27Raha manalavitra ny ratsy ka manao ny tsara ianao,
dia honina maharitra eo amin'ny tany lovanao.
28Satria ny TOMPO mitandro ny rariny
ka tsy mba mandao ny mpivavaka aminy;
hofoanana mandrakizay kosa ny olo-meloka
ary hofongorana ny taranaky ny olon-dratsy.
29Ny olo-marina no handova ny tany,
ka honina mandrakizay ao aminy.
30Fahendrena no lazain'ny olo-marina;
ara-drariny ny zavatra ambarany.
31Ny lalànan*'ny Andriamaniny no ao am-pony,
ka tsy mba solafa-mamindra izy.
32Tsikilovin'ny olon-dratsy ny olo-marina
ary tadiaviny izay hahafaty azy,
fa tsy avelan'ny Tompo ho azony
na ho voaheloka any am-pitsarana.
33Miankîna am-paharetana amin'ny TOMPO
ka ny lalana soritany no araho;
