1Indray andro dia hoy i Nahômỳ rafozambaviny tamin’i Rota:
–Tsy maintsy mitady tokantrano misy fiadanana izay hahasoa anao aho anaka. 2Fantatrao fa havantsika i Bôhaza sady ianao efa niara-niasa tamin’ny vehivavy mpiasany. Indro izy hikororoka vary ôrza ao am-pamoloana anio alina. 3Koa mandroa ianao, mihosora zava-manitra, dia anaovy ny akanjonao tsara indrindra; avy eo dia midina any am-pamoloana, kanefa aza atao fantatr’i Bôhaza akory izany raha tsy efa avy nihinana sy nisotro izy. 4Rehefa handeha handry izy, dia fantaro ny toerana izay handriany; ary mankanesa eo, ka sokafy kely ny lamba eo an-tongony, dia mandria eo; fa izy mihitsy no hanoro anao izay hataonao.
5Dia hoy i Rota tamin’i Nahômỳ:
–Hataoko avokoa izay nolazainao tamiko.
