Talata 08 Desambra 2015 - Mat 15 : 29 - 31

29Niainga avy teo i Jesoa dia lasa nankany amoron'ny farihin'i Galilea, ary niakatra nankeo an-tendrombohitra ka nipetraka teo. 30Ary nisy vahoaka betsaka nanatona Azy sady nitondra ny mandringa, ny jamba, ny kilemaina, ny moana, mbamin'ny maro hafa koa; napetraka teo an-tongotr'i Jesoa ireo marary ireo ka nositraniny. 31Gaga ny vahoaka raha nahita ny moana niteny, ny kilemaina nanjary tomady, ny mandringa nandeha tsara sy ny jamba nahiratra, ka dia nanome voninahitra an'ilay Andriamanitr'i Israely*.