Alarobia 07 Martsa 2018 - Hos 14 : 2 - 4

2Ry Israelita ô, mba miverena
amin'ny TOMPO Andriamanitrareo,
fa ny helokareo no nahalavo anareo.
3Miverena amin'ny TOMPO
ka milazà aminy hoe:
«Avelao avokoa ny helokay;
ary ho solon'ny vantotr'ombilahy fanolotray
dia raiso tsara ireto teninay ireto:
4Tsy i Asiria no hahavonjy anay,
tsy hitaingin-tsoavaly izahay;
ary tsy amin'ny sampy asan-tananay intsony
no hitenenanay hoe: ‹Ry Andriamanitray ô!›;
fa Ianao no mamindrafo amin'ny kamboty.»

Rehefa mibebaka ny olona dia mamindra fo Andriamanitra. Mampiseho izany fa Andriamanitra no ahitan'ny mino famindrampo. Koa ny fiverenana Aminy no antso avo ataon'ny mpaminany

1- Miverina mba ho voavotra
Metv hifarana amin'nv fahaverezana sy ny fahafatesana ny làlan'izay nahafoy sy tafasaraka amin'Andriamanitra noho ny tsy nihainoana nv Teniny sy tsy mba nitandremana nv didiny. « Lavon-keloka » no hilazan'nv Soratra Masina ireo tsy mankato ka mitoetra ao anaty fahotana ihanv. Maty fahavelonv izy. izany hoe, mihevi- tena ho tafíta na tsy mino sy tsy mivavaka aza kanefa fiainana manalavitra Ilay Tompon'ny aina izanv. Jesoa Kristy no efa maty hamelona antsika koa mibebaha eo anatrehany mba hamindrana antsika hiala amin'ny maizina ho amin'nv fahazavana.

2- Miverena mba handray fainindrampo
Ambara koa hoe : tena fitiavana ny famindrampo satria fialàna na famindrana toerana olona irav avv amin'nv maizina ho amin'ny fahazavana mahagaga no hataon'ny Tompo amin'izay namindrany fo. Jesoa Kristy dia naneho endrika famindrampo maro fony izy tety antany. Tao ny nesorina tamin'nv fahajambana, nampianarina mba ahalala ny herin'Andriamanitra sy ny fitiavana. nositranina tamin'nv aretina maro samy hafa. Fitiavana tsy nijereny ny ditra sy ny adalan'ny olona ny famindrampo. Koa mitaona antsika hiverina hiara-dàlana amin'ny Tompo isan'andro. handeha araka ny Fanahy.

Fanontaniana :
Iza no harahinao sy henoinao teny ?

Talata 06 Martsa 2018 - Mar 1 : 1 - 8

1Manomboka eto ny Vaovao Mahafaly momba an'i Jesoa Kristy Zanak'Andriamanitra1.1 Misy stf tsy ahitana ny teny hoe Zanak'Andriamanitra.

2Izao no voalazan'ny Soratra Masina ao amin'ny bokin'i Isaià mpaminany:

«Indro alefako hialoha Anao ny irako,
hoy Andriamanitra,
mba hanomana ny lalanao1.2 ao amin'ny... mpaminany: misy stf sasany ahitana hoe ao amin'ny bokin'ny mpaminany. –Mal 3.1..»
3«Injany misy feon'olona miantso mafy
ao an-taniefitra hoe:
Amboary ny lalan'ny Tompo;
ahitsio ny hizorany1.3 Is 40.3, voatsiahy araka ny dkt grika tranainy Septoazinta.!»

4Araka izany, dia niseho i Jôhany ka nanao batisa tany an-taniefitra sy nanao antso avo hoe:
–Ialao ny toe-dratsy, meteza hatao batisa, dia havelan'Andriamanitra ny helokareo1.4 niseho i Jôhany... antso avo: misy stf sasany ahitana hoe niseho tany an-taniefitra i Jôhany ka nanao batisa sy nanao antso avo na koa niseho tany an-taniefitra i Jôhany Mpanao batisa ka nanao antso avo. –Ialao ny toe-dratsy: jereo ny FTS amin'ny voambolana hoe FIBEBAHANA..

5Nirohotra nankeo amin'i Jôhany avokoa ny olona avy any Jodea lafy valo sy avy any Jerosalema; ary niaiky heloka ireo ka dia nataon'i Jôhany batisa tao amin'ny ony Jôrdàna.

6Akanjo volon-drameva ary fehikibo hoditra no fanaovan'i Jôhany1.6 Jereo 2 Mp 1.8.; valala sy tantely remby no fihinany.

7Ary hoy ny antso avo nataony:
–Tamy aoriako Ilay mahery noho izaho, ka tsy mendrika hiondrika hamaha ny fehikapany akory aho. 8Ny ahy, rano no nanaovako batisa anareo; ny Azy kosa, ny Fanahy Masina no hanaovany batisa anareo.

Manatanteraka izay voalazan'ny mpaminany ny Tompo Jesoa. Jaona mpanao batisa no nialoha Azy mba hitory ny batisan'ny fibebahana ho famelan- keloka. Mitarika antsika hanaraka Azy Izy araka ny hita eto.

1- Manàna finoana niarahana amin'ny Tompo
Asainy manamboatra ny làlana izav diavintsika isika. Ny anjarantsika dia ny mandray fanapahan-kevitra ho tia sy hanompo Azy. Mahalala ny sitrapon' Andriamanitra, izay efa zatra mandroso amin'ny finoana. Manahaka ireo mpanompo nanara-dia ny Tompo isika rehefa manaiky hiara-miasa Aminy. Jesoa Kristy no mamdray antsika sy izay entintsika hanatona Azy. Aoka isika hànana finoana mba hiaraha-raandeha Aminy.

2- Maneke ny herin'nv Tompo manafaka
Tsy ny rano amin'ny batisa no tokony hatao ho zava- dehibe fa ny herin'Andriamanitra handraisany antsika ho zanany. Mitafy an'i Kristy ny fiangonana nanomboka tamin'ny Batisa ka afaka mitahiry izany mba hamirapiratan'ny Tavan'ny Tompo amin ny endriky ny mino. Resy lahatra no ilazana ny olona manaiky ny herin'ny Tompo manafaka. Fa Izy no niteny hoe « raha ny zanaka no manafaka anareo dia ho afaka tokoa ianareo » (Jao.8, 36).

Fanontaniaini:
Manana finoana hanekena ny herin'ny Batisa ve ianao ?

Alatsinainy 05 Martsa 2018 - II Pet 3 : 8 - 10

8Kanefa izao zavatra izao, ry hava-malala, no aoka tsy hohadinoinareo: amin'ny Tompo, ny indray andro dia toy ny arivo taona, ary ny arivo taona dia toy ny indray andro3.8 Ampit Sal 90.4.. 9Koa tsy ahemotry ny Tompo araka ny hevitry ny sasany akory ny fampanantenàny: saingy mahari-po aminareo Izy, satria tsy tiany hisy ho very fa mba hiroso hiala amin'ny toe-dratsy avokoa ny olona rehetra. 10Ho avy tahaka ny mpangalatra ny andron'ny Tompo; ary amin'izany dia hirimorimo mafy ka hanjavona ny habakabaka sady ho levon'ny hafanana ireo karazan-javatra ao aminy, ary hodorana avokoa ny tany sy izay taozavatra ao aminy.

Mampirisika antsika hifona sv hibebaka ny Tompo amin'ny alalan'ny Soratra Masina. Ny apostoly dia nampahery ny fiangonana mba tsy hisalasala satria fohy ihany ny fotoana ho antsika mitaha amin'ny fotoan'nv Tompo.

1- Aza mangataka andro ela raha hibebaka
Voafetra isika ka na ny andro ahavelomantsika aza dia eo an-tànan' Ilay Tompo sady Mpamonjy. Ny heloka rehetra, ny fahadisoana samihafa dia tian'ny Tompo tsy ahavoa antsika. Koa mandrosoa eo anatrehan'ny Tompo amin'ny fanoloran-tena hosasany sy hodioviny indray. Ny Tompo no miantso ny olona hibebaka ka hiala amin'nv ratsv fanao. Aoka hanatona ny Tompo amin'ny fo mino isika rehefa mivavaka Aminy.

2- Aza miherikerika intsony fa jereo Jesoa
Manan-kery hanafaka antsika ny rà nalatsaky ny Tompo teo amin'ny hazo fijaliana. Tiany ho madio sy masina isika ka tsy hisy ho maty na ho verv. Izv no mitantana sy mitondra antsika ka aoka isika hankatoa ny Teniny. Mijery Azy isika raha manaraka izay lazainy, mijery Azy isika raha manaiky ny toro-marika omeny hananantsika fiainam-baovao ao Aminy. Tsy tokonv hitady famonjena hafa intsony satria Jesoa Kristy ihany no Mpamonjy izao tontolo izao. Misokatra ho an'izav mibebaka ìhany nv làlam-pamonjena.

Fanontaniana :
Efa manana fiainam-baovao ve ianao ?

Alahady 04 Martsa 2018 - Eze 18 : 27 - 32

 27Raha misy kosa olon-dratsy miala amin'ny faharatsiana nataony, ka manao izay marina sy mahitsy, dia mamonjy ny ainy izy. 28Ho velona tokoa izy fa tsy ho faty satria nahatsapa ny asa ratsiny ka niala tamin'izany. 29Kanefa hoy ianareo Israelita hoe: ‹Tsy marina ny fitòndran'ny Tompo.› Tsy ny fitòndrako no tsy marina fa ny anareo! 30Noho izany, Izaho Tompo ANDRIANANAHARY dia hitsara anareo Israelita tsirairay avy araka ny fitondrantenany; teny hentitra avy amiko izany. Koa ovay ny toe-dratsy, ialao ny hadisoana rehetra fanaonareo, dia tsy hisy intsony zavatra hitarika anareo amin'ny heloka. 31Esory ho afaka aminareo ny asa ratsy rehetra fanaonareo; ka mihavaoza fo amam-panahy ianareo. Ahoana no te ho faty ianareo, ry Israelita? 32Fa tsy sitrako ny hahafaty ny olona. Teny hentitra avy amiko Tompo ANDRIANANAHARY izany. Ovay ny toe-dratsy, dia ho velona ianareo.›

Miantoka ny fahavelomana ny tsy fisian-keloka na fahotana koa taomin'ny Tompo amin'ny alalan'ny mpaminany isika mba hiala amin'ny ratsy rehetra amin'ny fìbebahana (and.27). Mitady olona manaiky hibebaka amin'ny fahadisoana ny Tompo ary mamerimberina fa tsy sitrany ny hahafatesan'ny ratsy fanahy fa nyhialany amin'ny làlany ratsy mba ho velona Izy.

1- Manatona ny Tompo amin'nv fo mino
Na inona endrikv nv fahadisoana sy nv fahotana metv mangeja sy mamatotra dia tsarovy fa mitady olona hodiovina sy hosasana ary hovonjena ny Tompo. Efa nataony mihitsy ny famonjena na mbola mpanota aza ny olona. Koa aoka isika hanatona ny Tompo amin'ny fo mino fa mamela heloka izay rehetra tonga miaiky ny fahotany Izy. Mitady fihavanana amin'ny olona Andriamanitra ka tsy mamela azv ho faty sy ho very. Manatona mba handray nv famonjenv isika.

2- Mivavaha ka aza avela handalo ny Tenv
Isakv ny mandray ny Teny vakina na henoina isika dia tokony hisy dingam-piainana vaovao indray hatao. Koa aza havela handalo fotsiny ny Tenin'ny Tompo fa izany no efa nanolorany ny Tenany. Ilay Teny tonga nofo ho sorona teo amin'ny hazo fijaliana mba hisolo voina antsika. Vitany ny famonjena antsika ary resiny ny fahafatesana. Noho izany miantso antsika mba hiala amin'ny fahotana sy ny faharatsiana ny fornpo ka handray ny famelan-keloka sy ny fiainana omeny izay mino sy mankato ny Teny.

Fanontaniana :
Efa misy dingana hitanao nanova ny fiainanao ve nentin'ny Tenin'Andriamanitra?

Sabotsy 03 Martsa 2018 - Dan 9 : 15 - 19

15«Ary ankehitriny, Tompo Andriamanitray ô, Ianao efa nitondra ny vahoakanao niala tany Ejipta tamim-pahefàna mahery, sady nanao ny anaranao ho malaza tahaka ny amin'izao anio izao; izahay kosa efa nanota sady nanao heloka. 16Tompo ô, araka ny asa soa rehetra vitanao dia aoka re mba hisinda ny fahatezeranao sy ny fahaviniranao amin'i Jerosalema tanànanao sady tendrombohitrao masina. Noho ny fahotanay sy ny heloky ny razanay, dia miteny ratsy an'i Jerosalema sy ny vahoakanao ireo firenena manodidina rehetra. 17Ary ankehitriny, ry Andriamanitray ô, henoy ny vavaka amam-pifonako; ka jereo amin-katsarampo ny Toeramasinao efa simba, satria Ianao no Tompo. 18Ry Andriamanitro ô, atongilano ny sofinao ka mihainoa, ary ahirato ny masonao ka jereo ny faharavàn'ity tanànanay, dia ilay tanàna izay niantsoana ny anaranao hitahiana azy; fa tsy noho ny asa soa vitanay no anaovanay fifonana eto anatrehanao fa noho ny halehiben'ny famindramponao. 19Tompo ô, mihainoa; Tompo ô, mamelà heloka; Tompo ô, mandrenesa ka miasà; noho ny aminao aza ela Ianao, ry Andriamanitro ô, satria ny tanànanao sy ny vahoakanao dia efa niantsoina ny anaranao hitahianao azy.»

Tsy nv olona rehetra no nianaiky hanetry tena sy hifona amin'Andriamanitra tahaka izao nataon'i Daniela izao. Malaky manamarin-tena ny olona ka tsy mihaino ny tenin'ny mpanompon'Andriamanitra izay mitondra hafatra ho azy. Mihatra amin'ny vahoaka rehetra ny vokatry ny tsy firosoana mba hanatona amin'ny fanetren-tena.

1- Aoka ho marina ny fibebahana
Vavaka sy fifonana amin'ny fifadian-kanina sy ny lamba fisaonana ary ny lavenona (and.3) no ataon' i I Daniela. Mahatsiaro ho tompon'andraikitra amin'ny heloka sy fahotan'ny firenena izy. Manao fìtarainana noho ireo fahadisoana rehetra (and. 5-14) fa izany no fibebahana marina. Mitady ny tavan'nv Tompo mba ho vita fíhavanana Aminy indray (and.15-16). Miverina mahatsiaro fa Izy no Mpamoniy fa tsy misy hafa.

2- Aoka hatoky ny famindrampon'ny Tompo
Miseho eto ny fanehoana ny finoana ka tanisainy fa mihaino ny Tompo. mijery ny Tompo arv mamela heloka ny Tompo (and. 17-19). Izay mivavaka àry dia olona feno fahatokiana Ilay hivavahana ary mahazo antoka sahady fa ny Tompo Andriamanitra no mpamela heloka. Manatona mitady famindrampo isika raha mivavaka toy izany ka matokia. Izao fìtarainana izao dia tsy noho nv fitadiavana fainonjena fa ny fanandratana fa Andriamanitra tompon' ny hery sy ny fahefana tokoa ilay Jesoa Kristy Mpamonjy antsika arv azo hatonina amin'ny fo mibebaka sadv matoky ny Tompo Mpamindra fo sy Mpamela heloka.

Fanontaniana :
Inona no vavaka fifonana sy fibebahana efa nataonao ?

Zoma 02 Martsa 2018 - Eze 14 : 6 - 11

6Noho izany, ambarao amin'ny Israelita fa iza no lazain'ny Tompo ANDRIANANAHARY: ‹Ialao ny toe-dratsy, ilaozy ny sampinareo sy ny fomba rehetra maharikoriko fanaonareo.›

7«Raha misy Israelita na vahiny monina ao Israely14.7 Ny vahiny nonina tao Israely dia voatery hanaraka ny zavatra notakina amin'ny olom-pirenena israelita ary arovan'ny lalàna mitovy raha ohatra izy ka voafora*; jereo Lev 19.33-34. miala amiko ka mampiorina ny sampiny ao am-pony sady zavatra mitarika azy amin'ny heloka no apetrany eo anoloany, nefa avy eo izy tonga hila hevitra amin'ny mpaminany mba hahalala ny sitrapoko, dia Izaho TOMPO mihitsy no hamaly izany olona izany. 8Hifanandrina aminy Aho ka hataoko tonga oha-pitenenana izy ary hoesoriko tsy ho eo amin'ny vahoakako. Amin'izay dia hoekenareo fa Izaho no TOMPO.

9«Raha misy mpaminany voataona hamaly araka ny tenany ihany, dia Izaho TOMPO no efa nampanao azy izany; ary hanamparako ny heriko izy ka hoesoriko tsy ho eo amin'i Israely vahoakako. 10Na ny mpaminany na ny olona izay manontany azy dia samy hivesatra heloka mitovy ka samy hilanja ny vokany. 11Amin'izay dia tsy hiala amiko intsony ny Israelita sady tsy handoto ny tenany amin'ny heloka rehetra fanaony intsony; dia ho vahoakako izy ary Izaho ho Andriamaniny. Teny hentitra avy amiko Tompo ANDRIANANAHARY izany.

Manavaka ny mpaminany marina sy sandoka ny Tompo ary manome fitarihana antsika fa Andriamanitra  tokony ho henoina sy handraisana fanoloran-tsaina. Tsy manafina ny marina tokony hambara ny mpamimmy marina ary tsy manena izay hanirahana azy na zavatra tsy mahafaly ny olona aza izany indraindray

1- Mandefa teny fanarenana ny Tompo
« Mibebaha, dia miambohoa ny sampinareo » (and.6). Ho antsika koa izany teny izany mba tsy hanomezana anjara toerana ao ampo ny fanompoana andriamani-kafa toy ny fametrahana fitokisana amin'ny vintana, ny kisendrasendra. nv finoanoampoana. sns .. Jesoa Kristy dia te hanjaka ao ampon'izay mino Azy raha niteny ny hoe : « ny fanjakan'Andriamanitra dia ao anatinareo » (Lio. 17.21). Aoka handrav ny tenin'ny Tompo isika ary hanaiky hibebaka sy hanary ny sampin'ny fontsika tsirairay.

2- Manaisotra ny faharatsiana ny Tompo
« fa ho oloko izy ary Izaho ho Andriamaniny » (and. 11) Ho esorin'ny Tompo tsy hifangaro amin'nv olony ny mpaminany sandoka mba hiavahan'ny olony ka ahatonga azy ireo tsy hiala amin'Andriamanitra. Taratry ny fanjakan'Andriamanitra tsv misy fitaka nv fiverenan'ny fifandraisana eo amin'ny olona sy Izv Tompo. Tsy mba sitraky ny Tompo tokoa ny hisian'izay ho very saingv ireo tsy miverina amin'Andriamanitra dia hitondra ny heloky ny tenany . Aoka isika hino ny famonjeny sy hifíkitra Aminy.

Fanotaniana :
Mahatsiaro manana Andriamanitra tokana hivavahana ve isika ?

Alakamisy 01 Martsa 2018 - Mat 4 : 12 - 17

12Nony ren'i Jesoa fa naiditra am-ponja i Jôhany4.12 naiditra... Jôhany: i Jôhany Mpanao batisa no ambara eto. Jereo Mt 14.3., dia lasa nankany Galilea Izy. 13Ary nilaozany i Nazareta ka lasa Izy niorim-ponenana tao Kafarnahòma, tanàna amoron'ny farihin'i Galilea, anatin'ny faritanin'i Zebolòna sy i Naftalỳ4.13 I Zebolòna sy i Naftalỳ dia ireo foko anankiroa niorim-ponenana tany amin'ny faritra avaratr'i Israely, ka isan'iny Galilea faha-Jesoa iny.. 14Ka tanteraka ilay voalazan'ny Tompo tamin'ny alalan'i Isaià mpaminany hoe:

15«Ry tanin'i Zebolòna sy i Naftalỳ,
ry lalana amoron'ny farihy,
ry faritra ampitan'i Jôrdàna,
ry Galilea onenan'ny hafa firenena,
16ny vahoaka izay mihitsoka amin'ny maizina
dia nahita hazavana lehibe,
ary ny olona izay mihitsoka amin'ny toerana alofan'ny fahafatesana
dia niposahan'ny hazavana4.16 Is 8.3–9.1..»

17Hatramin'izay i Jesoa dia nanomboka nitoriteny ka nanao hoe:
–Ialao ny toe-d ratsy4.17 Ialao ny toe-dratsy: jereo ny FTS amin'ny voambolana hoe FIBEBAHANA., fa efa akaiky ny Fanjakàn'ny lanitra.

Hafatra efa nampitondraina an'i Jaona mpanao hatisa no nentin'i Jesoa eto indray. Mifanohy tsara ny asa nanirahana azy ireo. Mifanarana ny asan'i Jaona Mpanao Batisa. fa manomhoka kosa ny an'i Jesoa.

1- « Mibebaha », hoy nv Tompo !
Mandidy antsika hihebaka ny Tonipo amin'izao andro farany izao. Ny nahafoizany ny ainy ho fisoloana antsika teo amin'nv hazofijaliana dia ny mba hanafaka antsika amin'ny fahotana. Koa aoka isika hiala amin'ny ratsy fanao. izay mampisaraka antsika Aminy. Ny fibebahana no làlana hitodihana amin'Andriamanitra ary hiambohoana ny faharatsiana rehetra isan'andro. Manatona an'i Jesoa Kristy mba hodiovinv sy horaisinv ary hanao ny asany ka ho tonga zanak'Andriamanitra rehefa tarihin'ny Fanahinv.

2- « Efa akaikv nv fanjakan'ny lanitra »
Te hanome fampanantenana feno sy mazava ny fihavian'ny fànjakan'ny lanitra ny Tompo. Tanteraka tamin'ny nampiakarana Azy any andanitra ny fanokafany ny varavaran'nv lanitra mba hampidirany antsika. Manomana antsika hiara-mitoetra Amin'ny Tompo ka aoka ho vita fihavanana Aminy isika. Ampy ny fitarihany antsika amin'ny alalan'ny Fanahy Masina. koa mivonona hanatrika ny Tompo. Mivoha ho an' izay manaiky an'i Jesoa ho Tompo sy Mpamonjy azy ny fanjakan'ny lanitra.

Fanontaniana :
Vonona ve ianao amin'izay voalaza eto ?