1Anaka, raisonao ny teniko
ary ataovy raki-tsoa ho anao ny didiko.
2Henoy ny teny ataon'ny fahendrena
ka ampiezaho ny fonao hahay manavaka.
3Mangataha fanampiana amin'ny fahalalana,
miantsoa famonjena amin'ny fahaiza-manavaka.
4Fa raha tadiavinao toy ny fitady volafotsy ireo
ary katsahinao toy ny fikatsaka harena nafenina#2.4 Jereo 3.14-16; 8.11; 16.16; Jôb 28.12-19; Kôh 7.11; 9.16-18..
5dia ho fantatrao tokoa ny fanajana ny TOMPO
ary ho hitanao ny fahalalana an'Andriamanitra.
6Fa ny TOMPO no manome ny fahendrena;
ary avy amin'ny vavany no mipoitra
ny fahalalana sy ny fahiratan-tsaina#2.6 Jereo Kôh 2.26..
7Mampahomby ny olo-mahitsy Izy
ary toy ny ampinga fiarovana
ho an'izay mandeha tsy misy tsiny.
8Miaro ny lalan'ny fahamarinana Izy
ary miambina izay mpifikitra aminy.
9Raha mihaino Ahy ianao,
dia ho fantatrao ny marina sy rariny
ary hizoranao avokoa ny lalam-pahasambarana.
