7Valio faingana aho, TOMPO ô,
fa efa ambivitra ny aiko.
Aza manafin-tava amiko Ianao,
ndrao ho tahaka izay midina any am-pasana aho.
8Ataovy tsapako isa-maraina ny fitiavanao,
satria Ianao no itokiako;
ampahafantaro ahy ny lalan-kizorako,
satria Ianao no ifantohako.
9TOMPO ô, afaho amin'ny fahavalo aho
fa ao aminao no iereko.
10Ampianaro aho hanao ny sitrakao,
satria Andriamanitro Ianao.
Enga anie ny Fanahinao tsara
hitarika ahy amin'ny tany marina!
11Araka ny maha TOMPO Anao,
dia velomy indray aho;
noho ny fahamarinanao,
dia esory amin'ny fahoriana aho.
12Noho ny fitiavanao ahy,
dia fongory ny fahavaloko
ka aringano avokoa ny mpandrafy ahy,
satria mpanomponao aho.
