41Nony nandre izany izy folo lahy, dia tezitra tamin’i Jakôba sy i Jôhany. 42Fa nantsoin’i Jesoa hanatona azy izy rehetra ka nilazany hoe:
–Fantatrareo fa, eo amin’ny hafa firenena, ireo heverina hoe filohany dia manjakazaka; ary ny lehibeny dia manampatra fahefana. 43Tsy mba toy izany kosa eo aminareo; fa izay te ho lehibe eo aminareo dia ho mpiasanareo, 44ary izay te ho voalohany eo aminareo dia ho mpanomponareo. 45Satria tsy hotompoina no nahatongavan’ny Zanak’olona, fa hanompo ary hanolotra ny ainy ho fanavotana ny besinimaro!
