no lazain'ny TOMPO aminao:
Ny vokatry ny asan'ny Ejiptianina,
ny tombom-barotry ny Etiôpianina
sy ny an'ireo olona ranjanana avy any Seba
dia handalo ao aminao avokoa, ka ho lasanao.
Voafatotra ireny olona ireny no hanaraka anao
ary hiankohoka handady eo anatrehanao
sady hivavabavaka hifona aminao hoe:
«Ato aminao tokoa tokoa Andriamanitra;
ary tsy misy Andriamanitra afa-tsy Izy irery.»
15Kanefa marina fa Andriamanitra miafina Ianao,
ry Andriamanitr'i Israely sady mpamonjy ô!
16Indro ny mpanamboatra sarivongan-tsampy
fa ho indray menatra sy ho afa-baràka;
mandeha mitanondrika izy rehetra.
17Ianareo kosa, ry vahoaka Israely,
dia nandray famonjena mandrakizay avy amin'ny TOMPO.
Tsy ho menatra na ho afa-baràka
na oviana na oviana ianareo.
