1Ary i Hanà nanao tonom-bavaka toy izao:
Feno hafaliana ny foko noho ny amin'ny TOMPO;
mitraka koa ny lohako noho ny aminy.
ary ihomehezako ny fahavaloko.
Faly aho satria novonjen'ny TOMPO;
2tsy misy masina tahaka AZY,
ary tsy misy vatolampy
tahaka an'Andriamanitsika.
Eny, Izy irery ihany no TOMPO.
3Atsaharo ny teny an'avona
sy ny vava tsy ambina rehetra,
fa Andriamanitra mahalala
ny zava-drehetra ny TOMPO;
Izy no mitsara ny ataon'ny olona.
