21Soa no ataon'ny TOMPO amiko satria marina aho;
izany no avaliny ahy satria madio ny toetrako,
22fa voatandriko ny làlan'ny TOMPO
ary tsy ivadihako ilay Andriamanitro;
23ankatoaviko avokoa ny fitsipiny
ary tsy mba ialako ireo didiny.
24Koa tsy manan-tsiny aminy aho
fa nitandrin-tena tsy ho diso.
25Eny, soa tokoa no navalin'ny TOMPO ahy
satria marina aho sy hitany madio toetra.
26Tompo ô, mahatoky Ianao
amin'izay matoky Anao;
tsy manan-tsiny koa Ianao
amin'izay tsy manan-tsiny;
27Madio Ianao amin'izay madio,
miolakolaka kosa amin'izay mpiolikolika.
