19-20 sy nta.. 4Nanotrona io sezafiandrianana io dia nisy sezafiandrianana hafa 24; ary teo ambonin'ireo sezafiandrianana ireo dia nisy loholona 24 nipetraka, niakanjo akanjo fotsy sady nisatroka satroboninahitra volamena. 5Tselatra sy feo ary kotro-baratra no nivoaka avy tamin'ilay sezafiandrianana afovoany; ary nisy jiro fito mirehitra teo anoloany, dia ny Fanahy Masina ombàm-panomezana fito avy amin'Andriamanitra4.5 Ampit Eks 19.16; Ezek 1.13; Za 4.2.. 6Teo anoloan'ilay sezafiandrianana afovoany dia nisy toa ranomasina fitaratra tahaka ny vatosoa kristaly.

Namefy akaiky an'ilay sezafiandrianana afovoany isaky ny lafiny avy dia nisy zava-miaina efatra feno maso avokoa ny anoloany sy ny ivohony. 7Ny zava-miaina voalohany dia tahaka ny liona; ny zava-miaina faharoa dia tahaka ny vantotr'ombalahy; ny zava-miaina fahatelo dia manan-tava tahaka ny an'ny olona; ary ny zava-miaina fahefatra dia tahaka ny voromahery manidina4.7 and 6-7: ampit Ezek 1.22; 1.5-10; 10.14.. 8Ireo zava-miaina efatra ireo dia samy manana elatra enina avy, sady feno maso ny tenany manontolo teo ivelany sy tao anatiny; ary tsy mitsahatra andro aman'alina izy efatra manao hoe:

«Masina, masina, masina
ny Tompo Andriamanitra Tsitoha
Ilay taloha sy ankehitriny ary avy4.8 Ampit Ezek 1.8; 10.12; Is 6.2-3.!»

Manokatra ny Ianitra i Jesoa Kristy
1- Mipetrnka eo amin'nv seza fiandriananv i Jesoa
Mipetraka sy manjaka mandrakizay eo ambony seza fiandrianany mandrakizay i Jesoa Kristy. Famirapiratan'ny voninahiny sy ny fahasoavana ary ny fitsarany ny endriny (and 3). Izy no miantso an'i Jaona Aposloiy hiakatra any an-danitra sy nampiseho ny zavatra tsy maintsy ho avy rahatrizay ary mampanoratra izany. Fahefan'i Jesoa Kristy no manome ny teny faminaniana sy miantso ny olona hiakatra any aminy rehefa avy nanokatra ny lanitra Izy (Jareo Esek I. 1 ; Mat 3. 16; Asa 10, 56). Izay nambaran'i Jesoa dia tsy maintsy ho tanteraka. Antsoin'i Jesoa Kristy any aminy ireo tiany sy nofidiny.

2- Manome voninahitra an'i Jesoa ny voavoniv
Manodidina an'i Jesoa Kristy « llav Tompo Andriamanitra Tsitoha, Ilay taloha sy ankehilriny ary ho avy» , ny olom- boavonjy araka ny Testamenta Taloha sy ny Testamenta Vaovao. Anv amin'izav itoeran'i Jesoa Kristv no itoeran'izy ireo sady « hiara-manjaka Aminv » (and 4; Jao 14. 3; 17, 24; 2 Tim 2, 12). Efa notafían'ny Tompo fitafiana sy nampisatrohana voninahitra ireo. Miombona ao amin'i Kristv ny olom-boavonjv arv ny Fanahy Masina dia ny Fanahin'Andriamanitra no mampiaina ao amin' fanjakan'i Kristy. Manodidina an'i Kristy ny Fiangonana any an-danitra tahaka ny anjely serafima (jereo Isaia 6, 2). Midera sy manome voninahitra ary miray feo ka miankohoka amin' Ilay Tompo Mpamonjy azy izy rehetra. Tohizo ny fanompoanao ny Tompo fa tsara izany.

Fanontaniana:
Inona no tombontsoan 'ny mpino an 'i Jesoa Kristy?

Talata 05 Desambra 2017 - Jer 31 : 1 - 6

1«Rehefa tonga izany fotoana izany, hoy ny teny hentitry ny TOMPO, dia ho Andriamanitry ny foko israelita rehetra Aho, ary izy ho vahoakako.»


«Tany an-taniefitra no nanehoako hatsaram-po
ny vahoaka sisa tsy matin'ny fandringanana.
Hizotra milamina amin'izay i Israely.
3Hoy izy hoe:
‹Avy lavitra ny TOMPO no tonga niseho tamiko.›
ka hoy ny navaliko azy:
‹Fitiavana mandrakizay no itiavako anao
ka famindrampo no itaomako anao hanatona Ahy.
4Haoriko indray ianao, ry Israely mamiko,
ka ho voaorina;
hiravahanao indray ny ampongatapakao
hanentananao ireo mpandihy mitotorebika.
5Hambolenao voaloboka indray
eny amin'ny havoanan'i Samaria
ka ireo mpamboly no hioty
ny vokatry ny famboleny.
6Fa ho avy indray ny andro
izay hiantsoan'ireo mpiambina
eny an-tendrombohitr'i Efraîma31.6 Efraîma, zanakalahin'i Jôsefa (Gen 41.52) ary razan'ny foko lehibe indrindra tamin'ny fanjakan'i Israely avaratra, no enti-manondro ny fitambaran'izany fanjakana izany. hoe:
Andeha isika hiakatra any Tsiôna
ho eo anilan'ny TOMPO Andriamanitsika!› »

Fitiavana mandrakizay Andriamanitra

1- Nv fitiavany nv Isiraelv
Hafatra ho an'ny Jiosy babo tany Babylona ity. Ambarany ny momba ny Isiraely hatramin'ny fanjakana avaratra, ary ny Isiraely manontolo. Tiany ny fanjakana Avaratra, na Isiraely, na i Efraima. na i Samaria (aiid 2; 4; 5). Omena fítsaharana sy filaminana izy ka tsy hisy ady ao amìny (and 2). Hanorina indray ny Isiraely efa rava i Jehovah, ka hanome fihobiana sy fifaliana ao amin'ny taniny. Hambolena hatao tanim-boaloboka indray ny tendrombohitr" i Samaria ; ary noho ny fiadanana omeny, dia izy ihany no hihinana ny vokatra (and 5-6). Vokatry ny fitiavan'Andriamanitra dia hanjary ho mahataona i Ziona, izay toerana tokana fihaonany amin'ny Isiraely (and 6). Mitoetra ho mandrakizay Andriamanitra ary tsy voafetran'ny fotoana sy ny toerana ny fitiavany ny olony.

2- Nv famindram-ponv amin'nv Isiraelv
Andriamanitry ny famindram-po ny Tompo. Mifamatotra ny fitiavan'Andriamanitra sy ny famindram-pony. Manafoana ny tenany Andriamanitra ka manisy soa ny Isiraely izay nanota sy niala taminy dia ny Isiraely virjina (and 4) . Mamindra fo amin'ny maditra sy ny mafy hatoka Izy. Mahary an'i Isiraelv ho vaovao i Jehovah. Manao fanarenananv Isiraely manontolo ny Tompo : sitranina nv taniny; averina ho amin'ny fivavahana feno fifaliana sy fanompoana ny Isiraely. Manavao ny fanekeny mandrakizay ny Tompo ka ho Andriamanitry ny isam- pianakavian 'ny Isiraelv (and 1).

Fanontaniana:
Ahoana ny fahatsapantsika ny fìtiavan 'Andriamanitra?

Alatsinainy 04 Desambra 2017 - Amo 9 : 11 - 15

11Hoy ny teny hentitry ny TOMPO hoe:
«Ilay tanànan'i Davida9.11 Ilay tanànan'i Davida: misy mihevitra hoe Ilay fianakavian'i Davida ka mampitodika any amin'ny 2 Sam 7.16. –Ny and 11-12 dia tanisaina ao amin'ny Asa 15.16-18 araka ny dkt tranainy grika. izao
dia toy ny tranobongo efa nianjera.
Fa ho avy ny andro izay hananganako indray
izany tanàna izany,
ka hofefeko ireo banga amin'ny màndany
hatsangako ny rava tao aminy,
ary haoriko indray ny tanàna ho tahaka ny taloha.
12Amin'izay no hakan'i Israely
ny tany sisa amin'i Edôma
sy amin'ny firenena hafa rehetra
izay nomarihina ny anarako hananako azy.
Izaho Tompo no hahatanteraka izany.»
13Hoy koa ny teny hentitry ny TOMPO hoe:
«Indro avy ny andro
izay hahavokatra ny vary
ka efa hasaina ny tany vao vita ny fijinjana,
sy hahavokatra ny voaloboka
ka efa hafafy ny voambary
vao vita ny fihosemboaloboka9.13 Ny fiasana tanimbary any Palestinina, raha ny tokony ho izy, dia eo amin'ny faramparan'ny ôktôbra eo, izany hoe enim-bolana aorian'ny fijinjana. Ny fikarakarana ny divay kosa dia vantany vao vita ny fiotazam-boaloboka, izany hoe amin'ny septambra; ary ny famafazana kosa dia eo amin'ny nôvambra na desambra eo ho eo. Ka ny fifanatonan'ireo asa fanaon'ny tantsaha ireo dia isan'ny sarin'ny fahavokarana mahagaga hanamarika ilay fotoanandro vaovao ambaran'i Hamôsa mpaminany..
Divay no hiboiboika eny an-tendrombohitra
sy hikoriana eny an-tampon-kavoana rehetra.
14Haveriko avy amin'ny fahababoana
ny Israely vahoakako,
ka ireo tanàna efa rava
hatsangany sy honenany indray.
Hamboly voaloboka izy
ka hisotro ny divay avy aminy,
ary hanao zaridaina
ka hihinana ny vokatra avy aminy.
15Hamboleko eo amin'ny tany izany nomeko azy izy,
ka tsy hongotana hiala eo intsony.
Izaho TOMPO Andriamanitrao no efa niteny.»

Fitiavana hafa kely

Amin'ny fomba hafakely no entin'Andriamanitra maneho sy manaporofo ny fitiavany eto. Tsy manam-paharoa izany fitiavan'Andriamanitra izany satria:

1- Mamela heloka sv manangana indrav Izv (and 11-12)
Asehon'Andriamanitra amin'ny alalan'ny fananganana indray ny rava vokatry ny fahababoana ny famelan-keloka. Be fitiavana Andriamanitra ka tsy mamela antsika ho ravan'ny fahotana sy ny faharatsiana. Ny famelana ny helotsika no entiny maneho izany fitiavana izany sady hanarenany antsika hanana fiainam-baovao ao Aminy. Kristy no endrika fara-tampon'ny fitiavan'Andriamanitra sy fananganana antsika indray ka natolony ho famelana ny helotsika.

2- Manome fìtahiana (13-15)
Fitahiana no azo ilazana izay rehetra voalazan'ny Tompo eto amin'ireto andininy telo farany ireto. Anisan'izany ny fahasambaran'ny olona voavela heloka (Sal 32,1-2). Raha oharina amin'ny resaka fambolena ny fitahiana horaisin' izay vovela heloka dia hifanao tsy omby aloha izany satria mbola tsy voanjinja ny eo dia efa tonga indray ny fotoam- piasana manaraka. Midika izany fa manana amby ampy ho antsika ny fìtiavan'Andriamanitra sy ny fitahiany (Jer 31,3).

Fanontaniana:
Inona no mba heverinao fa endrika manokana isehoan 'ny fitiavan' Andriamanitra anao?

Alahady 03 Desambra - I Jao 4 : 7 - 11

7Ry hava-malala, aoka hifankatia isika, fa avy amin'Andriamanitra ny fitiavana, ary izay rehetra tia no naterak'Andriamanitra sady mahalala an'Andriamanitra. 8Izay tsy tia dia tsy mahalala an'Andriamanitra, satria Andriamanitra dia fitiavana. 9Izao no nanehoan'Andriamanitra ny fitiavany antsika: nirahiny ho eo amin'izao tontolo izao* ny Zanany* lahitokana mba hahavelona antsika amin'ny alalany4.9 Ampit Jôh 3.16.. 10Izao no fitiavana: tsy hoe isika no nitia an'Andriamanitra; fa Izy no nitia antsika, ka naniraka ny Zanany lahitokana ho sorom-panonerana hamelana ny fahotantsika4.10 Jereo 2.2 sy nta.. 11Ry hava-malala, raha toy izany no nitiavan'Andriamanitra antsika, dia mba tokony hifankatia koa isika.

Ny mpino miaina ny fitiavan'Andriamanitra

Avy amin'Andriamanitra ny fitiavana. Izay miray Aminy no manana fítiavana ka ny mpino miaina ny fitiavan' Andriamanitra dia:

1- Mifankatia (and 7-8.11)
Teny fanentanana antsika mpino no ataon'ny Apostoly Jaona eto ny amin'ny tokony hifankatiavantsika. Tsy zavatra ifanerena izany fa marika hanehoana ny maha- zanak' Andriamanitra. Tov nv "zazasarv" ny olona sahy mitono-tena ho zanak'Andriamanitra kanefa tsy manam- pitiavana ny hafa. Nantsoina ho amin'ny fifankatiavana ny mpino satria saimy zanak'Andriamanitra. Fitiavana ifanaovana na ifamaliana izanv fa tsv fitiavana mandeha ila sanatria.

2- Mahafoy nv sarobidv indrindra (and 10).
Ambaran'i Jaona mazava tsara fa ny fítiavan' Andriamanitra dia tsy tamin'ny teny fampanantenana fotsiny ihany fa noporofoiny tamin'ny alalan'ny asa koa. Porofo mivaingana no nentin'Andriamanitra nanehony fitiavanv antsika dia ny nanolorany ny tokana sy ny tsara ary ny sarobidy indrindra teo am-pelatanany ho famonjena antsika. Tahaka an'Andriamanitra izay nanome ny Zanany: izay tia, dia tia amin'ny teny sy ny asa ka manome sy mahafoy ny sarobidy indrindra. Ny tena fitiavana dia tsy mila tambiny ary tsy sandaina ihany koa.

Fanontanìana:
Inona no zava-tsarobidy indrindra efa nafoinao ho an 'ny olon-tianao?

Sabotsy 02 Desambra 2017 - Isa 43 : 1 - 5

1Ankehitriny kosa izao no lazain'ny TOMPO
Izay nahary anao, ry firenen'i Jakôba
sy namorona anao, ry vahoaka Israely:
«Aza matahotra ianao, fa efa navotako;
ny anaranao no efa niantsoako anao, ka Ahy ianao.
2Raha mamakivaky ny rano ianao,
dia homba anao Aho;
raha miampita ny ony ianao,
dia tsy hanafotra anao ireny;
raha mandeha eo anivon'ny afo ianao,
dia tsy ho may akory
fa tsy handoro anao ny lelafo.
3Satria Izaho no TOMPO Andriamanitrao,
ilay Masin'i Israely mpamonjy anao.

Nomeko hanavotana anao i Ejipta;
ary nataoko solonao i Etiôpia sy i Sebà.
4Satria sarobidy eo imasoko ianao,
manan-danja amiko sady tiako.
Koa nanome olona ho solonao Aho
sy firenena maro ho takalon'ny ainao.

5Aza matahotra fa momba anao Aho.
Avy any atsinanana no hamerenako ny taranakao,
avy any andrefana no hanangonako ireo olonao.

Andriamanitra maneho fìtiarana
Asehon'Andriamanitra amin'izao Soratra Masina izao fa mahatratra ny fotoana rehetra ny fitiavany.

1- Tami'ny lasa (and 1)
Ampahatsiahivin'Andriamanitra eto ny fanehoam- pitiavana efa nataony tamin'ny lasa. Efa nanavotra Izy ka rnbola hanavotra. Efa niantso sy nifidy Izy ka tsy mahafoy. Izany fitiavan'Andriamanitra tamin'ny lasa izany no tokony hitokiana satria tsy miova ny fitiavany.

2- Ankehitrinv (and 3- 41
Mariho fa na ny fanambaran-tenan'Andriamanitra izay milaza hoe: "Izaho no" na ny matoateny izay milaza ny asa ataon'Andriamanitra amin'ny hoe: "Omeko" dia samy amin'ny filazam-potoana ankehiíriny avokoa. Midika izany fa fanehoam-pitiavana mihatra avy hatrany amir.'ny ankehitrinim-piainana no ambaran'Andriamanitra eto.

3- Amin ny ho avy (and 2.5)
Mbola mampanantena ny haneho ny fitiavany hatrany Andriamanitra amin'ny ho avy rehetra. Izy no homba, Izy no hiaro, Izy no hitantana. Ny fitiavan'Andriamanitia izay mitoetra mandrakizay amintsika no ahazoana miatrika sy mandresy ny sarotra renetra, na izay efa niseho tamin'ny lasa izany na izay miseho ankehitriny sy izay hiseho amin'ny ho avy. Satria hoy Jesoa "lndro Izaho moinba anareo mandrakariva". Aza matahotra!

Fanontaniana:
Raha ianao no anontaniana, inona no mety havalinao ny fitiavan 'Andriamanitra

Zoma 01 Desambra 2017 - I Jao 3 : 1 - 6

1Endrey ity haben'ny fitiavana nasehon'ny Ray ho antsika: fa nantsoina hoe zanak'Andriamanitra3.1 Ampit Jôh 1.12. isika, sady zanany tokoa! Izao tontolo izao* no tsy mahalala antsika, dia noho izy tsy nahalala an'Andriamanitra. 2Ry hava-malala, zanak'Andriamanitra isika ankehitriny, kanefa mbola tsy naseho izay ho tena toetrantsika rahatrizay. Saingy fantatsika fa rahatrizay hiseho i Kristy*, dia ho tahaka Azy isika, satria hahita Azy araka ny maha Izy Azy. 3Ary izay rehetra manana izany fanantenana miorina amin'i Kristy izany dia mitandrin-tena hanana toetra madio mba hadio toetra tahaka Azy.

4Izay rehetra manota dia mandika ny lalànan*'Andriamanitra, fa ny ota no fandikana ny lalànan'Andriamanitra. 5Fantatrareo kosa fa i Jesoa Kristy* no niseho, dia mba hanala ny ota3.5 ny ota: misy stf sasany ahitana hoe ny otantsika. , ary tsy mba misy ota ao aminy. 6Izay rehetra miray amin'i Kristy dia tsy manota; izay rehetra manota, dia tsy nahita Azy na nahalala Azy.

Ireo porofom-pitiavan'Andriamanitra

Vavolombelon'ny fitiavany antsika tokoa ny Tompo. Porofon'izany ny:

Niantsoany antsika ho zanany (and 1-2)
Tonga zanak'Andriamanitra isika noho ny fampihavanana nataon'i Jesoa teo amin'ny hazofijaliana sy ny finoana Azy. Tsy avy amintsika izany fa tena fitiavan' Andriamanitra te-hanangana antsika ho zanany. Porofom- pitiavana no azo ilazana ny niantsoan' Andriamanitra antsika ho zanany satria tonga mpiombon'aina Aminy sy mpiray lova amin i Jesoa zanany isika. Fitiavana azo antoka ihany koa satria ny toetra maha Ray be fitiavana no entiny maneho ny fitiavany sy mifandray amintsika zanany.

2- Nanesoranv nv otantsika (and 3-6)
Mpanota ísika olmbelona. Notorotoronina tamin'nv ota rahateo isika ka mora mivily he amin'ny ratsy. Tia antsika ànefa Andriamanitra ka tsy mijery arina an-tava. Fitiavana lehibe no nasehony tamin'ny nanesorany tsy ho eo anatrehany ny fahotantsika ka ny ran'i Jesoa latsaka teo amin'ny hazofijaliana no nanadio antsika no afaka amin'ny ota rehetra( 1 Jao 1,7).

Fanontaniana:
Inono no marika hita maso anaporofoana ny maha zanak Andriamanitra antsika?

Alakamisy 30 Novambra 2017 - Sal 121 : 1 - 8

1 Hira fiakarana.
Manopy maso any amin'ireo tendrombohitra aho.
Avy aiza moa ny famonjena ahy?

2–Ny famonjena ahy dia avy amin'ny TOMPO,
Mpanao ny lanitra sy ny tany!
3–Tsy havelany ho solafaka anie ny tongotrao;
tsy ho rendremana anie ny mpiambina anao!

4–Tsia, tsy rendremana na matory
ny mpiambina an'i Israely.
5Ny TOMPO no mpiambina anao amin'ny alina;
ny TOMPO eo anilanao no fialofanao;
6ka tsy hamely anao ny masoandro, raha antoandro;
tsy hamely anao ny volana, raha alina.
7Ny TOMPO hiambina anao amin'ny ratsy rehetra;
eny, hiambina ny ainao Izy,
8hiambina anao mandroso sy miverina
manomboka izao ka ho mandrakizay!

Anisan'ny fihirana fanao rehefa fety lehibe ity Salamo ity. Miaraka amin'ny vahoaka voafidy hatrany ny Tompo ary misongadina ny toky hananan'izay miandry Azy.
Tompo miaro Izy :

1- Miaro andrò aman'alina nv Tompo (and 3-6)
Ny famonjena eto dia ìlay fiarovan'ny Tompo ny Sangonana ka tsy mahalany ritra azy. Andriamanttra Tompon'ny fotoana Izy, koa tsy mba misy fetra na fiatoana ny fombany ny vahoakany. Tahaka ny Fetin'ny Taranaka ka. mahatsiaro fa na dia eo aza ny elanelan-tany, ny tendrombohitra novakivakìana andrò aman'alina, dia teo nv Tompo niaro : ka afaka manao izany fivahiniana masina izany. Ny mpino koa amin'ny asa fitoriana amin'ny lalana Iavitra tsy maintsy aleha dia toky ho antsika ny Tompo fa hiaro na andrò na alina.

2- Hiaro nv fanahin'nv mpino nv Tompo (and.7-8)
Hìhaona any amin'ny Tempolin'i Jehovah ny mpino. Alohan'izany dia tiany raha miroso amin'ny fanadiovana ara-panahy hananany fahamasinana, satria masina Andriamanitra. Tsy ny eny an-dalana ihany no arovan'ny Tompo ny mino, fa amin'ny fotoana rehetra sy amin'ny fanahiny rehetra koa. Hita taratra ny fiarovan'ny Tompo ny fanahy amin'ny ratsy rehetra (and.7), ahatonga antsika hitana ny fìnoana na dia any am-pielezana aza. Izany no mahatonga antsika hijoro ka tsy ho menatra ho vavolombelon'ny Tompontsika.

Fanontaniana :
Rehefa fetin'ny taranaka, manao ahoana ny haben'ny fiderantsika ny Tompo?

Alarobia 29 Novambra 2017 - Amo 4 : 6 - 13

6Izaho mihitsy no efa nahatonga mosary
tao amin'ny tanànanareo rehetra,
ary tsy fahampian-tsakafo
tao amin'ny fonenanareo rehetra;
nefa tsy niverina tamiko ihany ianareo;
teny hentitra avy amiko TOMPO izany.
7Izaho mihitsy no efa nampihantona ny orana
tsy ho eo aminareo,
raha mbola telo volana mialoha ny fararano.
Ka tamin'ny tanàna anankiray nandatsahako orana,
fa tamin'ny tanàna iray kosa tsy nandatsahako;
ny saha anankiray nilatsahan'ny orana,
fa ny saha iray kosa tsy mba nilatsahany ka maina.
8Nivembena nankao amin'ny tanàna iray
ny mponina tamin'ny tanàna roa na telo
mba hisotro rano tsy nahafa-ketaheta,
nefa tsy niverina tamiko ihany ianareo;
teny hentitra avy amiko TOMPO izany.
9Nasiako tamin'ny vary main'ny rivotra
sy maty fotsy ianareo;
nofongorako4.9 nofongorako: voambolana heverina ho mitombina; ny RM dia midika hoe mampitombo.  ny zaridainanareo sy ny voalobokareo,
nohanin'ny valala ny aviavinareo sy ny ôlivanareo,
nefa tsy niverina tamiko ihany ianareo;
teny hentitra avy amiko TOMPO izany.
10Nalefako teo aminareo ny pesta mpamely biby fiompy
tahaka ny pesta nalefako tany Ejipta4.10 Jereo Eks 9.3.;
novonoiko ho faty tamin'ny sabatra ny zatovolahinareo,
sady nobaboina koa ny soavalinareo;
ary nampiakariko hatrany am-bavoronareo
ny hamaimbon'ny faty ao an-tobinareo;
nefa tsy niverina tamiko ihany ianareo;
teny hentitry ny TOMPO izany.
11Efa natsimbadiko ambony ambany ny tao aminareo
tahaka izay nataoko tamin'i Sôdôma sy Gômôra4.11 Jereo Gen 19.24-25.;
ka ianareo izao dia toy ny tapa-porohana
nosarihina avy ao amin'ny afo
nefa tsy niverina tamiko ihany ianareo;
teny hentitra avy amiko TOMPO izany.
12Koa dia hisy sazy hataoko aminao, ry Israely;
ary rehefa izany no hataoko aminao,
dia miomàna ianao hihaona amin'Andriamanitrao4.12 miomàna... Andriamanitrao: dkt hafa miomàna ianao hiseho fitsarana eo anatrehan'Andriamanitrao. .»
13Satria tandremo fa Izy no mpamorona ny tendrombohitra
sy mpahary ny rivotra,
Izy no manambara amin'ny olombelona ny fikasany,
mahatonga ny maraina ho haizina
sady mandeha eny am-paratampon'ny tany:
Ny TOMPO Andriamanitr'izao rehetra izao no anarany.

Niala tamin'ny Tompo ny vahoaka, mafy fo. in-5 ny teny hoe "nefa tsy niverina tamiko ihany ianareo hoy i Jehovah" no hita eto, na dia efa niala nenina tamin'ireo famaizana isan-karazany aza ny Tompo.

1- Andriamanitra mahitsv nv Tompo (and. 12)
Na dia naseho teo amin'Isiraely avokoa aza ny karazana famaizana rehetra : tamin'ny tsy fahampian-kanina, tsy fahampian-drano, vary, areti-mandringana, afo mandoro dia mbola tsy niverina tamin'i Jehovah ihany i Israely. Ambaran'ny Tompo mazava eto fa misy valiny ny tsy fíverenana Aminy. Koa ny hamafin'ny hatoky ny Israely dia tsy maintsy hovalina, satria "satria hanao izany aminao Aho" (and. 12) hoy Izy. Mitaona antsika tsy hanamafy fo izany, ka hiverina amin'Andriamanitra. « Handinintena amin'ireo fampitandremana isan-karazany * efa nataon'ny Tompo ary hiverina Aminy 'ndrao "mba hanenina ny amin'ny loza Izy".

2- Andriamanitra mahefa nv zavatra rehetra ny Tompo (and.13)
Andriamanitra manambara ny Tenany no hita eto, ka miharihary ao amin'ny famoronana sy ny asany indrindra ny Anarany. Andriamanitry ny tontolo no miasa. Izany no tokony hatahorantsika Azy mandrakariva satria Andriamanitra mahefa ny zavatra rehetra Izy. Amin'ny maha-Tsitoha Azy, dia tsy misy azo oharina na ampitahaina Aminy.

Fanontaniana :
Inona no mahatonga ny olona mafy hatoka ka tsy handray fananarana?

Talata 28 Novambra 2017 - Asa 26 : 21 - 23

21Izany no nisamboran'ny Jiosy ahy raha tao an-kianjan'ny tempoly* aho, ary nitadiavany hamonoana ahy. 22Fa niaro ahy Andriamanitra mandraka androany ka mbola intỳ aho eto, mba hijoro ho vavolombelona amin'ny olona rehetra na ny kely na ny lehibe. Izay nambaran'ny mpaminany* sy i Mosesy fa ho avy no hany lazaiko izao: 23hijaly ny Mesia* ary Izy no ho voalohany hisantatra ny fitsanganan'ny maty* ka hitory fahazavana amin'ny vahoaka Israely* sy amin'ny hafa firenena

Mijoro ny mpanara-dia ny Tompo

1- Na dia enjehina aza (and.21)

Vanim-potoana mavaivay tamin'ny fanenjehana ny kristianina no indro i Paoly Apostoly mandahateny eo anatrehan'i Agripa mpanjaka. Manakaiky azy tanteraka ny loza sy ny fahafatesana amin'izany, satria ny hafa aza natao haza lambo, mainka fa ny Apostoly Paoly izay efa eo anatrehan'ny fîtsarana rahateo. Koa manambara ny fanenjehana sy ny físamborana ary ny fihendrena hahafaty azy ity, saingy noho ny fitahian'Andriamanitra no mbola mampijoro azy. Koa n'inona n'inona miseho eo amin'ny fiainantsika kristianina, azo itokiana fa ny fitahian' Andriamanitra no mampaharitra antsika.

2- Mba hanambara an'i Kristv (and.22-23)

Ny voalazan'ny lalàna sy ny mpaminany no votoatin'ny fanambarana, izay tsy iza fa i Jesoa Kristy maty sy nitsangana tamin'ny maty. I Paoly eto dia tsy sasatra manambara an'i Kristy. Tsy mandehandeha ho azy ny fîainantsika. Tsy misy hoe vintana sy anjara ny antony ahavelomantsika fa ho mpitory sy ho mpanambara an'i Kristy amin'ny androntsika rehetra, na ho lava na ho fohy ïzany. Tsy maintsy miainga amin'ny Tenin'Andriamanitra voasoratra ao amin'ny Soratra Masina hatrany anefa izany, mba ho marina ny fanambarana ataontsika.

Fanontaniana :

Efa nanomboka ny "iraka" ve ianao? Raha "Tsia", inona no antony? Raha "Eny". inona no mety hampijanona anao?

Alatsinainy 27 Novambra 2017 - Apo 22 : 16 - 21

16«Izaho Jesoa dia efa naniraka ny anjeliko hijoro vavolombelona aminareo ka hanambara izany zavatra izany eo anivon'ireo Fiangonana. Izaho no solofo sy taranak'i Davida, ary kintana fitarikandro mamirapiratra22.16 Ampit Is 11.1, 10; Apôk 2.28; 5.5. –eo anivon'ireo Fiangonana: dkt hafa momba ireo Fiangonana. .»

17Ary hoy ny Fanahy Masina sy ny ampakarina hoe: «Avia!»
Izay mahare, aoka hanao hoe: «Avia!»
Izay mangetaheta, aoka ho avy; izay maniry ranovelona, aoka hanovo maimaimpoana amin'izany22.17 Ampit Is 55.1.!

18Izaho Jôhany dia manao fampitandremana amin'izay rehetra mandre ny teny faminaniana raketin'ity boky ity: raha misy manampy ireo, dia hampiharan'Andriamanitra ny loza voasoratra ato anatin'ity boky ity; 19ary raha misy manaisotra teny amin'ity boky faminaniana ity22.19 and 18-19: ampit Deot 4.2; 13.1., dia hoesorin'Andriamanitra ny anjarany amin'ny hazo manome fiainana sy ny anjarany ao amin'ny tanàna masina* araka izay voasoratra ato anatin'ity boky ity.

20Hoy Ilay mijoro vavolombelon'ireo zavatra ireo hoe: «Eny, ho avy faingana Aho!»
Amen*! Avia, ry Jesoa Tompo22.20 Ampit 1Kôr 16.22 sy nta.!
21Homba anareo rehetra anie ny fahasoavan'i Jesoa Tompo!



"Eny, avyfaingana Aho" and.

20 Ny fihavian'ny Tompo

1- Tenv fampanantenana
Antso ho amin'ny fitsaharana no ambara eto. Ny fiombonan'ny mpino na ny fiangonana, tahaka ny vady ampakarin'i Kristy, no miantso fitsaharana ka tsy hisy intsony ny ranomaso sy ny fahoriana. I Jesoa Ilay Andriamanitra faka sy taranaka avy amin'i Davida, no kintana mamirapiratra mandrava ny aliña ary hanambara ny maraina vaovao eo amin'ny fiainan'ny mpino. Fanantenana ny amin'ny hoavy any am-parany izany. Fanantenana hahafaka hetaheta ho an'ny fanahin'ireo mpino izany, dia ny hisotro ny onin'ny ranonain'ny fïainana mandrakizay (ampitahao Apo 22.1; Isa55.1-2).

2- Tenv fampitandremana
Tafîditra eo anelanelan'ny fampanantenan'i Kristy ny fampitandremana nataon'i Jaona (andl8-19). Mpanoratra fotsiny ihany anefa i Jaona fa ny Tompo mivantana mihitsy no efa nilaza izany hatry ny ela (Deo 4, 2; Jer 26, 2). Ambara eto ny fahefan'ny faminaniana amin'ny teny koa tsy azo ovana, na analana, na ampiana izany. Mifampiankina tanteraka ny famonjena sy ny fiankinana amin'ny Tenin'Andriamanitra. izay maharitra hatramin'ny farany amin'ny Teny no hovonjena.

Famontaniana :
Nahoana no mampatahotra ny olona ny fïavian'i Kristy?