22Indray andro, niondrana an-tsambokely i Jesoa mbamin'ny mpianany*, ka hoy Izy tamin'ireo:
–Andeha isika hankeny ampitan'ny farihyeny ampita atsinanan'ny farihy. '>!
Dia niainga Izy mianakavy. 23Teny am-pandehanana, dia azon'ny torimaso i Jesoa. Ary nisy tafio-drivotra niantonta teo amin'ny farihy ka nila ho feno rano ny sambokely ary efa am-bava loza izy ireo. 24Dia nohatonin'ny mpianany i Jesoa ary nofohaziny sady nataony hoe:
–Mpampianatra ô, Mpampianatra ô, ho faty isika!
25Dia nifoha Izy ka niteny mafy ny rivotra sy ny onjan-drano; dia nitsahatra ireo ary nanjary tony tsara ny andro.
Dia hoy i Jesoa tamin'ny mpianany:
–Fa aiza ny finoanareo?
Izy ireo koa raiki-tahotra sy gaga sady nifampilaza hoe:
–Iza moa ity? Fa baikoiny hatramin'ny rivotra sy ny rano, dia manaiky Azy!
