Alahady 01 Jolay 2012 - gen 39 : 1 - 6

1 Tafidina tany Ejipta i Josefa, satria ireo Jismahelita no nitondra azy tany. Lehilahy ejiptianina atao hoe Potifara, tandapan'ny Farao sady lehiben'ny mpiambina, no nividy azy tamin'ny Jismahelita. 2 Ary ny TOMPO nomba an'i Josefa izay nanjary lehilahy nambinina. Nitoetra tao an-tranon'ilay Ejiptianina tompony izy; 3 ary hitan'ity tompony fa nomban'ny TOMPO i Josefa ka nampahombiaziny avokoa izay rehetra nataony. 4 Ary nahafaly fatratra ny tompony i Josefa ka nataony mpiasa manokana; dia nomeny hiandraiketany ny tao an-tranony sy izay nananany rehetra. 5 Nanomboka hatreo, noho ny amin'i Josefa, dia notahin'ny TOMPO ny tao an-tranon'ilay Ejiptianina sy izay rehetra nananany. Io fitahian'ny TOMPO io dia nanenika ny fananany rehetra na an-tsaha na an-tanana. 6 Noho izany dia navelany teo am-pelatanan'i Josefa avokoa ny fananany rehetra; ka tsy nihevitra na inona na inona intsony i Potifara, afa-tsy izay sakafo hohanin'ny tenany ihany. Tovolahy tsara tarehy sady bikana i Josefa.