10Nampianatra tao amin’izay sinagôga izay i Jesoa indray sabata. 11Nisy vehivavy anankiray teo, azon’ny fanahy ratsy mahafarofy nandritra ny 18 taona ka nanjoko tsy nahatraka mihitsy. 12Niantso azy i Jesoa nony nahita azy, ka nanao taminy hoe:
–Ramatoa, afaka amin’ny rofinao ianao!
13Dia nametrahan’i Jesoa tanana ravehivavy ary nitraka niaraka tamin’izay ka nanome voninahitra an’Andriamanitra. 14Tezitra ny lehiben’ny sinagôga satria andro sabata no nanaovan’i Jesoa fanasitranana. Nandray fitenenana ny lehiben’ny sinagôga ary nilaza tamin’ny vahoaka hoe:
–Andro enina no tokony hiasana; ka mandritra ireo andro ireo ianareo no tongava hositranina, fa tsy amin’ny andro sabata!
