1 Salamo nataon'i Davida
Mihirà hira vao ho an'ny TOMPO
fa nahavita zava-mahagaga Izy!
Ny hery sy ny fahefana ananany
no nampiasainy hahazoam-pandresena.
2Dia nampahafantarin'ny TOMPO
izany fandresena izany;
teo anatrehan'ireo firenena
no nanehoany fa mpanafaka Izy:
3Tsy nohadinoin'ny Tompo, ry terak'i Israely,
ny naneho fitia sy toetra mahatoky tamintsika;
ka dia hitan'ny vahoaka hatrany am-paran'ny tany
fa nandresy tokoa ilay Andriamanitsika.