5Izao no voasoratr'i Mosesy momba ny fahamarinana avy amin'ny lalàna: «Ny olona manatanteraka ny didy amam-pitsipika dia ho velona amin'izany10.5 Jereo Lev 18.5..» 6Fa izao kosa no voalaza momba ny fahamarinana avy amin'ny finoana: «Aza manao anakampo hoe: Iza no hiakatra any an-danitra?» (dia ny mba hampidina an'i Kristy* izany). 7Na hoe: «Iza no hidina any amin'ny hantsana?» (dia ny mba hampiakatra an'i Kristy avy any amin'ny maty). 8Fa inona no voalaza? Izao: «Eo akaikinao ny teny, dia eo am-bavanao sy ao am-ponao10.8 and 6-8: jereo Deot 9.4; 30.12-14..» Izany no teny momba ny finoana, izay torînay. 9Satria raha manaiky ampahibemaso amin'ny vavanao ianao fa Tompo i Jesoa, ary mino ao am-ponao fa nanangana Azy ho velona avy tany amin'ny maty Andriamanitra, dia ho voavonjy. 10Mino ao am-po manko ny olona mba hoeken'Andriamanitra ho marina, ary manaiky ampahibemaso amin'ny vava, mba hahazoany famonjena. 11Fa hoy ny Soratra Masina* hoe: «Izay (rehetra) mino Azy tsy mba hangaihay10.11 Is 28.16, voatsiahy araka ny dkt grika tranainy Septoazinta..» 12Koa mitovy na Jiosy na hafa firenena*, fa ny Tompo iray ihany ny an'ny rehetra, Tompo malala-tanana amin'izay rehetra miantso Azy. 13Satria izao no tenin'ny Soratra Masina: «Izay rehetra hiantso ny Tompo, dia ho voavonjy10.13 Jl 3.5..»
14Hataon'ny olona ahoana àry no fiantso ny anaran'ny Tompo, raha tsy efa ninoany? Hataony ahoana no fino Azy, raha tsy efa reny? Hataony ahoana no fandre, raha tsy misy mpitoriteny? 15Ary hatao ahoana no fitoriteny, raha tsy nirahina? Araka ny voalazan'ny Soratra Masina hoe: «Endrey, tsara izany mahita ireo mpitondra Vaovao Mahafaly* tonga hanambara teny soa10.15 Is 52.7.!»
Ny vavolombelon’ny famonjen’i Jesoa Kristy
1- Mitana nv finoana
Ny Kristiana dia mino fa i Jesoa Kristy no irak' Andriamanitra namonjy ny zanak'olombelona
tamin'ny fatoran'ny fahafatesana. Ireo jiosv dia nanda mafy izany fa rehefa amin:ny fanarahana ny lalana no hanamarinan' Andriamanitra azy ireo. Manitsy ireo jiosy araka izany i Paoly apostoly fa ny lalana dia tsy manome fanamarinana ny olona. Diso mandrakariva ny olona satria tsy mahay manatanteraka izay voalazan’nv lalana. Ny fahatongavan’i Jesoa Kristy no hanafaka ny olona amin’ny fatorana sy ny fanamelohan’ny lalana. Ny finoana an’i Jesoa Kristy no hanamarinana ny olona ho amin’ny famonjena.
2- Maneho amin’nv fanekena izav inoanv
Zava-dehibe eo amin’ny fíainan’ny mpino ny finoana an’i Jesoa Kristy. Tsy maintsy aseho amin'nv teny aloaky ny vava anefa izany. Rehefa resi-lahatry ny famonjena vitan'i .Tesoa Kristy ìsika. Mandray ao am-po ny fanambaran'ny tenin’Andriamanitra dia manao fanekena. Ambara ho ren'nv rehetra fa i Jesoa Kristy no ekeny ho Tompo sy Mpamonjy azy. Fijoroana vavolombelon'ilay inoana izany. Izany no mahatonga antsíka mpino hanao fanekena eo amin’ny seham-panompoana irosoantsika. Na aiza na aíza sehatra isehoanao dia ambarao amin’ny hafa fa efa nanaiky an’i Jesoa Kristy ho Tompo sy Mpamonjy ianao ;
Fanontaniana :
Ho anao mpandray ny Fanasan’ny Tompo, inona no akon’nv fanekena nataonao teo amin’ny fiainanao ?
