1Dia hoy Ilay niteny tamiko hoe: «Ry ilay taranak’olombelona, hano io horonan-taratasy izay naseho anao io, dia mandehana miteny amin’ny Israelita.» 2Dia nosokafako ny vavako ary nafahany ahy ilay horonan-taratasy. 3Ary hoy Izy tamiko: «Ry ilay taranak’olombelona, fenoy ny kibonao ary vokiso amin’io horonan-taratasy omena anao io ny tenanao.» Dia nohaniko izany, ka tao am-bavako dia mamy toy ny tantely.
