Alakamisy 19 Septambra 2019 - I Kor 5 : 1 - 5

1Re laza hatraiza hatraiza ankehitriny fa misy fanambadiana mifotitra ao aminareo, dia fanambadiana mifotitra mahatsiravina izay tsy fahita na dia any amin’ny hafa firenena akory aza: misy anankiray aminareo manambady renikely. 2Nefa ianareo mbola mirehareha ihany. Tsy tokony ho feno alahelo ve ianareo, ka ilay lehilahy namoafady nahavita izany dia ho nakifakareo tsy ho eo aminareo? 3-4Fa izaho, na dia lavitra anareo am-batana aza, dia akaikinareo am-panahy; ka tamin’ny anaran’i Jesoa Tompontsika no nitsarako sahady an’ilay namoa-tsampona. Raha hivory ianareo ka ho tafaraka aminareo am-panahy aho, dia homba antsika ny herin’i Jesoa Tompontsika: 5koa atolory an’i Satàna izany lehilahy izany, mba horavana ny maha olona mpanota azy ka hovonjena ny fanahiny amin’ilay andro hiavian’ny Tompo.