20Dia nasain’i Josoa natsangana tao Gilgala ireo vato 12 nalaina tao Jôrdàna; 21avy eo dia hoy izy tamin’ny vahoaka israelita:
–Any aoriana any, rehefa hanontanian’ny zanakareo ny anton’ireto vato ireto ianareo, 22dia izao no hampahafantarinareo azy: «Nandia tany maina isika Israelita fahizany raha nita io Jôrdàna io. 23Eny, nataon’ny TOMPO Andriamanitrareo maina ny falehan’ny ranon’i Jôrdàna teo anoloantsika mandra-pitantsika, tahaka izay nataony tamin’ny Ranomasin’ny Volotara teo anoloan’ny razantsika mandra-pitany.» 24Izany no hahafantaran’ny firenena rehetra ambonin’ny tany fa lehibe ny herin’ny TOMPO, ary hanajanareo mandrakizay ny TOMPO Andriamanitrareo!
